D119528

របាយការណ៍ស្ដីអំពីសកម្មភាពចុះទៅសិក្សាជ្រាវជ្រាវអំពីឧក្រិដ្ឋកម្មរបស់ ប៉ុល ពត នៅខេត្តកំពង់ចាម​

ខ្មែរ

កម្ពុជា​

១៣ មិនា ឆ្នាំ១៩៩៧

ខេត្តកំពង់ចាម

មជ្ឃមណ្ឌលឯកសារកម្ពុជា/ ២០ មីនា ២០២៥

មជ្ឃមណ្ឌលឯកសារកម្ពុជា

ឯកសារមានចំនួន ១៩ទំព័រ, ឯកសារវាយកុំព្យូទ័រ

ស្រុកពញាក្រែក
ស្រុកមេមត់

ការចុះស្រាវជ្រាវនៅក្នុងខេត្តកំពង់ចាម

ឆ្លងតាមបទពិសោធន៍ការងារនៅខេត្តកំពង់ឆ្នាំង និងនៅខេត្តកំពង់ចាម តាមរយៈកន្លងរួចនេះ ខ្ញុំយល់ឃើញថា ការងារស្រាវជ្រាវអំពើប្រល័យពូជសាសន៍ ហៅបន ប៉ុល ពត នៅកម្ពុជានេះ មានអត្ថន័យល្អទូលំទូលាយ និងការលំបាកខ្លះៗដូចតទៅ :
ចំណុចល្អ កិច្ចការនេះត្រូវបានឯកឧត្តមចៅហ្វាយខេត្ត និងមន្ត្រីនានា ដែលរួមសហការ ក៏ដូចមន្ត្រី នៅក្នុង​ស្រុកដែលត្រូវចុះ៖ ប្រជារាស្ត្រ គាំទ្រ និងមានស្មារតីសហការ យ៉ាងសស្រាក់សស្រាំផងដែរ ។ តាម​​​ការ ស្ថាបស្ទង់លើ​ទឹកចិត្ត របស់គេ គឺគេប្តេជ្ញាស្លាប់រស់ជាមួយ ពួកប្រល័យពូជសាសន៍ និងចងកំហឹងចំពោះពួកឃាតករទាំងនោះ៖ ប៉ុន្តែគេមានការសោកស្តាយ​ថាពេលវេលាវាកន្លងទៅយូរពេក ទើបឃើញក្រុមយើង ចុះស្រាវ​ជ្រាវ ដូច្នេះភស្តុតាង រណ្តៅឆ្អឹង ទីតាំងគុក សន្តិសុខ វាស្ទើរតែបាត់បង់អស់ហើយ ។
អំពីលទ្ធផលអត្ថប្រយោជន៍ ក្រុមយើងទទួលបានដោយសារការខិតខំយ៉ាងមមារញឹក សស្រាក់ សស្រាំ គ្មានគិតពេលវេលាសំរាក លទ្ធផលបានមកនោះគឹមធ្យម ស្របតាមពេលវេលាកំណត់ដែលបាន គ្រោងទុក ។
អំពីការលំបាក កម្មវិធីគ្រោងទុកសំរាប់ខេត្តនិមួយៗ ៣ថ្ងៃទៅបួនថ្ងៃ និងមានខេត្តខ្លះចុះ ៣ស្រុក ដូច្នេះហើយធ្វើអោយកិច្ចការហាក់បីដូចជាតក់ក្រហល់ពេកដែរ ​ ព្រោះ​ថាថ្ងៃធ្វើការគិតតាំងពីថ្ងៃចេញ ដំណើរ ដូច្នេះបើគិតចម្ងាយផ្លូវឆ្ងាយ ផ្លូវលំបាក ពីខេត្តទៅស្រុក ឧទាហរណ៍ ខេត្តកំពង់ចាម ទៅស្រុក មេមត់ ៨៦គីឡូម៉ែត្រ ផ្លូវលំបាកជាទីបំផុត ។ ម៉្លោះហើយការធ្វើដំណើរ វាស៊ីពេលវេលាអស់ជាច្រើនដែរ ក្នុងរយៈពេលកំណត់នេះ ។ ការដែលយើងធ្វើការដោយតក់ក្រហល់យ៉ាងនេះ នាំអោយលទ្ធផលការងារ ទទួលបានបរិមាណតិច និង គុណភាពការងារវាមិនសូវបានច្បាស់លាស់ និង គ្រប់ជ្រុងជ្រោយនោះឡើយ ។ មិនតែប៉ុណ្ណោះ​ អាចមានការជួបឧបសគ្គខ្លះផង ។

មតិមូលដ្ឋានខ្លះ​ ដូចជាប្រធានមន្ទីរធម្មការ ខេត្តកំពង់ចាម គេបានឆ្ងល់ថា មជ្ឈមណ្ឌលស្រាវជ្រាវ ពីមុន មានបរទេសធ្វើ តែឥឡូវមានខ្មែរធ្វើវិញ គេថាជាអង្គការឯកជនទេដឹង? គេបានណែនាំថ្នាក់ក្រោម គេយូរឆ្នាំ ហើយតែគ្មានប្រសិទ្ធិភាពសោះ គេចង់ឱ្យស្ថាប័នណា​មួយថ្នាក់លើចេញគោល​ការណ៍ ឱ្យច្បាស់ងាយ ស្រួល​​គេសហការទៅថ្ងៃមុខ ។

ប៉ុន្តែទោះបីមានបញ្ហានោះចោទ យើងបានដោះស្រាយរួច ដោយគ្មានបញ្ហាសោះឡើយ ដោយ យើងសំអាងលើគោលការណ៍របស់ទីស្តីការគណៈរដ្ឋមន្ត្រីរបស់ក្រសួងមហាផ្ទៃ ។ល។ ហើយសំខាន់ យើងបានបង្ហាញគោលការណ៍ថ្មី ដែលមជ្ឈមណ្ឌលស្រាវជ្រាវឯកសារបានស្នើសុំសហការជាមួយនិងនាយកដ្ឋាន តំកល់ឯកសារជាតិ និងឧទ្ទេសនាមចេញដោយទីស្តីការគណៈរដ្ឋមន្រ្តី និងក្រសួងមហាផ្ទៃ ។

ម្យ៉ាងទៀតការកំណត់ពេលវេលាក្នុងកម្មវិធីការងារ មិនបានគិតពេលវេលាទំនាក់ទំនងផងទេ ឧទាហរណ៍ : ករណីខេត្តកំពង់ចាម ចៅហ្វាយខេត្តគេទាំងបី នាយកមន្ទីរ សុទ្ធមានភារកិច្ច ចុះទំនាក់ទំនង នៅបណ្តាស្រុក អមដំណើរថ្នាក់ដឹកនាំប្រទេសយើង នៅរង់ចាំអស់ជាងកន្លះថ្ងៃ គិតទាំងម៉ោងពេលធ្វើ ដំណើរអស់មួយថ្ងៃ ដូច្នេះវាខើចពេលវេលាត្រូវធ្វើការ នេះជាការលំបាកនាំអោយតក់ក្រហល់ការងារ ។

សំណូមពរ ក្រុមស្រាវជ្រាវយើងខ្ញុំ ចំពោះលោកនាយក បើសិនជួបការលំបាកដូចជំរាបខាងលើ យើងខ្ញុំស្នើពន្យាពេលវេលា ជាក់ស្តែងដើម្បីអោយការងារនេះទទួលបានបរិមាណ និងគុណភាពសមស្របជាង មុនៗ ។

យោបល់យើងក៏ដូចមតិនៅមូលដ្ឋាន គេបានអោយពត៌មាន នៅមានច្រើនណាស់ បើសិនជាចង់ អោយការងារស្រាវជ្រាវអំពើប្រល័យពូជសាសន៍នោះមានបរិមាណច្រើន លទ្ធផលល្អ គួរប្រើពេលវេលា យូរបន្តិចនៅតាមខេត្ត ស្រុកនិមួយៗ ទូទាំងប្រទេសកម្ពុជា ។ ------
ស៊ុន យិន

ចំនួនប្រជាជនធ្វើញ្ញតិប្តឹងទូទាំងខេត្តកំពង់ចាម មាន ៧៩.៤៥០ នាក់ ។

ចំនួនជនរងគ្រោះស្លាប់ក្នុងរបប ប៉ុល ពត ទូទាំងខេត្តកំពង់ចាមមាន ១៥៨.៥៤៩ នាក់ ។

ក្នុងនោះរួមមាន :

កសិករ

: ៧.២៣៣ នាក់

មន្រ្តីរដ្ឋការស៊ីវិល

: ៣៤.២០៧ នាក់

លោកសង្ឃ

: ៣.៩៦០ អង្គ

ជនជាតិ

: ៧៤.០១៧ នាក់

ជនពិការ

: ២១ នាក់

© មជ្ឈមណ្ឌលឯកសារកម្ពុជា