Chhim Chhan

SVI0016

បាត់ខ្លួន

ប្រុស

ជំនាន់ខែ្មរក្រហមអាយុ២៨ឆ្នាំ។

២០០១០២០៣, ខេត្ដស្វាយរៀង ស្រុកចន្រ្ទា ឃុំបាវិត ភូមិ

១៩៧០????

ស្ម័គ្រចិត្ដ

អង្គភាពមន្ទីរស២១ ទួលសែ្លង។

មជ្ឈិម«១២»ភ្នំពេញ។

អ្នកទោស

អេសវីអាយ០០១៦ ២០០៥០៨០៩, ភូមិបាវិតលើ ឃុំបា វិក ស្រុកចន្រ្ទា ខេត្តស្វាយរៀង។ សម្ភាសដោយ ឡុង ដានី។ កំណត់សម្គាល់ៈ ជួបជាមួយ ឈឹម ហ៊ីន អាយុ៤៧ឆ្នាំ ត្រូវជា ប្អូនស្រី និង ឈឹម សឿន អាយុ៦១ឆ្នាំ ត្រូវជាប្អូនស្រី។

ឈឹម ឆន ភេទប្រុស អាយុ២៨ឆ្នាំ បាត់ខ្លួន។ ជួបជាមួយឈ្មោះ ឈឹម ហ៊ីន អាយុ៤៧ឆ្នាំត្រូវជាប្អូនស្រី។ ឆន មានឪពុកឈ្មោះ ឈឹម ភឿន ម្ដាយឈ្មោះ យិន តឿ មានបងប្អូន៩នាក់ស្រី៥ប្រុស៤ មានស្រុក កំណើតនៅភូមិបាវិត ឃុំបាវិត ស្រុកចន្រ្ទា ខេត្ដស្វាយរៀង។ ឆន ធ្លាប់រៀនសូត្របានច្រើន រៀនចប់នៅ សាលាបឋមសិក្សានៅក្នុងភូមិបានបន្ដរៀននៅអនុវិទ្យាល័យ
ទៀតដែលមានទីតាំងនៅឆ្លាយពីផ្ទះ។ ពេលទៅរៀន សម្រាក នៅក្នុងសាលាដល់ថៃ្ងសៅរ៍និងថៃ្ងអាទិត្យបានមកជួយធ្វើស្រែឪពុកម្ដាយ ពេលព្រឹកថៃ្ងអាទិត្យបានត្រឡប់ ទៅសាលារៀនវិញ។ ឆន រៀនរហូតដល់ពេលកើតមានរដ្ឋប្រហារទម្លាក់សមេ្ដចសីហនុ បានឈប់រៀនហើយ បានមកផ្ទះមិនបានយូរទេ នៅឆ្នាំ១៩៧០ បានស្ម័គ្រចិត្ដចូលពៃ្រម៉ាគីតាមការអំពាវនាវរបស់សមេ្ដចសីហនុ ឱ្យ កូនចៅចូលពៃ្រដើម្បីរំដោះប្រទេសជាតិ។ ក្រោយពីកើតមាន រដ្ឋប្រហារប្រទេសជាតិកើតមានសង្គ្រាម មានយន្ដ ហោះទម្លាក់ គ្រាប់ធ្វើឱ្យស្លាប់មនុស្សនិងគោក្របីជាដើម។ ឆន តាំងពីចេញពីផ្ទះ ចូលចលនាតស៊ូវាយជាមួយ ទាហានលន់ នល់ មិនបានដឹងថា អង្គការបញ្ជូនទៅសមរភូមិណាខ្លះទេ។ នៅឆ្នាំ១៩៧៥ ឃើញឈ្មោះ ឆន ត្រឡប់មកស្រុកកំណើតវិញ ឃើញមានកាំភ្លើងខ្លី មាននិរសានិងបានសម្រាកនៅជាមួយឪពុកម្ដាយបងប្អូនចំនួន ១០ថៃ្ង លេងសើចជាមួយឪពុកម្ដាយធម្មតាហើយបានប្រាប់ថា សព្វថៃ្ងធ្វើការនៅទនេ្លបិតខេត្ដកំពង់ចាម។ ឆន បានត្រឡប់ ទៅអង្គភាពវិញ បន្ទាប់មកលែងបានមកលេងស្រុកកំណើត បាត់ដំណឹងរហូតមិនដឹងជាអង្គការបញ្ជូនទៅ ធ្វើការងារនៅ កនែ្លងណា។ នៅឆ្នាំ១៩៧៩ ចេះតែចាំមើលផ្លូវបងប្រុសឈ្មោះ ឆន មិនឃើញសោះបាត់ដំណឹង រហូតដល់ពេលនេះ។ បើតាមប្រវត្ដិរូប ឆន មានតួនាទីជាលេខាអនុសេនាធំ អង្គភាពលេខ២៩០ អង្គការចាប់ ខ្លួននៅឆ្នាំ១៩៧៨។

© មជ្ឈមណ្ឌលឯកសារកម្ពុជា