Prakk Roeun

KCI0755

ប្រាក់ រឿន

បាត់ខ្លួន

ប្រុស

០៣០២០៦០៩, ខេត្ដកំពង់ចាម ស្រុកចំការលើ ឃុំស្វាយទាប ភ

១៩៧៣????

ស្ម័គ្រចិត្ដ

អង្គភាពយោធាកងពល៣១០ ភ្នំពេញ។

មជ្ឈឹម(១២)ភ្នំពេញ។

អនុយោធាកងធំ

ខេស៊ីអាយ០៧៥៥ ២០០៤០១១៣, ភូមិបុសថ្លាន់ ឃុំស្វាយ ទាប ស្រុកចម្ការលើ ខេត្តកំពង់ចាម។ សម្ភាសដោយៈ ឡុង ដានី។ កំណត់សំគាល់ៈ ប្រាក់ រឿន បាត់ខ្លួន។ ជួបសម្ភាស ជាមួយ តាល់ លន់ អាយុ៧០ឆ្នាំត្រូវជាម្តាយ។

ប្រាក់ រឿន ភេទប្រុស បាត់ខ្លួន ជួបសំភាសជាមួយឈ្មោះ តាល់ លន់ អាយុ ៧០ឆ្នាំត្រូវជាម្ដាយ។ រឿន មានឪពុកឈ្មោះ ហង់ ហោ ម្ដាយ តាល់ លន់ មានបងប្អូនបង្កើត ៤នាក់ ស្រី១ប្រុស៣ មានស្រុកកំណើតនៅភូមិបុសថ្លាន់ ឃុំស្វាយទាប ស្រុកចម្ការលើ ខេត្ដកំពង់ ចាម។ រឿន កាលពីតូចរៀនបានត្រឹមថ្នាក់ទី១០ឪចាស់ឱ នៅសាលាបឋមសិក្សាស្វាយទាប ឈប់ រៀននៅពេលកើតមាន
បាតុកម្មទម្លាក់សមេ្ដចសីហនុ។ ឈប់រៀនមកជួយស្រែ ចម្ការឪពុកម្ដាយ។ នៅ ឆ្នាំ១៩៧៣ បានស្ម័គ្រចូលបដិវត្ដ តាមរយៈឈ្មោះ អ៊ាង ជាអ្នកអប់រំឱ្យយល់ដឹងពីគោលនយោបាយ បក្ស។ ពេលចេញពីផ្ទះដំបូងអង្គការឱ្យនៅត្រឹមចម្ការអណ្ដូង តែក្រោយមកទៀតដឹងថា អង្គការបញ្ជូន ទៅសមរភូមិមុខវាយ ជាមួយទាហាន លន់ នល់។ នៅឆ្នាំ១៩៧៥ រឿន បានមក លេងផ្ទះជួបជុំបងប្អូន ឪពុកម្ដាយបានប្រហែលជាពីរម៉ោង
ហើយបានប្រាប់ថា អង្គការបានបញ្ជូនយោធាជាច្រើននាក់ឱ្យមក ជួយធ្វើស្រែប្រជាជននៅភូមិក្ដីចិន ស្រុកបារាយណ៍ ខេត្ដកំពង់ធំ។ បន្ទាប់មកទៀតដឹងថា រឿន ត្រឡប់ទៅធ្វើការ នៅភ្នំពេញវិញ។ នៅឆ្នាំ១៩៧៨ រឿន បានផ្ញើរសំបុត្រ មកដល់ផ្ទះប្រាប់ថា កូន សព្វថៃ្ងរស់នៅធ្វើការនៅ ព្រលានយន្ដហោះ ខេត្ដកំពង់ឆ្នាំង ក្រោយមកទៀតបាត់ដំណឹង រហូត។ បើ តាមប្រវត្ដិរូប បញ្ជាក់ថា រឿន ជាយោធានៅ កងពល៣១០ អនុសេនាធំ១ វរសេនាធំ១២ វរសេនាតូច១២២ ហើយ រឿន មានឋានៈជាអនុយោធាកងធំ។ ចំណែក ឈ្មោះ លន់ ត្រូវជា ម្ដាយ ជំនាន់ខែ្មរក្រហមអង្គការចាត់តាំងឱ្យធ្វើស្រែ ដក ស្ទូង លើកទំនប់ប្រឡាយ។ នៅឆ្នាំ១៩៧៩ បានមករស់នៅ ស្រុកកំណើតវិញ ប្រកបរបរធ្វើស្រែចម្ការ។

© មជ្ឈមណ្ឌលឯកសារកម្ពុជា