Ke Thon

កែ ថុន

ប្រុស

បាត់ខ្លួន

ខេអអាយ០០៨៥ ២០០៦០២២០,ភូមិជ្រោយសែ្នងក្របី ឃុំ ជ្រោយសែ្នងក្របី ស្រុកព្រែកប្រសប់ ខេត្តក្រចេះ។ សម្ភាស ដោយ ឆាយ ណារឿន។ កំណត់សម្គាល់ៈ ជួបជាមួយ សំ អឿន អាយុ៤៥ឆ្នាំ ត្រូវជាប្អូនថៃ្លប្រុស។

ជំនាន់ខែ្មរក្រហមអាយុ២៣ឆ្នាំ។

១០០៣០៣?? ខេត្ដក្រចេះ ស្រុកព្រែកប្រសប់ ឃុំកំពង់គរ ភ

១៩៧៥????

បង្ខំ

អង្គភាពមន្ទីរស២១ ភ្នំពេញ។

អ្នកទោស

មជ្ឈិម«១២»ភ្នំពេញ។

រេន និង តាយ៉ាន ជាអ្នកចូលធ្វើទាហានជាមួយថុន។

កែវ ថុន ភេទប្រុស អាយុ២៣ឆ្នាំ បាត់ខ្លួន។ ជួបជាមួយឈ្មោះ សំ អឿន អាយុ៤៥ឆ្នាំ ត្រូវជាប្អូនថៃ្ល។ ថុន មានឪពុកឈ្មោះ ឈួន ម្ដាយឈ្មោះ រុន មានបងប្អូន៤នាក់ ប្រុស៣ស្រី១ មានស្រុក កំណើតនៅភូមិ ជ្រោយស្នែងក្របី ឃុំជ្រោយស្នែងក្របី ស្រុកព្រែកប្រសប់ ខេត្ដក្រចេះ។ ថុន មិនបានរៀនសូត្រទេ ព្រោះ ឪពុកស្លាប់ចោលទៅ ម្ដាយមានគ្រួសារថ្មី ហើយ ថុន បានទៅរស់នៅជាមួយឈ្មោះយ៉ាន់ រស់នៅក្នុងភូមិជា មួយគ្នា។ ថុន បានរស់នៅជាមួយតាយ៉ាន់ ជួយមើលគោលក្របីនិងធ្វើកិច្ច ការស្រែចម្ការ។ នៅឆ្នាំ១៩៧០ ប្រទេសជាតិកើតមានសង្គ្រាម កើតមានរដ្ឋប្រហារទម្លាក់សមេ្ដចសីហនុ។ បន្ទាប់មកទៀតបាន ឃើញទាហានយួន យៀកកុងដើរធ្វើការងារនៅក្នុងភូមិជាមួយ ក្រុមចលនាខែ្មរក្រហម យើងជាប្រជាជនមិនហ៊ានឆ្ងល់មិនហ៊ានសួរទេ ឱ្យតែរស់នៅបានសុខ កាលនោះទាហានលន់ នល់ មិនបានចូលមក ដល់ភូមិនេះទេ មានតែកម្លាំងចលនាខែ្មរ ក្រហមចូលមក។ នៅពេលមានមានយន្ដហោះមកទម្លាក់គ្រាប់បែក មានខាងរដ្ឋភិបាល លោកលន់ នល់ ឱ្យប្រជា ជនជម្លៀសចេញពីមាត់ទនេ្ល ដើម្បីទម្លាក់ គ្រាប់បែកទៅលើក្រុមខែ្មរក្រហមនិងយួនយៀកកុង។ នៅឆ្នាំ១៩៧៣ ទាហានយួនយៀកកុងលែងឃើញមានតទៅទៀត ហើយការទម្លាក់គ្រាប់បែករាងស្ងាត់ដែរ។ នៅឆ្នាំ១៩៧៥ ពេលរបបខែ្មរក្រហមឡើងកាន់អំណាច ប្រជាជនចាស់កេ្មងអង្គការ ចាត់តាំងឱ្យទៅធ្វើការងារតាមវ័យ មិនឱ្យធ្វើ ការជាមួយគ្នាទេ។ នៅឆ្នាំ១៩៧៥ ថុន អង្គការបញ្ជូនឱ្យទៅធ្វើការងារនៅក្នុង កងចល័តស្រុកឆ្លូង តំបន់៥០៥ លើកទំនប់ជីកប្រឡាយ។ នៅឆ្នាំ១៩៧៨ ថុន បានធ្វើឱ្យគោដាច់ទៅស៊ីស្រូវរបស់អង្គការ ពេលនោះមានដំណឹង ថាគណៈស្រុកឆ្លូងឈ្មោះ ហាន បាញ់ចោល តាំងពីនោះមកបាត់ខ្លួនឈ្មោះ កែ ថុន រហូតមកដល់ពេលនេះ។ បើតាមប្រវត្ដិរូបឈ្មោះ កែ ថុន ធ្វើការងារនៅក្នុងចល័ត ស្រុកឆ្លូងតំបន់៥០៥ អង្គការចាប់ខ្លួននៅឆ្នាំ១៩៧៨ យកមកភ្នំពេញ។

© មជ្ឈមណ្ឌលឯកសារកម្ពុជា