Tot Yun

TKI0343

តុត យ៉ុន

បាត់ខ្លួន

ស្រី

«សម័យខែ្មរក្រហម អាយុ ១៧ ឆ្នាំ»

២១០៦១៣០៧ តាកែវ, ពៃ្រកប្បាស, តាំងយ៉ាប, ជំរៅ

១៩៧៣????

ស្ម័គ្រចិត្ដ

អង្គភាពស្រែអំបិល ខេត្ដកំពត។

ភូមិភាគនិរតី«៤០៥»ខេត្ដកំពត។

កម្មករ

ធីខេអាយ០៣៤៣ ២០០៣១០១៣ ភូមិជំរៅ ឃុំតាំងយ៉ាប ស្រុកពៃ្រកប្បាស ខេត្តតាកែវ សម្ភាសដោយៈ អ៊ីសា ឧស្មាន កំណត់សំគាល់ៈ តុត យ៉ុន បាត់ខ្លួន។ ជួបសម្ភាសជាមួយ កុក យឿន ត្រូវជាបងស្រី និង គឹម ទូច ត្រូវជាបងថៃ្លប្រុស

តុក យ៉ុន ហៅ រឿន ភេទស្រី អាយុ២៣ឆ្នាំ បាត់ខ្លួន។ ជួបជាមួយឈ្មោះ តុក យឿន អាយុ៥៤ ឆ្នាំត្រូវបងស្រី។ យ៉ុន មានឪពុកឈ្មោះ តុក ពីង ម្ដាយឈ្មោះ យ៉ាន មានបងប្អូន៦នាក់ ស្រី២ប្រុស ៤ រស់នៅភូមិជំរៅ ឃុំតាំងយ៉ាប ស្រុកពៃ្រកប្បាស ខេត្ដតាកែវ។ យ៉ុន កាលពីតូចមិនបានរៀន សូត្រទេ ពេលធំ ដឹងក្ដីជួយធ្វើស្រែចម្ការឪពុកម្ដាយ។ នៅឆ្នាំ១៩៧៣ បានស្ម័គ្រ ចិត្ដបម្រើចលនានារី នៅក្នុងភូមិឃុំតាមរយៈឈ្មោះ រិន។ នៅឆ្នាំ១៩៧៥ ពេលខែ្មរក្រហមឡើងកាន់អំណាចទូទាំងប្រទេស អង្គការបានជ្រើសរើសកូនកសិករមួយចំនួនឱ្យទៅធ្វើការនៅ ស្រែអំបិល ខេត្ដកំពត។ ពេលនោះ យ៉ុន ត្រូវអង្គការបញ្ជូនទៅ ដោយមិនបានប្រាប់ឪពុកម្ដាយឱ្យបានដឹងទេ។ ក្រោយមកទៀត យ៉ុន ក៏មិនបាន មកលេងស្រុកកំណើតវិញដែរ ហើយថែមទាំងមិន
បានសរសេរសំបុត្រឱ្យដំណឹងដែរ ស្រាប់តែបាត់ ដំណឹងរហូត ដល់ពេលនេះ។ នៅឆ្នាំ១៩៧៩ ពេលកងទ័ពវៀតណាមចូលមក ដល់ប្រទេសកម្ពុជាមានកូន ចៅអ្នកស្រុកជាមួយគ្នាបានត្រឡប់មក ដល់ផ្ទះវិញ ក៏ទៅសួរឈ្មោះ ម៉េង ដែលចេញទៅទាំងអស់គ្នាតែ ម៉េង បានត្រឡប់មកដល់ផ្ទះវិញ ម៉េង បានប្រាប់ថា យ៉ុន មិនដឹង ថាមានរឿងអីទេ គេវាយចោលនៅ ម្ដុំព្រែកក្ដាម។

© មជ្ឈមណ្ឌលឯកសារកម្ពុជា