Thoeun

TKI0538

ធឿន

ស្លាប់

ស្រី

កើតនៅឆ្នាំ១៩៦៣

២១០៤១០០៣ តាកែវ, គីរីវង្ស, រាមអណ្ដើក, ត្រពាំងរុន

១៩៧៦????

បង្ខំ

អង្គភាពមន្ទីរពេទ្យ ព១ ភ្នំពេញ។

មជ្ឈិម, ១២, ភ្នំពេញ។

ពេទ្យ

ធីខេអាយ០៥៣៨ ២០០៤០១១៥ ភូមិត្រពាំងរុន ឃុំរាមអណ្ដើក ស្រុកគីរីវង្ស ខេត្តតាកែវ សម្ភាសដោយៈ ផេង ពង្សរ៉ាស៊ី កំណត់សំគាល់ៈ ធឿន ស្លាប់ឆ្នាំ១៩៨៣។ ជួប សម្ភាសជាមួយ ប៉ែន រឹម ត្រូវជាម្តាយ។

ធឿន ភេទស្រី កើតឆ្នាំ១៩៦៣ ស្លាប់ឆ្នាំ១៩៨៣។ ជួបជាមួយឈ្មោះ ប៉ែន រឹម អាយុ៧៩ឆ្នាំ ត្រូវជាម្ដាយ។ ធឿន មានឪពុកឈ្មោះ ហឹម ម៉ិ មានបងប្អូន៦នាក់ប្រុស២ស្រី៤ មានស្រុក កំណើតនៅភូមិត្រពាំងរុន ឃុំរាមអណ្ដើក ស្រុកគិរីវង្ស ខេត្ដតាកែវ។ ធឿន កាលពីតូចមិនចូលបាន រៀនសាលាទេ ព្រោះធំដឹងក្ដីចំពេលប្រទេសជាតិមានសង្គ្រាម។ នៅឆ្នាំ១៩៧៥ ពេលខែ្មរក្រហមឡើង កាន់អំណាច អង្គការបានបំបែកចេញពីឪពុកម្ដាយឱ្យចូលទៅកងអង្គភាពកុមារនៅក្នុងភូមិឃុំ។ នៅជំនាន់ ខែ្មរក្រហម ធឿន ជាកុមារអង្គការចាត់តាំងឱ្យធ្វើការផង និងរៀនអក្សរសាស្រ្ដខែ្មរក្នុងមួយថៃ្ងបាន ១ម៉ោង បានត្រឹមថ្នាក់ទី២ឪសង្គមថ្មីឱ តែរៀនតាមក្រោមផ្ទះនិងតាមដើមឈើមិនមានសាលារៀនត្រឹម ត្រូវទេ។ ធឿន ក្រោយមក ធំំពេញវ័យ អង្គការចាត់តាំងឱ្យធ្វើពេទ្យឃុំរាមអណ្ដើក ជួយព្យាបាល ប្រជាជននៅក្នុងភូមិឃុំ កាលនោះឮថា ចាក់ថ្នាំឱ្យអ្នកជំងឺហើយបាក់ម្ជុលអង្គការអស់ចំនួនពីរ កាលនោះ ធឿន ភ័យខ្លាំងណាស់ តែសំណាងល្អគេមិនយកទៅសម្លាប់ចោល។ នៅឆ្នាំ ១៩៧៦ ប្រធានឃុំ ឈ្មោះ ងោល បានជ្រើសរើសប្រវត្ដិនារីនៅក្នុងឃុំមួយចំនួនឱ្យទៅធ្វើការនៅភ្នំពេញ។ ធឿន បានទៅ ដល់ភ្នំពេញ អង្គការចាត់តាំងឱ្យចូលបម្រើនៅមន្ទីរពេទ្យព១ ក្រោយមកមិន ដែលបានទទួលសំបុត្រអី្វ ទាំងអស់។ នៅឆ្នាំ១៩៧៩ ពេលកងទ័ពវៀតណាមចូលដល់ប្រទេសកម្ពុជា ធឿន បានត្រឡប់មករក ស្រុកកំណើតវិញ។ នៅឆ្នាំ១៩៨៣ ធឿន ស្លាប់ដោយសារជំងឺគ្រុញចាញ់។

© មជ្ឈមណ្ឌលឯកសារកម្ពុជា