Saom Nget

KSI0009

សោម ង៉ែត

បាត់ខ្លួន

ប្រុស

«សម័យខែ្មរក្រហមអាយុ ១៨ ឆ្នាំ»

០៥០១០៣០៦ ខេត្ដកំពង់ស្ពឺ ស្រុកបសេដ្ឋ ឃុំនិទាន ភូមិត

១៩៧៣????

ចូលបដិវត្ដន៍ដោយស្ម័គ្រចិត្ដ។

អង្កាភាពយោធាការពារអ្នកទោសនៅមន្ទីរស២១ ភ្នំពេញ។

មជ្ឈិម«១២»ភ្នំពេញ។

យោធា

ខេអេសអាយ០០០៩ ២០០២០៣២៩ ភូមិត្រពាំងឈូក ឃុំនិទាន ស្រុកបសេដ្ឋ ខេត្តកំពង់ស្ពឺ។ សម្ភាសដោយ អ៊ីសា ឧស្មាន។ កំណត់សំកាល់ៈ ជួបជាមួយ សោម ង៉ែត បាត់ខ្លួន ជួបជាមួយឈ្មោះ សោម សារ៉ី អាយុ ៤៦ ឆ្នាំជាបងស្រី។

សោម ង៉ែត ភេទប្រុស អាយុ១៨ឆ្នាំ បាត់ខ្លួន។ ជួបជាមួយឈ្មោះ សោម សារ៉ី អាយុ៤៦ឆ្នាំត្រូវជាបង ស្រី។ ង៉ែត មានឪពុកឈ្មោះ សោម សំ ម្ដាយឈ្មោះ អ៊ីង ណាន់ មានបងប្អូន៥នាក់ ស្រី៣ប្រុស២ មាន ស្រុកកំណើតនៅភូមិត្រពាំងឈូក ឃុំនិទាន ស្រុកបសេដ្ឋ ខេត្ដកំពង់ស្ពឺ។ ង៉ែត ធ្លាប់បានរៀនសូត្រតែមិនដឹងថា រៀនបាន ត្រឹមថ្នាក់ទេ បន្ទាប់មកឈប់រៀនមកជួយឃ្វាគោឪពុកម្ដាយ ណាមួយប្រទេសជាតិកើតមានសង្គ្រាម ឆ្នាំ១៩៧០។ នៅឆ្នាំ១៩៧៣ ង៉ែត បានស្ម័គ្រចិត្ដចូលបម្រើចលនាខែ្មរក្រហម តាមរយៈបងប្រុសបង្កើតឈ្មោះ សោម សារិន។ ង៉ែត ពេលចូលទៅអង្គការបញ្ជូនទៅសមរភូមិមុខ វាយជាមួយ ទាហានលន់ នល់ តែមិនបាន ដឹងថា ឡើងវាយនៅសមរភូមិណា ខ្លះទេ។ នៅឆ្នាំ១៩៧៥ មានដំណឹងថា ង៉ែត និងសារិន ធ្វើជាយោធាធ្វើការ នៅពោធិចិនតុងភ្នំពេញ។ កាលនោះ គ្រាន់តែបានដឹងដំណឹង ឪពុកឈ្មោះ សំ ក៏ធ្វើដំណើរទៅរកកូន នៅពោធិចិន តុងបានជួបកូនទាំងពីរនាក់ ហើយបានបបួលកូនឱ្យ មកលេងម្ដាយនៅស្រុកកំណើតដែរ តែកូនជាប់រវល់អង្គការ មិនអនុញ្ញាតឱ្យមកទេ ពេលនោះឪពុកក៏ត្រឡប់មកស្រុក កំណើតវិញ។ ពេលក្រោយមកទៀតសភាពការណ៍តឹង តែងមិនអាចទាក់ទងបានទេ។ នៅឆ្នាំ១៩៧៩ ពេលកងទ័ពវៀត ណាមវាយចូលមកដល់ កម្មាភិបាលខែ្មរក្រហម រត់ទៅជាយ ដែនប្រទេសថៃ។ សារិន និងប្រពន្ធ បានត្រឡប់មកស្រុកកំណើតវិញ បានប្រាប់ឪពុកម្ដាយថា សារិន បានបែកពីឈ្មោះ ង៉ែត នៅចុងឆ្នាំ១៩៧៨ មិនអាចទាក់ទងបានរហូតមកដល់ពេលនេះ។ បើតាម ប្រវត្ដិរូប សោម ង៉ែត ចូលបដិវត្ដតាំងពីឆ្នាំ១៩៧៣ នៅឆ្នាំ១៩៧៧ អង្គការចាត់តាំងឱ្យមកធ្វើជាកងការពារ មន្ទីរ២១ទួលសែ្លង។

© មជ្ឈមណ្ឌលឯកសារកម្ពុជា