Pich Chhy

PVI0011

បាត់ខ្លួន

ប្រុស

១៤០៩០១១៧, ខេត្ដពៃ្រវែង ស្រុកព្រះសេ្ដច ឃុំអង្គររាជ

១៩៦៧????

ស្ម័គ្រចិត្ដ

អង្គភាពយោធា តំបន់២៤ ភូមិភាគបូព៌ា។

ភូមិភាគបូព៌ា«២០៣» ខេត្ដពៃ្រវែង។

យោធា

ចន្ទ័ ចក្រី

ភីវីអាយ០០១១ ២០០៥០៦២៧, ភូមិក្រសាំងទង ឃុំអង្គររាជ
ស្រុកព្រះសេ្តច ខេត្តពៃ្រវែង។ សម្ភាសដោយ ឡុង ដានី។ កំណត់សម្គាល់ៈ ជួបជាមួយ ពេជ ភួង អាយុ៦០ឆ្នាំ ត្រូវជាបងស្រី។

ពេជ ឈី ភេទប្រុស បាត់ខ្លួន។ ជួបជាមួយឈ្មោះ ពេជ ភួង អាយុជាង៦០ឆ្នាំ ត្រូវជាបងស្រី។ ឈី មាន ឪពុកឈ្មោះ ពេជ ឆើត ម្ដាយឈ្មោះ ពេទ ប៊ូ មានបងប្អូន៥នាក់ ស្រី៤ប្រុស១ មានស្រុកកំណើតនៅភូមិក្រ សាំងទង ឃុំអង្គរាជ ស្រុកព្រះសេ្ដច ខេត្ដពៃ្រវែង។ ឈី ធ្លាប់រៀននិងធ្លាប់បួសបានចំនួន៥វស្សានៅ វត្ដថ្មី បន្ទាប់មកបានសឹកមកវិញ ដោយសារឪពុកម្ដាយមានជីវភាព ក្រលំបាក។ ពេលសឹកហើយ ឈី បានចេញទៅ រកស៊ី នាំមិត្ដ ភក្ដិបងប្អូនទៅរកស៊ីថា មានប្រាក់ខែ តែពេលមកលេងផ្ទះម្ដងៗ ភាគច្រើននិយាយរឿងនយោបាយ តែយើងជាស្រីៗមិនសូវ ជាយល់ទេ។ ដោយសារឪពុកម្ដាយស្រឡាញ់កូនប្រុសមានតែ មួយក៏ឱ្យកូនរៀបការ ប្រពន្ធឈ្មោះ សឿន។ នៅឆ្នាំ១៩៦៧ ឈី បានចុះចោលផ្ទះទៅរកស៊ីតែមើលទៅដូចជាចូលចលនាសម្ងាត់អី ម្យ៉ាងបើចូលផ្ទះមករកប្រពន្ធកូននៅពេលយប់។ នៅឆ្នាំ១៩៧០ កើតមានរដ្ឋប្រហារទម្លាក់សមេ្ដចសីហនុ ប្រទេសជាតិកើតមាន សង្គ្រាម បានឃើញឈ្មោះ ឈី ជាញឹកញាប់មកលេងប្រពន្ធកូន ជាបន្ទាប់។ នៅឆ្នាំ១៩ ៧១ បានដឹងថា ឈី បានបម្រើចលនា ខែ្មរក្រហមនៅជាមួយប្រធានកងពលឈ្មោះ ចន្ទ ចក្រី នៅភូមិ ភាគបូព៌ា តំបន់២៤។ នៅឆ្នាំ១៩៧៥ ពេលរបបខែ្មរក្រហម ឡើងកាន់អំណាច ឃើញប្រជាជនជម្លៀសមករស់នៅក្នុងភូមិ ស្រុកនេះដែរ តែក្រោយមកទៀតមិនដឹងជាអង្គការជម្លៀស ទៅខាងណាទៀតទេ។ នៅក្នុងឆ្នាំ១៩៧៥ ឈី ក៏ឧស្សាហ៍មក លេងប្រពន្ធកូនដែរ។ បន្ទាប់មកទៀតមិនបានចាំឆ្នាំទេ ប្រពន្ធ ឈី ឈ្មោះ សឿន បានមកប្រាប់ ឪពុកម្ដាយបងប្អូនថា ឈី មិនដឹងជាគាត់មានរឿងអីទេ ថា គាត់ចេញទៅលើកនេះមិនថា មានរឿងអីកើតឡើង ទេ ឱ្យប្រាប់ឪពុកម្ដាយបងប្អូនផង និងបានផ្ដាំប្រពន្ធថា បើបាត់គាត់ចាប់ពី១០ឆ្នាំឡើងទៅមិនបាច់ ចាំទេ យកប្ដី ទៀតចុះ។ តាំងពីឈ្មោះ ឈី និយាយប្រាប់ហើយ ចេញបាត់ទៅមិនដែលបានទទួលដំណឹងអីទាល់តែសោះបាត់ ដំណឹងឈឹងតែម្ដង រហូតមកដល់ពេលនេះ។ បើតាមប្រវត្ដិរូប ពេជ ឈី បានចូលចលនាខែ្មរក្រហមតាំងពីឆ្នាំ ១៩៦៧។ នៅឆ្នាំ១៩៧១ បានឡើងជាប្រធានឪគឱ នៅក្នុងកងពល ចន្ទ័ ចក្រី។

© មជ្ឈមណ្ឌលឯកសារកម្ពុជា