Kry Doeun

ប្រុស

នៅរស់

ភីអេកអាយ០០១៣២០១៣០៥១៥ ភូមិកោះកែរ ឃុំស្រយ៉ង់ ស្រុកគូលែន ខេត្តព្រះវិហារ។ សំភាសដោយៈ សុខ វណ្ណៈ។ កំណត់សម្គាល់ៈ ជួបជាមួយឈ្មោះ គ្រី ឌឿន ភេទប្រុស អាយុ៦០ ឆ្នាំ ក្រៅប្រវត្តិរូប។

បច្ចុប្បន្នអាយុ៦០ឆ្នាំ

១៣០៤០៦០៣ ខេត្ដព្រះវិហារ ស្រុកគូលែន ឃុំស្រយ៉ង់ ភូមិ

៣០១០១៩៧២

ស្មគ្រ័ចិត្ដ

អង្គភាពយោធា ខេត្ដរតនគិរី។

ប្រធានក្រុម។

ភូមិភាគឥសាន(១០៨) ខេត្ដរតនគិរី។

ប្រធានកងពល តា សាន តា ស៊ិន។

ឈ្មោះ គ្រី ឌឿន អាយុ៦០ឆ្នាំ ប្រពន្ធ ឈ្មោះ តាំង ជន អាយុ៤៦ មានកូន៤នាក់ ស្រី២។ ឌឿន មានស្រុកកំណើតនៅភូមិកោះកែរ ឃុំស្រយ៉ង់ ស្រុកគូលែន ខេត្ដព្រះវិហារ។ ឌឿន មានឪពុកឈ្មោះ វៀន ម្ដាយឈ្មោះ ស៊ឹង មានបងប្អូន៤នាក់។ ឌឿន មិនបានរៀន សូត្រទេ ព្រោះរស់នៅទីជនបទដាច់ស្រយ៉ាលគ្មានសាលារៀន។ នៅឆ្នាំ១៩៧០ ប្រទេសកើតមាន រដ្ឋប្រហារទម្លាក់សមេ្ដច អ្នកស្រុកនៅភូមិកោះកែរមិនបានដឹងប៉ុន្មានទេ តែក្រោយ មកនៅឆ្នាំ១៩៧២ ឃើញមានសង្គ្រាមនិងទម្លាក់គ្រាប់បែក តែមិនបានទម្លាក់ឱ្យចំភូមិទេ។ នៅឆ្នាំ១៩៧២ បានស្ម្រ័គចិត្ដ យោធាខែ្មរក្រហមតាមការប្រកាសរបស់ សមេ្ដចសីហនុ។ ឌឿន នៅកងពលទី២ បានច្បាំងជាមួយ ទាហាន លន់ នល់ កាលនោះ មានទាហានខែ្មរក្រហមនិងទាហាន លន់ នល់ ស្លាប់មិនតិចទេ ដោយសារតែអ្នកនយោធាធ្វើសង្គ្រាមខែ្មរសម្លាប់ខែ្មរ។ នៅឆ្នាំ១៩៧៥ ឌឿន បានវាយចូលទីក្រុង ភ្នំពេញ ឌឿន បាន ប្រជាជននាំគ្នាចេញពីទីក្រុងអស់ នៅសល់តែយោធាខែ្មរក្រហម នៅការពារទីក្រុង។ ឌឿន នៅទីក្រុងភ្នំពេញបានតែមួយខែទេ ត្រូវអង្គការចាត់តាំងឱ្យទៅការពារព្រំដែនខេត្ដរនគិរី។ កាលនោះ ប្រធានកងពលឈ្មោះ តា សាន អនុ តា ស៊ិន នៅឆ្នាំ១៩៧៧ អង្គការបានចាប់ខ្លួន កម្មាភិបាលខែ្មរក្រហមដូចគ្នាយកទៅបាត់ ដោយចោទថា ក្បត់និងអង្គការ ជំនាន់ខែ្មរក្រហមទោះបីយើង ខំធ្វើការយ៉ាងណាក៏នៅតែមានការភ័យខ្លាច ព្រោះជីវិតងាយ និងស្លាប់ណាស់។ នៅឆ្នាំ១៩៧៩ កងទ័ពវៀតណាមចូលមក ដល់ប្រទេសកម្ពុជា កម្មាភិបាលនិងយោធាខែ្មរក្រហមមួយចំនួនធំ នាំគ្នារត់ ទៅព្រំដែនខែ្មរថៃ។ ឌឿន មិនបានរត់ទៅជាយដែនខែ្មរ ថទៃេ គឺរត់មករកស្រុកកំណើតវិញ មិនយូរប៉ុន្មានបានចូលបំរើជា កងឈ្លបប្រចាំភូមិកោះកែរនេះ។ នៅឆ្នាំ១៩៩៦ បានរត់នៅខាង ស្រុក គូលែន សង្គ្រាមបានបន្ដសម្លាប់ខែ្មរគ្នាឯង រហូតដល់ឆ្នាំ ១៩៩៩ ទើបមានសមាហរណ៍កម្មបានជីវិត កងទ័ពនិងប្រជា ជនរស់នៅបានសុខសប្បាយ។ សព្វថៃ្ងនេះប្រជាជនរស់នៅ តំបន់ប្រាសាទកោះកែរ មិនបានសប្បាយចិត្ដដោយសារអាជ្ញាធរ អប្សរាតឹង តែង មិនឱ្យប្រជាជនធ្វើផ្ទះធំ មិនឱ្យកាប់គាស់ដីថ្មី ដើម្បីធ្វើស្រែ ព្រោះមានកូនចៅកាន់តែច្រើន បើមិនគាប់គាស់ដីថ្មី តើកូនចៅជំនាន់ក្រោយបានអីរស់ នៅ មានដីស្រែឯណាសម្រាប់ ធ្វើដើម្បីចឹញ្ចឹមជីវិត។

ដឹងថា ជំនាន់ខែ្មរក្រហមសម្លាប់មនុស្សនិងចាប់ខ្លួនកម្មាភិបាលជា យោធាអស់ជាច្រើននាក់។

© មជ្ឈមណ្ឌលឯកសារកម្ពុជា