Long Sary

ឡុង សារី ឡុង សាលី,

ស្រី

នៅរស់

ធីខេអាយ០៤៨៨ ២០០៣១១២២ ភូមិគោកអង្គង់ ្គឃុំពោរំចាក ស្រុកពៃ្រកប្បាស ខេត្តតាកែវ សម្ភាសដោយៈ អ៊ីសា ឧស្មាន កំណត់សំគាល់ៈ ឡុង សារី នៅរស់។ ជួប សម្ភាសជាមួយ ឡុង សារី ជាម្ចាស់ប្រវត្តិរូប។

«សម័យបច្ចុប្បន្ន អាយុ ៤៧ ឆ្នាំ»

២១០៦០៨០៧ ខេត្ដតាកែវ, ស្រុកពៃ្រកប្បាស, ឃុំពោរំចាក,

១៩៧៤????

ស្ម័គ្រចិត្ដ

អង្គភាពពេទ្យ៦មករា ភ្នំពេញ។

ពេទ្យ

មជ្ឈិម, ១២, ភ្នំពេញ។

ឡុង សារី ភេទស្រី អាយុ៤៧ឆ្នាំ ជាម្ចាស់ប្រវត្ដិរូប។ សារី មានប្ដីឈ្មោះ សំ ប៉េង មានកូន៥នាក់ ស្រី២ប្រុស៣។ សារី មានឪពុកឈ្មោះ សំ តុប ម្ដាយឈ្មោះ ហុក ធន់ មានបងប្អូន៧នាក់ ស្រី៥ ប្រុស២ មានស្រុកកំណើតនៅភូមិគោកអង្គង់ ឃុំពោរំចាក ស្រុកពៃ្រកប្បាស ខេត្ដតាកែវ។ សារី កាលពីតូចរៀនបានត្រឹម ថ្នាក់ទី១១ឪចាស់ឱ។ ពេលឈប់រៀនមកជួយធ្វើស្រែ ចម្ការឪពុកម្ដាយ កាល នោះប្រទេសជាតិកំពង់តែមានសង្គ្រាម ម្ខាងខែ្មររំដោះជាតិម្ខាងទាហាន លន់ នល់។ នៅឆ្នាំ១៩៧៤ សារី បានស្ម័គ្រចិត្ដចូលបម្រើចលនាបដិវត្ដដោយសារមានការឈឺចាប់ និងពួកវណ្ណៈសក្ដិភូមិនាយទន់ ដែលបានជិះជាន់មកលើវណ្ណៈកសិករ កម្មករ។ សារី ចូលដំបូងធ្វើការនៅត្រឹមពេទ្យឃុំ បានតែរយៈ ពេលបីខែ អង្គការបានជ្រើសរើសនារីក្នុងភូមិប្រហែល១២នាក់ ឱ្យទៅខេត្ដកំពតដើម្បីទៅធ្វើស្រែអំបិល ពេលជិះឡានទៅ ដល់ខេត្ដកំពត ត្រង់សេះស ឃើញមានកម្មករមកពីបណ្ដាលខេត្ដ ផេ្សងៗរាប់រយនាក់ នៅទីនោះ។ ទៅដល់ដំបូងអង្គការបង្រៀន យើងឱ្យចេះផលិតអំបិលឱ្យបានច្រើន ដំបូងយើងនាំគ្នាបុក បង្ហាប់ដីឱ្យហាប់សេ្មីរួចហើយចាប់ផេ្ដីមបញ្ជូលទឹក ពេលរីងស្ងួតហើយយើង នាំគ្នាកាប់គាស់អំបិលរែកយក ទៅដាក់ក្នុងឃ្លាំងហើយឃើញមាន ឡានធំៗជាច្រើនចូលមកដឹកយកទៅ តែមិនដឹងជាយកទៅណាទេ ហើយនៅអង្គភាពស្រែអំបិលឃើញមានមនុស្សមួយចំនួនបាត់ខ្លួន មិនដឹងអង្គការបញ្ជូនយកទៅខាងណាទេ។ នៅឆ្នាំ១៩៧៨ សារី ត្រូវអង្គការបញ្ជូនមកភ្នំពេញ កាលនោះមានមនុស្សស្រីប្រហែល ជា៥០នាក់ ឱ្យមកធ្វើការនៅភ្នំពេញ។ សារី បានចូលធ្វើការ នៅមន្ទីរពេទ្យ៦មករា តែជាអ្នកដាំបាយឱ្យអ្នកជំងឺនិង ជួយមើល ថែអ្នកជំងឺ តែកាលនោះមិនឃើញមានប្រជាជនធម្មតាមកព្យា បាលទេ ឃើញសុទ្ធតែទាហាន ដឹកមកពីសមរភូមិត្រូវរបួសដឹកមកពី ព្រំដែនវៀតណាមជារៀងរាល់ថៃ្ង។ នៅឆ្នាំ១៩៧៩ សារី និង អ្នកជំងឺអង្គការដឹកតាមរថភ្លើងរហូតដល់ស្រុកថ្មគោលខេត្ដ បាត់ដំបង។ ពេលវៀតណាមចូលមកដល់បាន ទុកចោលអ្នកជំងឺ ហើយរត់យករួចខ្លួននិងរកផ្លូវត្រឡប់មកស្រុកកំណើតវិញ។

© មជ្ឈមណ្ឌលឯកសារកម្ពុជា