D119725

១) មន្ទីរសន្តិសុខភូមិវាល (គុកភូមិវាល)។​
២) ទីតាំងសម្លាប់មនុស្សនៅភូមិព្រៃវាំង។

ភាសាខ្មែរ

កម្ពុជា

ឆ្នាំ២០០៦

ភូមិវាល​ និងព្រៃវាំង

មជ្ឈមណ្ឌលឯកសារ/ D119725

ឯកសារវាយកំុព្យូទ័រ (tx)។ ឯកសារចំនួន ២ទំព័រ។

១) មន្ទីរសន្តិសុខភូមិវាល (គុកភូមិវាល)។​
២) ទីតាំងសម្លាប់មនុស្សនៅភូមិព្រៃវាំង។

១) ភូមិវាល ពុំមែនជាភូមិដែលបែងចែកជាផ្លូវការតាមបែបបទអត្ថបទភូមិឃុំឡើង។ ប៉ុន្តែភូមិដែលប្រជាជនស្គាល់ថាជាភូមិដែលស្ថិតក្នុងឃុំតាលោ ស្រុកាកាន ខេត្តពោធិ៍សាត់។ កាលពីជំនាន់ខ្មែរក្រហម ភូមិវាលត្រូវបានប្រើប្រាស់ជាទីតាំងមន្ទីរសន្តិសុខ និងកន្លែងសម្លាប់មនុស្ស។ តាមការបំភ្លឺរបស់ វ៉ន វ៉ែន ភេទប្រុស អាយុ៦៧ឆ្នាំ។ វ៉ែនបានប្រទះឃើញរណ្ដៅសាកសពរាប់រយ នៅលើដីចំនួនប្រហែល៥ហិកតានៃភូមិវា នៅក្នុងរណ្ដៅនីមួយ ឃើញមានឆ្អឹងសាសព។ ប្លុង ប៊ុនលើ ជាអតីតអ្នកទោសនៅភូមិវាល បានប្រាប់ថាក្បែរមន្ទីរឃុំឃាំង នៅក្នុងដីមានរណ្ដៅជាច្រើន ចំនួនប្រហែល២ហិកតាជុំវិញបរិវេណគុក។ ចំណែករណ្ដៅរាប់រយផ្សេងទៀត ស្ថិតនៅត្រពាំង២។ ​
២) ភូមិព្រៃវាំង ជាភូមិមួយចំណុះឲ្យឃុំតាលោ ស្រុកបាកាន ខេត្តពោធិ៍សាត់។ ជាអតីតកន្លែងសម្លាប់មនុស្សរបស់ខ្មែរក្រហម។ សាក្សីដែលធ្លាប់បានឃើញហេតុការណ៍ផ្ទាល់កាលពីសម័យខ្មែរក្រហម គឺលោកសោម ឈួន ជាមេភូមិព្រៃវាំង លោកសំ ជាង ជាអនុភូមិ។ លោក ឈួន និង ជាង បានរៀបរាប់ពីហេតុការសម្រាប់មនុស្សរបស់ខ្មែរក្រហម។ ឈួន និងជាង និយាយថាមានរណ្ដៅសាកសពជាង៨០ ស្ថិតនៅជុំវិញភូមិព្រៃវាំង និងជាង១០០រណ្ដៅទៀតនៅក្នុងព្រៃរំពាន់។ ជនរងគ្រោះត្រូវខ្មែរក្រហមនាំយកទៅសម្លាប់នៅទីនោះ គឺជាប្រភេទប្រជាជនត្រូវជម្លៀសមកពីភូមិភាគបូព៌ា នៅអំឡុងឆ្នាំ១៩៧៧ សម្លាប់ដោយការបាញ់កាំភ្លើង និងប្រើចំពុះកាំចាក់សម្លាប់។

© មជ្ឈមណ្ឌលឯកសារកម្ពុជា