Peang Voar

វង់

បាត់ខ្លួន

ប្រុស

ជំនាន់ខែ្មរក្រហមអាយុ៤២ឆ្នាំ

០៦០៥០៥០៧ ខេត្ដកំពង់ធំ ស្រុកប្រាសាទសំបូរ ឃុំតាំងក្រ

១៩៧០????

ស្ម័គ្រចិត្ដ

អង្គភាពអ្នកទោសនៅមន្ទីរស២១ ភ្នំពេញ។

អ្នកទោស

ធុច

ខេធីអាយ០០១០ ២០០២១១១៣ ភូមិទឹកអណ្ទូង ឃុំតាំង ក្រសៅ ស្រុកប្រាសាទសំបូរ ខេត្តកំពង់ធំ។ សម្ភាសដោយៈ វ៉ាន់ថាន់ ពៅដារ៉ា និង ស៊ិន ឃិន។ កំណត់សំគាល់ៈ ពាង វ៍រ បាត់ខ្លួន។ ជួបសម្ភាសជាមួយ នឹងប្រពន្ធឈ្មោះ អៀប គៀវ។

ពាង វ័រ ហៅ វង់ ភេទប្រុស អាយុ៤២ឆ្នាំ បាត់ខ្លួន។ ជួបជាមួយ ឈ្មោះ អៀប គៀវ អាយុ៦៧ ឆ្នាំត្រូវជាប្រពន្ធ មានកូនចំនួន ១២នាក់។ វង់ មានឪពុកឈ្មោះ ពាង ម្ដាយឈ្មោះ ហ៊ឺន មាន មានស្រុកកំណើតនៅភូមិទឹកអណ្ដូង ឃុំតាំងក្រសៅ ស្រុក ប្រាសាទសំបូរ ខេត្ដកំពង់ធំ។ វង់ កាលពី តូចមិនថារៀនសូត្រ បានដល់ត្រឹមណាទេ។ នៅឆ្នាំ១៩៦៤ បានរៀបការប្រពន្ធ ឪពុកម្ដាយជារៀបចំ ទុកដាក់។ វង់ ជារកស៊ីធម្មតាតែក្រោយ មកចេះគិតគូប្រទេសជាតិរហូតទទួលមេដៃកិត្ដិយសពីសមេ្ដច សីហនុ វង់ មានខ្សែរយៈចលនាតស៊ូច្រើនជាមួយឈ្មោះ ធុច ហៅកុយ ធួន។ នៅឆ្នាំ១៩៧០ ពេលកើតមានរដ្ឋប្រហារទម្លាក់សមេ្ដចសីហនុ វង់ ខឹងនិងរដ្ឋប្រហារខ្លាំងណាស់ ក៏ស្ម័គ្រចិត្ដចូលពៃ្រម៉ាគី ចោល ប្រពន្ធកូន។ ក្រោយមកទៀតបានដឹងថា វង់ មានតួនាទីជាប្រធាន សេដ្ឋកិច្ចនៅភូមិភាគឧត្ដរ។ នៅឆ្នាំ១៩៧៥ ពេលខែ្មរក្រហម បានឡើងកាន់អំណាច វង់ បានទៅស្រុកកំណើតនាំយកប្រពន្ធកូនមក ភ្នំពេញ។ នៅភ្នំពេញ វង់ ធ្វើការនៅក្រសួងពាណិជ្ជកម្ម តែ វង់ ធ្វើជាជាងជួសជុលម៉ាស៊ីនដេរនិង ប្រពន្ធអង្គការចាត់តាំងឱ្យមើលនាំ កុមារនៅក្រសួងពាណិជ្ជកម្ម។ វង់ ធ្វើការនៅក្រសួងពាណិជ្ជកម្មនិង មិនសូវបានជួបមុខប្រពន្ធកូនទេ យូរៗបានមកជួប ប្រពន្ធកូនម្ដង។ ក្រោយមកប្រហែលជាឆ្នាំ១៩៧៧ មិនដែល ឃើញប្ដីមកលេងទេ ហើយក៏មិនបានដឹងថាប្ដីទៅណាដែរ។ មានថៃ្ងមួយមានយោធាផ្នែកកាត់ ដេរបានមកដល់កនែ្លងមន្ទីរកុមារ ហើយបានប្រាប់ឈ្មោះ គៀវ ថា ខ្ញុំឃើញប្ដីបងអង្គការចាប់ចងដាក់ ឡានហ្ស៊ីបយកទៅបាត់ហើយ ពេលនោះ គៀវ មិនហ៊ានយំទេ សុខចិត្ដយកដៃញីច្រមុះ បើយើងយំ ខ្លាចអង្គការយកទៅ សម្លាប់ចោលទៀត អាណិតដល់កូនដែលនៅរស់។ បើតាម ប្រវត្ដិរូប វង់ អង្គការ ចាប់ខ្លួននៅថៃ្ងទី២៧ខែ២ឆ្នាំ១៩៧៧ យកដាក់គុកនៅទួលសែ្លង។

© មជ្ឈមណ្ឌលឯកសារកម្ពុជា