Keo Sem

SVI0040

កែវ សែម

សុខា

បាត់ខ្លួន

ប្រុស

ជំនាន់ខែ្មរក្រហមអាយុ២៨ឆ្នាំ។

២០០៧០៩០៧, ខេត្ដស្វាយរៀង ស្រុកស្វាយទាប ឃុំសំបួរ ភូម

១៩៧២????

ស្ម័គ្រចិត្ដ

អង្គភាពមន្ទីរស២១ ទួលសែ្លង។

មជ្ឈិម«១២»ភ្នំពេញ។

អ្នកទោស

អេសវីអាយ០០៤០ ២០០៥០៩០១, ភូមិសំបួរ ឃុំសំបួរ ស្រុកស្វាយទាប ខេត្តស្វាយរៀង។ សម្ភាសដោយ រ៉ា ឆៃរ៉ាន់។ កំណត់សម្គាល់ៈ ជួបជាមួយកែវ សារ៉ុម អាយុ៥២ឆ្នាំ ត្រូវជា បងស្រី។

កែវ សែម ហៅ សុខា បាត់ខ្លួន។ ជួបជាមួយឈ្មោះ កែវ សារ៉ុម អាយុ៥២ឆ្នាំ ត្រូវជាប្អូនស្រី។ សែម មានឪពុកឈ្មោះ កែវ ស៊ិប ម្ដាយឈ្មោះ ភោគ សុក មានបងប្អូន៥នាក់ មានស្រុកកំណើត នៅភូមិសំបួរ ឃុំសំបួរ ស្រុកស្វាយទាប ខេត្ដស្វាយរៀង។ សែម ធ្លាប់រៀនសូត្របានត្រឹមថ្នាក់ទី៩ ឪចាស់ឱ នៅសាលាបឋមសិក្សាសំបួរ ហើយបានឈប់រៀនដោយសារឪពុកម្ដាយមានជីវភាពខ្វះខាត មកនៅផ្ទះជួយរកស៊ីធ្វើស្រែចម្ការ។ នៅឆ្នាំ១៩៧០ ពេលប្រទេសជាតិកើតមានរដ្ឋប្រហារទម្លាក់ សមេ្ដចសីហនុ ប្រទេសជាតិចាប់មានសង្គ្រាម វាយជាមួយរដ្ឋាភិបាលខាងលោក
លន់ នល់។ នៅឆ្នាំ ១៩៧២ សែម បានស្ម័គ្រចិត្ដចូលបម្រើ ចលនាខែ្មរក្រហម ដោយបានមកសុំឪពុកម្ដាយថែមទៀត ឪពុកក៏មិនធ្វើការហាមឃាត់ដែរ ព្រោះកូនចង់ទៅហើយ។ ចូលមុនដំបូងអង្គការចាត់តាំងឱ្យធ្វើជាកង ឈ្លបឃុំ ប្រធានឃុំ ឈ្មោះ អុក សា។ នៅឆ្នាំ១៩៧៣ សែម ត្រូវបានអង្គការផ្លាស់ឱ្យធ្វើការជា យោធាតំបន់វិញ នៅក្នុងកងពល២៩០។ នៅឆ្នាំ១៩៧៥ ពេលរបបខែ្មរក្រហមឡើងកាន់អំណាច សែម បានមកលេងស្រុកកំណើត ពេលនោះ សែម មានតួនាទីជាប្រធានកងធំ មានកូនទាហានជាង ១០០នាក់ តែពេលមកលេងផ្ទះឃើញមានកងការពារពីរនាក់មកជាមួយ។ នៅឆ្នាំ១៩៧៧ មានរៀប ការប្រពន្ធឈ្មោះ លន់ សាមឿន ឪពុកម្ដាយមិនចូលរួមការទេ ព្រោះជំនាន់ខែ្មរក្រហមអង្គការជាអ្នក រៀបការឱ្យ។ ពេលមានប្រពន្ធ សែម ឧស្សាហ៍មកលេងស្រុកកំណើត ព្រោះគាត់ធ្វើការងារនៅត្រឹម ខេត្ដស្វាយរៀង។ នៅឆ្នាំ១៩៧៨ នៅភូមិភាគបូព៌ាមានរៀងរ៉ាវជាច្រើន ត្រូវពួកខាងនិរតីចុះមកចាប់ កម្មាភិបាលធំៗមួយចំនួនដាក់ឡានយកទៅបាត់។ សារ៉ុម
ជាប្អូនស្រី ជំនាន់ខែ្មរក្រហមធ្វើពេទ្យនៅខេត្ដ ស្វាយរៀង បានឃើញបងប្រុស ឈ្មោះ សែម អង្គការហៅឡើងឡាន យកទៅបាត់ដែរ។ បន្ទាប់មក មានពាក្យនិយាយតគ្នាថា យោធាកងពល៩២០ អង្គការចាប់យកទៅវាយចោលទាំងអស់ តាំងពីនោះ មកបាត់ដំណឹងឈឹងរហូតមកដល់ពេលនេះ ប្រពន្ធកូនគាត់ក៏បាត់ដែរ។ បើតាមប្រវត្ដិរូប សែម ហៅ សុខា អង្គការចាប់ខ្លួននៅឆ្នាំ១៩៧៨។

© មជ្ឈមណ្ឌលឯកសារកម្ពុជា