D119517

របាយការណ៍ស្ដីពីការចុះស្រាវជ្រាវឯកសារទាក់ទងអំពីអំពើឧក្រិដ្ឋកម្មរបស់បន ប៉ុល ពតនៅក្នុងស្រុកស្នួល និងស្រុកឆ្លូង ខេត្តក្រចេះ។

ខ្មែរ

កម្ពុជា​

២៩ មិថុនា ១៩៩៩

ខេត្តក្រចេះ

DC-Cam/ ២០មីនា ២០២៥

មជ្ឃមណ្ឌលឯកសារកម្ពុជា

ឧក្រិដ្ឋកម្មរបស់បនប៉ុល ពត ខេត្តក្រចេះ

ការចុះស្រាវជ្រាវនៅខេត្តក្រចេះ៖ ស្រុកស្នួល-ស្រុកឆ្លង លើកទី២នេះ៖ យើងទទួលបានលទ្ធផលដូច

តទៅ:

ក- ការទំនាក់ទំនងរដ្ឋបាល សំរួលការងារបានល្អចាប់ពីថ្នាក់នាយខុទ្ទកាល័យខេត្ត អភិបាលខេត្ត អភិបាលស្រុក និងបណ្តាឃុំបានល្អ ជារួមទូទាំងខេត្ត ។

ខ-ពត៌មានស្តីពីសន្តិសុខ សណ្តាប់ធ្នាប់ខេត្ត និងស្រុកទាំងពីរ ចំពោះខ្មែរក្រហមឥតបញ្ហា ឯបញ្ហាគឺ ចោរប្លន់ប្រដាប់អាវុធ ។ ផ្លូវជាតិលេខ ៧ ក្រចេះ៖ស្នូល ខែ ៥ ឆ្នាំ ១៩៩៩ថ្មីៗនេះ៖ មានករណី ប្លន់ប្រដាប់អាវុធ ៥-៦លើក ភួង់បាញ់សំលាប់អ្នកដំណើរយកទ្រព្យសម្បត្តិ គ្មានសល់ ។ ផ្លូវទឹកពីខេត្តមកស្រុកឆ្លូងគ្មានបញ្ហា ពីស្រុកឆ្លូងទៅស្នូល ចំងាយ ១០៤ គីឡូម៉ែត្រ ផ្លូវឈ្មោះ៖ សាំលិញ កសាងឡើងដោយក្រុមហ៊ុនរបស់ម៉ាឡេស៊ី ស្ថានភាពផ្លូវ ស្ងាត់គួរអោយបារម្ភ ឆ្លងកាត់ មេមត់ និងដំបែរ ។

គ- ការស្រង់ពត៌មានប្រយោលពីខេត្ត-ស្រុក ពីទីតាំងប្រល័យពូជសាសន៍ : យើងស្រង់បានដឹង ខ្លះៗពីទីតាំងតុកសន្តិសុខ កន្លែងសំលាប់នៅតាមភូមិឃុំ ប៉ុន្តែមិនទាន់ជាក់ស្តែងលំអិតគូរ លេខជនរងគ្រោះ៖ រណ្តៅសាកសព និងសាក្សី ។ ប៉ុន្តែយើងមានលក្ខណៈងាយស្រួល ដោយ ខេត្តបានជូនដំណឹងទៅស្រុក ហើយស្រុកបានជូនដំណឹងបន្តទៅភូមិត្រៀមពត៌មានផ្តល់ជូន យើងទាន់ពេលវេលា និងល្អប្រសើរ ។

ឃ- ផ្លូវគមនាគមន៍ : ងាយស្រួល ពីស្រុកទៅស្រុក ពីស្រុកទៅឃុំ ប៉ុន្តែពីឃុំទៅទីតាំងខ្លះ៖ ៣០គីឡូម៉ែត្រ ខ្លះ៖ ៥០គីឡូម៉ែត្រ គ្មានផ្លូវ គ្មានប្រជាជនរស់នៅ មានចោរព្រៃ ទៅមិនរួច ។

លក្ខណៈធម្មជាតិ: ពេលព្រឹកធ្វើការបានល្អគ្មានភ្លៀង ចាប់ពីម៉ោង ១១ទៅ មេឃងងឹត ពពកខ្មៅ គ្មានពន្លឺ ដូច្នេះល្ងាចខ្លះបំពេញការងារមិនបាន ។ ស្រុកទាំងពីរសំបូរព្រៃ ទីតាំង ត្រពាំងឈូកក្នុងឃុំឃឹម ស្រុកស្នួល ចំងាយ ៥គីឡូម៉ែត្រ ពីផ្លូវជាតិលេខ ៧ ទៅមិនបាន ដោយគ្មានផ្លូវ និងមានចោរព្រៃ មិនធានាសន្តិសុខ ។ ទីតាំងខ្លះទៀតក្នុងស្រុកឆ្លងដូចជា ឃុំដំរីផុង. ស្រែលោក. ឃុំរោងដំរី ចំងាយ ៣០ ទៅ ៥០គីឡូម៉ែត្រ គ្មានផ្លូវ គ្មានមនុស្ស រស់នៅ មិនធានាសន្តិសុខ ។ ឧបសគ្គទាំងនេះធ្វើអោយសំរេចលទ្ធផលបានតែ ២ទីតាំង ។

© មជ្ឈមណ្ឌលឯកសារកម្ពុជា