Moeun

KSI0106

មឿន

ខាន

បាត់ខ្លួន

ស្រី

កើតឆ្នាំ១៩៥៤

០៥០៨០២០៤ ខេត្ដកំពង់ស្ពឺ ស្រុកថ្ពង ឃុំមនោរម្យ ភូមិថ

១៩៧៣????

ស្ម័គ្រចិត្ដ

អង្គភាពពេទ្យ ១៧ មេសា

មជ្ឈិម«១២»ភ្នំពេញ។

ពេទ្យ

ជួន ជឿន ប្រធានពេទ្យ

ខេអេសអាយ០១០៦ ២០០៥១១០៩ ភូមិថ្នល់ ឃុំមនោរម្យ ស្រុកថ្ពង ខេត្តកំពង់ស្ពឺ។ សម្ភាសដោយៈ ឡុង ដានី។ កំណត់សំគាល់ៈ ជួបជាមួយ គីម ភឿង អាយុ ៧៥ ឆ្នាំ ជាឪពុក។

មឿន ហៅ ខាន ភេទស្រី កើតឆ្នាំ១៩៥៤ បាត់ខ្លួន។ ជួប ជាមួយឈ្មោះ គឹម ភឿង អាយុ៧៥ឆ្នាំ ត្រូវជា ឪពុក។ មឿន មានម្ដាយឈ្មោះ អ៊ុត មានបងប្អូន៧នាក់ ស្រី៥ប្រុស២ មានស្រុកកំណើតនៅភូមិថ្នល់ ឃុំ មនោរម្យ ស្រុកថ្ពង ខេត្ដកំពង់ស្ពឺ។ មឿន កាលពីតូចបានរៀនសូត្របានបន្ដិចបន្ទួចទទួល ប្រទេសជាតិកើតមាន សង្គ្រាម មានខាងចលនាខែ្មរក្រហមនៅ ក្នុងពៃ្រនិងមានកម្លាំងរដ្ឋាភិបាលលោកលន់ នល់។ នៅឆ្នាំ១៩៧៣ មឿន បានស្ម័គ្រចិត្ដចូលបម្រើចលនាខែ្មរក្រហមតាមរយៈឈ្មោះ ត្នោត ជាប្រធានឃុំវាលពន្ធ។ មឿន ចូលដំបូង អង្គការបញ្ជូនឱ្យ ទៅរៀនមុខវិជ្ជាពេទ្យ។ កាលនោះធ្វើការនៅក្នុងមន្ទីរពេទ្យព២៧ ពេលនេះមានទី តាំងនៅក្នុងឃុំវាលពន្ធ តែនៅក្នុងពៃ្រសុទ្ធ សម្រាប់ចាំជួយព្យាបាលកម្លាំងយោធាខែ្មរក្រហមដែលមានជំងឺនិងជួយ ព្យាបាលរបួសមកពីសមរភូមិមុខ កាលនោះវាយជា មួយទាហានលោកលន់ នល់។ កាលនោះប្រធានមន្ទីរពេទ្យ ផ្នែកវះកាត់យ៉ាងពីកែឈ្មោះ ប៉ែន ហៅ តាជួន ជឿន។ មឿន ពេលធេ្វិការងារនៅក្នុងមន្ទីរពេទ្យឃុំមួយខែ បានមកលេងផ្ទះម្ដង។ នៅឆ្នាំ១៩៧៥ ពេលរបបខែ្មរក្រហមឡើងកាន់អំណាច បានឈឹង មិនដែលបានទាក់ទងគ្នា ទេ ដល់ក្រោយមកមានដំណឹងថា ធ្វើការងារ នៅភ្នំពេញ។ នៅឆ្នាំ១៩៧៨ ម្ដាយឈ្មោះ អ៊ុត មានជំងឺចុកក្នុង ពោះជាខ្លាំងនៅមន្ទីរពេទ្យឃុំមិនអាចព្យាបាលបាន អង្គការបញ្ជូន ទៅភ្នំពេញបានជួបកូនឈ្មោះ មឿន កំពង់តែធ្វើ ការងារនៅ ក្នុងមន្ទីរពេទ្យ១៧មេសា ហៅ មន្ទីររុស្សី។ ពេលនោះ មឿន បានជួយព្យាបាលម្ដាយជាសះស្បើយ តែមិនមានពេលជូន ម្ដាយត្រឡប់មកវិញទេ បានផ្ញើរម្ដាយតាមឡានមិត្ដយើង ត្រឡប់មកស្រុកកំណើតវិញ។ នៅ ឆ្នាំ១៩៧៩ មានកូនអ្នកភូមិ ទៅជាមួយគ្នា មានឈ្មោះម៉ៅ បានត្រឡប់មកស្រុកកំណើតវិញ បានតែកូនឈ្មោះ មឿន មិនឃើញមកវិញសោះបាត់ឈឹង រហូតមកដល់ពេលនេះ។

© មជ្ឈមណ្ឌលឯកសារកម្ពុជា