Seng Chhuon

SVI0046

សេង ឈួន

បាត់ខ្លួន

ប្រុស

ជំនាន់ខែ្មរក្រហមអាយុ៣០ឆ្នាំ។

២០០៧១០០៥, ខេត្ដស្វាយរៀង ស្រុកស្វាយទាប ឃុំសង្ឃ័រ ភូ

១៩៧២????

ស្ម័គ្រចិត្ដ

អង្គភាពមន្ទីរស២១ទួលសែ្លង។

មជ្ឈិម«១២»ភ្នំពេញ។

អ្នកទោស

អេសវីអាយ០០៤៦ ២០០៥០៨១៦, ភូមិចំបក់ពាម ឃុំ សង្ឃ័រ ស្រុកស្វាយទាប ខេត្តស្វាយរៀង។ សម្ភាសដោយ ផាន់ សុជា។ កំណត់សម្គាល់ៈ ជួបជាមួយ ពៅ ផល អាយុ៦៣ឆ្នាំ ត្រូវជាប្រពន្ធ។

សេង ឈួន ហៅ ចាន់ សាម៉េត ភេទប្រុស អាយុ៣០បាត់ខ្លួន។ ជួបជាមួយឈ្មោះ ពៅ ផល អាយុ៦៣ឆ្នាំ ត្រូវជាប្រពន្ធ។ ឈួន មានឪពុកឈ្មោះ សេង ជីវ ម្ដាយឈ្មោះ ស សី មានបងប្អូន ច្រើនតែរាល់ថៃ្ងនៅសល់តែពីរ មានស្រុកកំណើតនៅភូមិចំបក់ ពាម ឃុំសង្ឃ័រ ស្រុកស្វាយទាប ខេត្ដ ស្វាយរៀង។ ឈួន ធ្លាប់រៀននៅសាលាវិទ្យាល័យស្វាយរៀងជាប់ឌីប្លូម ឈប់រៀនមកផ្ទះវិញហើយ បានទៅខេត្ដបាត់ដំបងរៀនធ្វើគ្រូខែ្មរ រៀនខាងផ្សំថ្នាំបុរាណដើរព្យាបាលប្រជាជនឈឺនៅតាមភូមិ។ នៅមុនកើតមានរដ្ឋប្រហារត្រឡប់មកផ្ទះវិញ ឱ្យឪពុក ម្ដាយចូលស្ដីដំណឹងប្រពន្ធឈ្មោះ ផល រៀបការ រស់នៅក្នុងភូមិជា មួយគ្នាប្រកបរបរធ្វើស្រែចម្ការ។ នៅឆ្នាំ១៩៧០ ប្រទេសជាតិកើតមានរដ្ឋប្រហារ ទម្លាក់សមេ្ដចសីហនុ ប្រទេសជាតិកើតមានសង្គ្រាម មានចលនាខែ្មរក្រហមកើតឡើង។ នៅឆ្នាំ១៩ ៧២ ឈួន បានស្ម័គ្រចិត្ដចូលបម្រើចលនាខែ្មរក្រហម ប្រមូលកម្លាំងយុវជនឱ្យចូលធ្វើជាយោធាខែ្មរ ក្រហម ដើម្បីវាយជាមួយទាហានលន់ នល់។ នៅឆ្នាំ១៩៧៥ ពេលរបបខែ្មរក្រហមឡើងកាន់អំណាច ឈួន បានឡើងធ្វើជាប្រធានឃុំស្វាយ។ នៅឆ្នាំ១៩៧៧ ឈួន បានឡើងធ្វើជាប្រធានកសិកម្មស្រុក ប្រសូត្រ ខេត្ដស្វាយរៀង។ នៅឆ្នាំ១៩៧៧៧៨ កម្មាភិបាលភូមិភាគបូព៌ាជាពិសេស គណៈស្រុក តាសាលីវ តាសារ៉ាត់ តាចិន លេខាស្រុកជាច្រើន ទៀតកម្មាភិបាល ចុះមកពីមជ្ឈិមចុះមកចាប់ច្រកបាវបោះចូលទៅ ក្នុងឡានយក ទៅសម្លាប់ចោលទាំងអស់ បន្ទាប់មកភូមិភាគនិរតីមកគ្រប់គ្រង វិញ។ ពេលនោះប្ដីឈ្មោះ ឈួន ហៅ សាម៉េត ក៏បាត់ខ្លួន តាំងពីពេលនោះមកដែរ។ ក្រោយពីចាប់ប្ដីហើយអង្គការ ជម្លៀសមក រស់នៅខេត្ដពោធិសាត់ រស់នៅលំបាកវេទនាណាស់។ នៅឆ្នាំ១៩៧៩ ប្រទេសជាតិបានរំដោះរួចផុតពី របបខែ្មរក្រហម បានវិញត្រឡប់មកស្រុកកំណើតវិញ។ បើតាមប្រវត្ដិរូប ឈួន ហៅ សាម៉េត អង្គ ការចាប់ខ្លួននៅឆ្នាំ១៩៧៨ យកមកដាក់ នៅមន្ទីរស២១ទួលសែ្លង។

© មជ្ឈមណ្ឌលឯកសារកម្ពុជា