Chrach Hai

បាត់ខ្លួន

ប្រុស

កើតឆ្នាំ១៩៥៣។

០៦០២០៩១០ ខេត្ដកំពង់ធំ ស្រុកកំពង់ស្វាយ ឃុំត្រពាំងឬស

១៩៧២????

ស្ម័គ្រចិត្ដ

អង្គភាពយោធាកងពល៣១០ ភ្នំពេញ។

មជ្ឈិម«១២»ភ្នំពេញ។

យោធា

ខេធីអាយ០៣៤២ ២០០៣០៦១០ ភូមិត្រពាំងព្រលិត ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។ សម្ភាស ដោយៈ វ៉ាន់ថាន់ ពៅដារ៉ា និង ផាន់ សុជា។ កំណត់សំគាល់ៈ ច្រាច់ ហៃ បាត់ខ្លួនបន្ទាប់ពីមកលេងក្រុមគ្រួសារបានម្តង ហើយ ក៏បាត់ដំណឹងរហូត។ ជួបសម្ភាសជាមួយ សួន ច្រាច់ ជាឪពុក។

ច្រាច់ ហៃ ភេទប្រុស កើតឆ្នាំ១៩៥៣បាត់ខ្លួន។ ជួបជាមួយឈ្មោះ សួន ច្រាច់ អាយុ៧៥ឆ្នាំត្រូវ ជាឪពុក។ ហៃ មានម្ដាយឈ្មោះ ធុច មានបងប្អូនចំនួន១០នាក់ មានស្រុកកំណើតនៅភូមិត្រពាំង ព្រលិត ឃុំត្រពាំងឫស្សី ស្រុកកំពង់ស្វាយ ខេត្ដកំពង់ធំ។ ហៃ មានកំរិតវប្បធម៌ត្រឹមថ្នាក់ទី១១ ឪចាស់ឱ ឈប់រៀនមកជួយ ធ្វើស្រែចម្ការឪពុកម្ដាយ។ នៅឆ្នាំ១៩៧០ប្រទេសជាតិកើត មានសង្គ្រាម មានចលនាខែ្មរក្រហមមកឃោសនាឱ្យយុវជនមានការ ឈឺចាប់និងរបបលោកលន់ នល់។ ធម្មតាយើង រស់នៅក្នុង តំបន់រំដោះគ្មានកូនចៅពីណាអាចគេចផុតពីកាព្វកិច្ចយោធាទេ បើយើងមិនទៅគេធ្វើបាប យើងធ្វើបាបឪពុកម្ដាយ។ នៅឆ្នាំ១៩៧២ ហៃ បានស្ម័គ្រចិត្ដចូលធ្វើជាយោធាខែ្មរក្រហម តាមរយៈ ឈ្មោះ ទីវ។ ហៃ បានចូលដំបូងនៅត្រឹមស្រុកស្ទោង បន្ទាប់មកទៀតអង្គការបញ្ជូនទៅសមរភូមិមុខ វាយជាមួយ ទាហានលោកលន់ នល់។ បន្ទាប់មកឃើញកូនឈ្មោះ ហៃ មកផ្ទះវិញ ហើយមិនចង់ទៅ អង្គភាពវិញទេ តែឪពុកម្ដាយខ្លាចអង្គការយកទៅ វាយចោលក៏ប្រាប់កូនឱ្យត្រឡប់ទៅអង្គភាពវិញ ក៏ បាត់ដំណឹង មិនឃើញមកលេងផ្ទះទៀត។ នៅឆ្នាំ១៩៧៥ ពេលរបបខែ្មរក្រហម ឡើងកាន់អំណាចក៏មិន បានដឹងថា កូនរស់នៅទីណា ធ្វើការងារ នៅទីណាទេ បាត់ឈឹងរហូតមកដល់ពេលនេះ។ បើតាមប្រវត្ដិ រូប ច្រាច់ ហៃ ធ្វើជាយោធានៅកងពល៣១០ ភ្នំពេញ។

© មជ្ឈមណ្ឌលឯកសារកម្ពុជា