Sa Yan

SVI0081

ស យ៉ន

បាត់ខ្លួន

ប្រុស

«កើតឆ្នាំម្ស៉ាញ់»ជំនាន់ខែ្មរក្រហមអាយុ៣៣ឆ្នាំ។

២០០៧០៦០៦, ខេត្ដស្វាយរៀង ស្រុកស្វាយទាប ឃុំពៃ្រតាអី

១៩៧១????

ស្ម័គ្រចិត្ដ

អង្គភាពយោធាមន្ទីរស២១ ភ្នំពេញ។

មជ្ឈិម«១២»ភ្នំពេញ។

អ្នកទោស

អេសវីអាយ០០៨១ ២០០៥០៨១១, ភូមិត្រពាំងស្បូវ ឃុំ ពៃ្រតាអី ស្រុកស្វាយទាប ខេត្តស្វាយរៀង។ សម្ភាសដោយ រ៉ា ឆៃរ៉ាន់។ កំណត់សម្គាល់ៈ ជួបជាមួយ ស យឿន អាយុ៦៤ឆ្នាំ និង ស យ៉ិត អាយុ៦៣ឆ្នាំ ត្រូវជាបងស្រី។

ស យ៉ន ហៅ យូន ភេទប្រុស អាយុ៣៣ឆ្នាំបាត់ខ្លួន។ ជួបជា មួយឈ្មោះ ស យឿន អាយុ៦៤ឆ្នាំ ត្រូវជាបងស្រី។ យ៉ន មានឪពុកឈ្មោះ ស ស៊ុម ម្ដាយឈ្មោះ សូ វ៉ែន មានបងប្អូន៧នាក់ មាន ស្រុកកំណើតនៅភូមិត្រពាំងស្បូវ ឃុំពៃ្រតាអី ស្រុកស្វាយ ទាប ខេត្ដស្វាយរៀង។ យ៉ន ធ្លាប់រៀន សូត្របានត្រឹមថ្នាក់ទី៧ ឪចាស់ឱ នៅអនុវិទ្យាល័យជីភូ បន្ទាប់ទៀតឈប់រៀនដោយ សារឪពុកម្ដាមមាន ជីវភាពខ្វះខាត ឈប់រៀនមកបួសជាព្រះសង្ឃ នៅវត្ដពៃ្រតាអីបានចំនួន៥វស្សា។ យ៉ន សឹកមកវិញ ជួយធ្វើស្រែ ចម្ការឪពុកម្ដាយ បន្ទាប់បានរៀបការប្រពន្ធឈ្មោះ ហាញ់ សំណាង ហើយនាំគ្នាប្រកប មុខរបរធ្វើស្រែចម្ការ។ នៅឆ្នាំ១៩៧០ ប្រទេសជាតិកើតមានរដ្ឋប្រហារទម្លាក់សមេ្ដចសីហនុ ប្រទេស ជាតិកើតមានសង្គ្រាម ម្ខាងកម្លាំងចលនាខែ្មរក្រហម ម្ខាងទៀត ខាងទាហានលោកលន់ នល់។ នៅឆ្នាំ ១៩៧១ យ៉ន បានស្ម័គ្រចិត្ដ ចូលបម្រើចលនាខែ្មរក្រហម ដោយសារ យ៉ន មានប្រពន្គកូន អង្គការ បញ្ជូនទៅធ្វើការងារនៅមន្ទីរតំបន់២៣ ស្រុកប្រសូត្រ ជាអ្នក ដើរឃោសនាឱ្យកម្លាំងយុវជនយុវនារីចូល បម្រើចលនាខែ្មរ ក្រហម។ នៅឆ្នាំ១៩៧៥ ពេលរបបខែ្មរក្រហមឡើងកាន់អំណាច យ៉ន ធ្វើការងារជា សមាជិកមន្ទីរស្រុកប្រសូត្រ តំបន់២៣ ភូមិភាគបូព៌ា និងធ្លាប់បានមកលេងស្រុកកំណើតជួបប្រពន្ធកូន ជាញឹកញាប់ កាលនោះមិនបានយកប្រពន្ធឱ្យទៅរស់នៅជាមួយទេ ប្រពន្ធធ្វើការងារនៅតាមសហករណ៍ លើកទំនប់ជីកប្រឡាយ នៅក្នុងភូមិឃុំ។ នៅឆ្នាំ១៩៧៧៧៨ កម្មាភិបាលខែ្មរក្រហម នៅភូមិភាគបូព៌ា ត្រូវបានកម្លាំងភូមិភាគនិរតីចុះមកគ្រប់គ្រង និងចាប់កម្មាភិបាលភូមិភាគបូព៌ាយកទៅបាត់អស់។ ចាប់ តាំងពីពេលនោះមក យ៉ន មិនដែលឃើញមកលេងផ្ទះទៀតទេ បាត់ដំណឹងរហូតមកដល់ពេលនេះ ប្រពន្ធកូន អង្គការជម្លៀស ទៅខេត្ដពោធិសាត់ក៏ស្លាប់អស់ដែរ។

© មជ្ឈមណ្ឌលឯកសារកម្ពុជា