Hiem Im

TKI0544

ហៀម អ៊ឹម

បាត់ខ្លួន

ស្រី

ជំនាន់ខែ្មរក្រហមអាយុ២១ឆ្នាំ។

២១០៤០៦០៦ ខេត្ដតាកែវ, ស្រុកគីរីវង្ស, គោកព្រិច, សែ្ល

១៩៧១????

ស្ម័គ្រចិត្ដ

អង្គភាពមន្ទីរពេទ្យ៦ ភ្នំពេញ។

មជ្ឈិម, ១២, ភ្នំពេញ

ពេទ្យ

ធីខេអាយ០៥៤៤ ២០០៤០១១៦ ភូមិសែ្លង ឃុំគោកពេ្រច ស្រុកគីរីវង្ស ខេត្តតាកែវ សម្ភាសដោយៈ ផេង ពង្សរ៉ាស៊ី កំណត់សំគាល់ៈ ហៀម អ៊ឹម បាត់ខ្លួន។ ជួបសម្ភាសជាមួយ វ៉ាន់ អ៊ាន ត្រូវជាម្តាយ។

ហៀម អ៊ឹម ភេទស្រី អាយុ២១ឆ្នាំ បាត់ខ្លួន។ ជួបជាមួយឈ្មោះ វ៉ាន់ អ៊ាន អាយុ៦៣ឆ្នាំ ត្រូវជា ម្ដាយ។ អ៊ឹម មានឪពុកឈ្មោះ ធៀម ហែម មានបងប្អូន១០នាក់ ស្រី៥ប្រុស៥ មានស្រុកកំណើត នៅភូមិសែ្លង ឃុំគោកពេ្រច ស្រុកគិរីវង្ស ខេត្ដតាកែវ។ អ៊ឹម ជាកូនទី១ ទី២ឈ្មោះ ទូច ទី៣ឈ្មោះ ខន ទី៤ឈ្មោះ រ៉េត ទី៥ឈ្មោះ ជា ទី៦ឈ្មោះ ចេត ទី៧ឈ្មោះ ជួន ទី៨ឈ្មោះ ម៉ុល ទី៩ឈ្មោះ មួន និងទី១០ឈ្មោះ ម៉ាល់។ អ៊ឹម កាលពីតូចរៀន នៅសាលាបឋមសិក្សាសែ្លងត្រឹមថ្នាក់ទី១១ ឪចាស់ឱ ឈប់រៀន នៅពេលកើតមានរដ្ឋប្រហារទម្លាក់សមេ្ដចសីហនុនៅឆ្នាំ១៩៧០។ ក្រោយឆ្នាំ១៩ ៧០ បានស្ម័គ្រចិត្ដចូលបដិវត្ដនៅឃុំគោកពេ្រច ស្រុក១០៩ តំបន់១៣ អ្នកនាំចូលឈ្មោះ ភី។ អ៊ឹម ក្រោយមក អង្គការបានឱ្យតួនាទីជាប្រធានក្រុម។ នៅឆ្នាំ១៩៧៥ អង្គការ
បានមកបញ្ចូនឱ្យទៅធ្វើការ នៅភ្នំពេញ។ អ៊ឹម ធ្វើការនៅ អង្គភាពមន្ទីរពេទ្យ៦មករា ដល់ឆ្នាំ១៩៧៨ បានផ្ញើរសំបុត្រ មកសួរសុខ ទុក្ខឪពុកម្ដាយបងប្អូនព្រមទាំងមានថ្នាំពេទ្យមក ជាមួយផង ក្នុងសំបុត្របានសរសេរប្រាប់ថា ពុក ម៉ែ កុំបារម្ភ កូនសព្វថៃ្ងធ្វើការនៅមន្ទីរពេទ្យ៦មករាក ភ្នំពេញ។ នៅឆ្នាំ១៩ ៧៩ ពេលប្រទេសជាតិរួចផុត ពីរបបខែ្មរក្រហមមិនឃើញកូន ឈ្មោះ អ៊ឹម ត្រឡប់មកស្រុកកំណើតវិញសោះបាត់ឈឹងរហូត ដល់ពេល នេះ សព្វថៃ្ងគ្មានសង្ឃឹមថានៅរស់ទេ បើសិនជារស់ មករកឪពុកម្ដាយបងប្អូនមិនខានទេ។

© មជ្ឈមណ្ឌលឯកសារកម្ពុជា