​

D119581

លិខតិ របស់នាយកមជ្ឃមណ្ឌលឯកសារកម្ពុជា ផ្ញើជូន អភិបាលខេត្តកំពង់ស្ពឺ ស្នើសុំឲ្យក្រុម​​ការងារបន្តចុះស្រាវជ្រាវរណ្តៅសាកសព។

ភាសាខ្មែរ

កម្ពុជា

ថ្ងៃទី១៦ ខែមេសា ឆ្នាំ១៩៩៧

មជ្ឈមណ្ឌលឯកសារកម្ពុជា/ថ្ងៃទី១៧ ខែមីនា ឆ្នាំ២០២៥

មជ្ឈមណ្ឌលឯកសារកម្ពុជា

DC-Cam/មជ្ឈមណ្ឌលឯកសារកម្ពុជា

កម្ពុជា

ឯកសារវាយដោយកុំព្យូទ័រ(tx), ឯកសារចំនួន១ទំព័រ។

អភិវាលខេត្តកំពង់ស្ពឺ និងលោកឆាំងយុ នាយក មជ្ឈមណ្ឌលឯកសារកម្ពុជា។

ឆាំង យុ

ខ្ញុំបាទមានកិត្តយស និង មានសេចក្តីរីករាយ ជំរាបជូនឯកឧត្តមឲ្យបានជ្រាបថា កម្មវិធីស្រាវជ្រាវអំពីការប្រល័យពូជសាសន៍នៅកម្ពុជា បានបញ្ចប់កិច្ចសន្យារបស់ខ្លួនជាមួយនឹងក្រសួងការបរទេស ប្រកបដោយផ្លែផ្កាគួរជាទីគាប់ចិត្ត។ មួយផ្នែកនៃជោគជ័យនេះ គឺ បានមកពីការជួយឧបត្ថម្ភរបស់ឯកឧត្តម ព្រមទាំងសហការី នៃខេត្តកំពង់ស្ពឺ។ ឯកសារ រូបថត និងទីតាំងរណ្តៅសាកសពទាំងប៉ុន្មាន ដែលយើងខ្ញុំបានរកឃើញ ហើយបានបញ្ជូនទៅក្នុងទិន្ន័យប្រព័ន្ធកុំព្យូទ័រនោះត្រូវបានធ្វើការផ្សព្វផ្សាយជាសាធារណៈតាមប្រព័ន្ធកុំព្យូទ័រអន្តរជាតិ កាលពីខែមករានេះ កន្លងរួចហើយ។​ ទន្ទឹមនឹងគ្នានេះដែរ កម្មវិធីស្រាវជ្រាវអំពីការប្រល័យពូជសាសន៍ នៅសកលវិទ្យា​ល័យ យ៉េល និងមជ្ឈមណ្ឌលឯកសារនៅទីក្រុងភ្នំពេញ នៅតែបន្តសកម្មភាពរបស់ខ្លួនបន្តទៅទៀត។ មជ្ឈមណ្ឌលឯកសារ គឺជាវិទ្យាស្ថានអចិន្ត្រៃយ៍មួយដែលបានបង្កើតឡើងដោយកម្មវិធីស្រាវជ្រាវអំពីការប្រល័យពូជសាសន៍នៅកម្ពុជា ដែលប្រហែលជាឯកឧត្តមបានជ្រាបរួចមកហើយថា​ មជ្ឈមណ្ឌលនេះ គឺ ជាកន្លែងស្រាវជ្រាវ និង សិក្សាអំពីរបប ប៉ុល ពត សំរាប់ជាសេចក្តីត្រូវការរបស់សាធារណៈជនគ្រប់រូប។ គោលបំណងនៃលិខិតនេះ គឺ ខ្ញុំបាទ សូមជំរាបជូនឯកឧត្តមថា ក្រុមស្រាវជ្រាវរណ្តៅសាកសពរបស់ខ្ញុំបាទ នឹងចុះមកកាន់ខេត្តរបស់ឯកឧត្តម ជាថ្មីម្តងទៀត នៅថ្ងៃទី១៧ ដល់ថ្ងៃទី១៧ ខែ មេសា ឆ្នាំ១៩៩៧ ខាងមុខនេះ។ ខ្ញុំបាទ សង្ឃឹមទាំងស្រុងពីការជួយឧបត្ថម្ភរបស់ឯកឧត្តម ជាពិសេសលើបញ្ហាសន្តិសុខ។ ជាថ្មីម្តងទៀត ជួសមុខឲ្យកម្មវិធីស្រាវជ្រាវអំពីការប្រល័យពូជសាសន៍នៅកម្ពុជា និង មជ្ឈមណ្ឌលឯកសារកម្ពុជា ខ្ញុំបាទ សូមសំដែងនូវសេចក្តីដឹងគុណដ៏ជ្រាលជ្រៅ ចំពោះការជួយជ្រោមជ្រែង និងសហប្រតិបត្តិការណ៍របស់ឯកឧត្តម នៅក្នុងកម្មវិធីនេះ ដែលជាប្រវត្តិសាស្ត្រ និង មានសារៈសំខាន់ដ៏ធំធេង ចំពោះប្រជាជនកម្ពុជា។

© មជ្ឈមណ្ឌលឯកសារកម្ពុជា