Touch Thul

នៅរស់

ប្រុស

«បច្ចុប្បន្នអាយុ៥៥ឆ្នាំ»

២១០២០១០៦ ខេត្ដតាកែវ ស្រុកបាទី ឃុំចំបក់ ភូមិស្ដៅឯម។

១៩៧៥????

បង្ខំ

អង្គភាពយោធាកងពល៨០១ ស្រុកវឺនសៃ ខេត្ដតនគិរី។

ភូមិភាគឥសាន(១០៨) ខេត្ដរតនគិរី។

យោធា

ប្រធានកងពលឈ្មោះ សូរ សារឿន។

អូអ៊ឹមអាយ០៣២២២០១៣១១២៤ ភូមិទំនប់ដាច់ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។ សំភាសដោយៈ សុខ វណ្ណៈ។ កំណត់សម្គាល់ៈ ជួបជាមួយឈ្មោះ ទូច ធុល ភេទប្រុស អាយុ៥៥ឆ្នាំ។ ក្រៅប្រវត្តិរូប។

ទូច ធុល អាយុ៥៥ឆ្នាំ ប្រពន្ធឈ្មោះ សុខ ខុម អាយុ៤៦ឆ្នាំ មានកូនចំនួន៥ នាក់ ស្រី៤ប្រុស១។ ធុល មានឪពុកឈ្មោះ ទូច ថន ម្ដាយឈ្មោះ ជា ខន មានកូនតែម្នាក់គត់ មានស្រុកកំណើតនៅ ភូមិស្ដៅអែម ឃុំចំបក់ ស្រុកបាទី ខេត្ដតាកែវ។ ធុល សព្វថៃ្ងរស់នៅភូមិទំនប់ ដាច់ ឃុំទំនប់ដាច់ ស្រុកត្រពាំងប្រាសាទ ខេត្ដឧត្ដរមានជ័យ។ ធុល កាលពីតូចរៀននៅសាលាបឋម សិក្សាអង្គសិនត្រឹមថ្នាក់ទី៨ឪចាស់ឱ។ ធុល ឈប់រៀននៅ ឆ្នាំ១៩៧០ ដោយសារកើតមានរដ្ឋប្រហារ ទម្លាក់សមេ្ដចសីហនុ បន្ទាប់មកទៀតសង្គ្រាមបានកើតឡើងពាសពេញប្រទេសកម្ពុជា មានយន្ដហោះ យន្ដទម្លាក់គ្រប់បែកគ្រប់ទីកនែ្លង។ នៅឆ្នាំ១៩៧៥ កម្លាំងខែ្មរក្រហមបានទទួលជ័យជម្នះ ប្រជាជន នៅតាមស្រុក ស្រែចម្ការអង្គការបង្ខំឱ្យធ្វើការរួមហូបបាយតាមសហករណ៍ ទ្រព្យសម្បត្ដិចាប់ពីចានឆ្នាំង ឡើងទៅត្រូវប្រមូលដាក់រួមទាំងអស់ គ្មានកម្មសិទ្ធផ្ទាល់ខ្លួន។ ធុល នៅឆ្នាំ១៩៧៥ ដដែលប្រធានភូមិ មកហៅឱ្យចូលជាយោធាខែ្មរក្រហម កាលនោះមិនចង់ទៅទេ ព្រោះមិនចង់ទៅចោលឪពុកម្ដាយ ព្រោះ គ្មានបងប្អូនទេ មានតែ ធុល ម្នាក់។ ពេលចេញពីផ្ទះដំបូងអង្គការបញ្ជូនហាត់រៀនក្បួន យោធានៅវត្ដ ចុងកោះ ខេត្ដកណ្ដាល មានគ្នាជាង២០០នាក់ ហាត់រៀនបាញ់កាំភ្លើងបានរយៈពេលបីខែ អង្គការ បញ្ជូនទៅ ហាត់រៀនសូត្រផ្នែកនយោបាយម្ដុំរោងចក្រកែវនិងនៅពៃ្រស ភ្នំពេញ បានរយៈពេល១ខែ អង្គការបញ្ជូនឱ្យទៅខេត្ដរតនគីរី ស្រុកបាលុងនិងបន្ដទៅស្រុកវឺនសៃ ពេលធ្វើដំណើរចេញពីភ្នំពេញ ត្រូវជិះកប៉ាល់រហូតដល់ខេត្ដក្រចេះនិងសម្រាកនៅទីនោះបាន មួយខែបានទៅធ្វើដំណើរជិះឡានទៅដល់ ខេត្ដរតនគីរី។ ពេលទៅដល់ដំបូងនៅក្នុងពល៨០១ ប្រធានកងពលឈ្មោះ សារឿន ឈ្មោះ ស៊ុង តែនៅក្នុងពៃ្រមានយោធាជាច្រើននាក់
បានស្លាប់ដោយសារមានជំងឺគ្រុនចាញ់។ ធុល នៅក្នុងវរសេនា តូច ប្រធានវរៈឈ្មោះ ឡូច កាលនោះការពារព្រំដែនឡាវ អ្នកនៅសមរភូមិក្រោយធ្វើស្រែ។ នៅឆ្នាំ ១៩៧៩ កងទ័ព វៀតណាមបានវាយចូលដល់ប្រទេសកម្ពុជា យោធាកងពល ៨០១ បានធ្វើដំណើរ តាមជួរព្រំដែនរហូតដល់មុំបីដែលជាកនែ្លង មេៗណាត់ជួបគ្នា នៅមុំបីនិង៨០៨ លោក សុន សេន ជា អ្នកគ្រប់គ្រងរួមទាំងមេខែ្មរក្រហមផេ្សងទៀតបានប្រមូល កម្លាំងគ្នាឡើងវិញ ដើម្បីធ្វើសង្គ្រាមជាមួយ កងទ័ពវៀតណាម និងកងទ័ពរដ្ឋាភិបាលលោក ហេង សំរិន។ ធុល នៅឆ្នាំ១៩៨៧ ត្រូវអំបែងគ្រាប់ ចំដៃ តែមិនដាច់ដទៃេ គ្រាន់តែត្រូវរបួសអង្គការឱ្យមករស់នៅសមរភូមិក្រោយវិញ ហើយបានរៀប ការប្រពន្ធតែ ម្ដងនៅឆ្នាំ១៩៨៧ គ្មានលោកសង្ឃ គ្មានឪពុកម្ដាយដឹងឮមានតែ ចាស់ទុំបន្ដិចបន្ដួច។ ធុល បានទៅរស់នៅក្នុងជំរំអូរត្រាវនៅ ក្នុងទឹកដីរបស់ថៃ។ នៅឆ្នាំ១៩៩៣ ជំនាន់អ៊ុនតាក់ អង្គការដឹកជន ភាសខ្លួនឱ្យទៅរស់នៅស្រុកកំណើតវិញ មានអ្នកខ្លះទៅស្រុក កំណើត ខ្លះមិនចង់ទៅពេលនោះគ្មានពីណា បង្ខំទេ តែ ធុល និងគ្រួសារបានស្ម័គ្រចិត្ដធ្វើមាតុភូមិនិវត្ដន៍មកស្រុកកំណើតវិញ នៅខេត្ដតាកែវ។ នៅឆ្នាំ១៩៩៩ ដោយសារនៅស្រុកកំណើត គ្មានដីស្រែរគប់គ្រាន់បិបាករកស៊ី ទើបសមេ្រចចិត្ដមករស់ នៅភូមិទំនប់ដាច់ ស្រុកត្រពាំងប្រាសាទនេះវិញ។

© មជ្ឈមណ្ឌលឯកសារកម្ពុជា