Nop Hat

KTI0114

ណុប ហាត

ហុក

នៅរស់

ប្រុស

កើតឆ្នាំ១៩៥២

០៦០៨០៣?? ខេត្ដកំពង់ធំ ស្រុកស្ទោង ឃុំចំណារលើ ភូមិស្

១៩៧៤????

ស្ម័គ្រចិត្ដ

អង្គភាពកងពល ៣១០ ភ្នំពេញ។

មជ្ឈិម«១២»ភ្នំពេញ។

យោធា

អឿន

ខេធីអាយ០១១៤, ២០០៣០១២០ វ៉ាន់ថាន់ ពៅដារ៉ា ជួបសម្ភាសន៍ជាមួយម្ចាស់ប្រវតិ្តរូប ឈ្មោះ ណុក ហាត នៅភូមិស្រង់ ឃុំចំណារលើ ស្រុកស្ទោង ខេត្តកំពង់ធំ។

ណុប ហាត ភេទប្រុស កើតឆ្នាំ១៩៥២ជាម្ចាស់ប្រវត្ដិរូប។ ហាត មានឪពុកឈ្មោះ លី ម្ដាយ ឈ្មោះ លន មានស្រុកកំណើតនៅភូមិ ស្រង់ ឃុំចំណារលើ ស្រុកស្ទោង ខេត្ដកំពង់ធំ។ ហាត រៀន សូត្របានត្រឹមថ្នាក់ទី១១ឪចាស់ឱ ឈប់រៀនមកជួយធ្វើស្រែ ចម្ការឪពុកម្ដាយ ណាមួយប្រទេសជាតិ កើតមានសង្គ្រាមផង។ នៅឆ្នាំ១៩៧៤ បានស្ម័គ្រចិត្ដចូលធ្វើជាយោធាខែ្មរក្រហមតាម រយៈឈ្មោះ លាន។ ចូលដំបូងអង្គការបញ្ជនទៅម្ដុំសាលាលេខ៥ តែនៅក្នុងពៃ្រម្ដុំបន្ទាយលង្វែក មិនហ៊ានឡើងវាយ ទេ ព្រោះបន្ទាយទាហានលន់ នល់ នៅលង្វែកមិនទាន់វាយបែក។ ហាត អង្គការឱ្យហាត់រៀនក្បួនយោ ធា លូន ក្រាប នៅក្នុងពៃ្រអស់រយៈ ពេល៥ខែ បានអង្គការបញ្ជូនឡើងសមរភូមិវាយជាមួយទាហាន លន់ នល់។ នៅឆ្នាំ១៩៧៥ យោធាខែ្មរក្រហមនៅគ្រប់កងពលទាំងអស់វាយ រំកិលចូលទីក្រុងភ្នំពេញ ទាំងយប់ទាំងថៃ្ង ទោះបីបានរំកិលតិចឬច្រើន។ ហាត បានវាយរំកិលរហូតដល់ខ្មួញ បឹងសំយាបនៅ ចោមចៅ នៅក្បែរព្រលានយន្ដហោះពោធិចិតុង។ ព្រឹក ឡើងស្រាប់តែយោធាខែ្មរក្រហមមួយចំនួនធំ បានវាយចូលទីក្រុង ភ្នំពេញ នៅពេលនោះឃើញប្រជាជនចេញមកតាមផ្លូវយ៉ាង ច្រើនកុះករសឹងថារក ផ្លូវដើរមិនបាន។ ហាត ពេលដើរចូលទីក្រុង មានជួបស្រី្ដម្នាក់មានកូនស្រី១ ហៅ ហាត ថាកូនៗនិង បានឱ្យខោអាវថ្មីៗមកឱ្យ ហាត ដោយពោលពាក្យថា សូមកូនចូលម៉ែចូលទៅព្រលានយន្ដហោះបន្ដិច ពេលនោះ ហាត យល់ព្រមជូនទៅក៏ឃើញមានយន្ដហោះពីរគ្រៀងប្រភេទអាកន្ទុំរុយមិនទាន់ហោះឡើង ព្រោះនៅចាំដឹកមនុស្សទៀត។ ស្រី្ដ បានទៅដល់យន្ដហោះនិងបានប្រាប់ឱ្យ ហាត បោះកាំភ្លើងចោល ដើម្បីឡើងយន្ដហោះដែរ តែ ហាត មិនយល់ព្រមក៏ធ្វើដំណើរ ចេញមកវិញ យន្ដហោះចាប់ផេ្ដីមហោះ ហើរទៅបាត់ស្រមោល តែម្ដង។ ហាត បានចូលដល់ទីក្រុងនៅម្ដុំវត្ដភ្នំ នៅក្នុងកង ពល៣១០ ប្រធាន កងភូមិភាគឧត្ដរឈ្មោះ អឿន។ នៅឆ្នាំ១៩ ៧៥៧៦ ហាត បានធ្វើការងារការនៅក្នុងមន្ទីរពេទ្យ តែនៅ សម្រាកកនែ្លងយោធាម្ដុំវត្ដភ្នំវិញ។ បន្ទាប់មកទៀត អង្គការ បានចាប់ខ្លួនប្រធានកងពលឈ្មោះ អឿន អង្គការចោទថា ប្រុងធ្វើរដ្ឋប្រហារនិងរំលោភស្រីជាមួយកុយ ធួន ដែរ។ អង្គការបានបញ្ជាឱ្យ ចាប់កម្មាភិបាលយោធាមួយចំនួនទៀតត្រឹម ប្រធានវរសេនាធំឡើងទៅចាប់ទាំងអស់។ នៅឆ្នាំ១៩៧៧ សភាពការណ៍កាន់តែតឹងតែង ហាត ត្រូវអង្គការបញ្ជូនទៅ លុតដំនៅព្រលានយន្ដហោះខេត្ដកំពង់ឆ្នាំង។ ទៅបានមួយ រយៈពេលខ្លី ស្រាប់តែអង្គការមកជ្រើសរើសយោធានៅព្រលាន យន្ដហោះប្រហែលជា ៥០០នាក់ ឱ្យទៅធ្វើសង្គ្រាមច្បាំងគ្នាជា មួយប្រទេសវៀតណាម។ នៅឆ្នាំ១៩៧៩ កម្លាំងខែ្មរក្រហម បានចាញ់សង្គ្រាមវៀតណាមក៏នាំគ្នារត់មកផ្ទះ ខ្លះក៏រត់ទៅ ព្រំដែនថៃ។ ហាត បានរត់ទៅដល់ខេត្ដបៃ៉ លិនចូលធ្វើយោធា ខែ្មរក្រហមបន្ដទៀត។ បន្ទាប់ទៀង ហាត ឈប់ធ្វើជា យោធាខាងខែ្មរក្រហមក៏មក ធ្វើជាទាហានខាងរដ្ឋាភិបាលវិញ។ នៅឆ្នាំ១៩៩៩ ហាត បានត្រឡប់មកស្រុកកំណើតវិញ ឈប់ទៅ ធ្វើជាទាហានបន្ដទៀត រស់នៅក្នុងភូមិមានគ្រួសារប្រកបរបរធ្វើស្រែចម្ការមកដល់សព្វថៃ្ងនេះ។

ដឹងថា ជំនាន់ខែ្មរក្រហមពិតជាមានចាប់មនុស្សយកទៅសម្លាប់។

© មជ្ឈមណ្ឌលឯកសារកម្ពុជា