Chann Ly

KHI0080

ខេង, រឿន

បាត់ខ្លួន

ស្រី

០៤០១០៣០១ ខេត្ដកំពង់ឆ្នាំង ស្រុកបរិបូរ ឃុំចក ភូមិតា

១៩៧៤????

ស្ម័គ្រចិត្ដ

ក្រសួងសង្គមកិច្ច ភ្នំពេញ,

មជ្ឈិម«១២»ភ្នំពេញ។

ពេទ្យ

ខេអេកអាយ០០៨០ ២០០៥០៥១០ ភូមិតាប៉ាង ឃុំចក ស្រុកបរិបូរ ខេត្តកំពង់ឆ្នាំង។ សម្ភាសដោយៈ ឌី ខាំបូលី។ កំណត់សំគាល់ៈ សម្ភាសជាមួយម្តាយ ហ៊ាន ប៊ុត អាយុ៦៥ ឆ្នាំ។

ចាន់ លី ហៅ ខេង ភេទស្រី បាត់ខ្លួន។ ជួបជាមួយឈ្មោះ ហ៊ាន ប៊ុត អាយុ៦៥ឆ្នាំ ត្រូវជាម្ដាយ។ លី មានឪពុកឈ្មោះ សេម មានបង
ប្អូនចំនួន៥នាក់ មានស្រុកកំណើតនៅភូមិតាប៉ាង ឃុំចក ស្រុក បរិបូណ៍ ខេត្ដ កំពង់ឆ្នាំង។ លី ជាកូនទី១ ហើយគិតមកដល់ ឥឡូវអាយុជាង៤០ឆ្នាំ កាលពីតូចមិនបានចូលរៀនសាលាទេ នៅផ្ទះជួយធ្វើស្រែចម្ការឪពុកម្ដាយ។ នៅឆ្នាំ១៩៧០ កើតមានរដ្ឋប្រហារទម្លាក់សមេ្ដចសីហនុ ប្រទេសជាតិ កើតមានសង្គ្រាម មានយន្ដហោះទម្លាក់គ្រាប់បែកធ្វើឱ្យប្រជាជនរង គ្រោះរកស៊ីទៅណាឆ្ងាយក៏មិនបានសម្ងំរស់នៅ ក្នុងត្រង់សេ គ្រប់ៗគ្នា ហើយកាលនោះមានចលនាខែ្មរក្រហមចូលមកមករស់ នៅក្នុងភូមិនិងមានទាហានលន់ នល់ ផ្លោងគ្រាប់មកចូល ក្នុងភូមិទៀត។ នៅឆ្នាំ១៩៧៤ លី បានស្ម័គ្រចិត្ដចូលបម្រើចលនា ខែ្មរក្រហមតាមរយៈ ឈ្មោះ សាន ដោយសារឈឺចាប់ចំពោះខ្មាំង វណ្ណៈជិះជាន់មកលើប្រជាជនក្រីក្រ។ លី មុនដំបូងមានដំណឹងថា អង្គការបញ្ជូនឱ្យទៅធ្វើការងារនៅក្នុងមណ្គលកុមារកំព្រា នៅក្នុងឃុំពេជចង្វារ បន្ទាប់មកទៀតដឹងថា អង្គការ បញ្ជូនឱ្យធ្វើជា យោធាស្រុក១០ តំបន់៣១ ប្រធានយោធាឈ្មោះ សាន។ នៅឆ្នាំ១៩៧៥ ពេលរបបខែ្មរ ក្រហមឡើងកាន់អំណាច ក៏មិនឃើញកូនឈ្មោះ លី មកលេងស្រុកកំណើតវិញដែរ។ នៅឆ្នាំ១៩៧៧ មាន សំបុត្រច្បាប់អង្គការយកមកឱ្យពេល មើលសំបុត្របានដឹងថា កូនឈ្មោះ ចាន់ លី ហៅ ខេង អង្គការចាត់តាំងឱ្យ ទៅធ្វើការងារនៅភ្នំពេញ ដឹងថា ធ្វើពេទ្យ តែមិនឃើញមកលេងស្រុកកំណើតម្ដងណាទេ បាត់ដំណឹងឈឹងរហូត មកដល់ពេលនេះ បើសិនជាកូននៅរស់ប្រាកដជាមករក ម្ដាយវិញហើយ។

© មជ្ឈមណ្ឌលឯកសារកម្ពុជា