Dom Chhunny

OMI0046

ដុំ ឈុននី

ប្រុស

បច្ចុប្បន្នអាយុ៦១ឆ្នាំ។

អូអឹមអាយ០០៤៦២០១២០៣១៥,ភូមិអូរចិពេ្ចាÃៈន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។ សំភាសន៍ដោយៈឡុង ដានី។ កំណត់សម្គាល់ៈជួបជាមួយឈ្មោះ ដុំ ឈុននី ភេទប្រុស អាយុ៦១ឆ្នាំ ក្រៅប្រវត្តិរូប។

ដុំ ឈុននី ភេទប្រុស អាយុ៦១ឆ្នាំ ក្រៅប្រវត្ដិរូប។ ឈុននី មានប្រពន្ធឈ្មោះ សារិន មានកូនចំនួន៥នាក់ ប្រកបមុខរបរ ធ្វើស្រែចម្ការនិងមានតួនាទីជាក្រុមប្រឹក្សាស្រុកអន្លង់វែង សព្វថៃ្ងរស់នៅភូមិអូរចិពេ្ចាÃៈន ឃុំអន្លង់ វែង ស្រុកអន្លង់វែង ខេត្ដឧត្ដរមានជ័យ។ ឈុននី មានស្រុកកំណើតនៅភូមិអង្កាញ់ ឃុំត្រពាំងកក់ ស្រុកកោះ អណែ្ដត ខេត្ដតាកែវ។ ឈុននី ធ្លាប់រៀនសូត្របានច្រើន ឈប់រៀននៅពេលកើតមានរដ្ឋប្រហារ ទម្លាក់សមេ្ដច សីហនុ ប្រទេសជាតិកើតមានសង្គ្រាម។ ឈុននី បានចូលរួមជាមួយចលនាខែ្មរក្រហម ដើម្បីប្រឆាំងជាមួយ របបសាធារណៈរដ្ឋលោកលន់ នល់។ សង្គ្រាម៥ឆ្នាំវាយប្រយុទ្ធ ជាមួយទាហានលន់ នល់ ដែលជាកូនខែ្មរដូចគ្នា ឈ្លួសគ្នាដោយ សារតែអ្នកនយោបាយ។ នៅពេលរបបខែ្មរក្រហមឡើងកាន់ អំណាច អង្គការចាត់តាំងឱ្យដឹកនាំ ប្រជាជនធ្វើស្រែចម្ការនិងហូប បាយរួម។ នៅឆ្នាំ១៩៧៩ ពេលរបបខែ្មរក្រហមចាញ់សង្គ្រាម វៀតណាម ឈុននី និងកម្មាភិបាលខែ្មរក្រហមជាច្រើនទៀតបាន រត់ចូលពៃ្រទៅដល់ជាយដែនថៃ និងបានរស់នៅលើទឹកដីថៃ មួយរយៈទៀត។ ឈុននី និងកម្លាំងខែ្មរក្រហមជាច្រើនផេ្សងទៀត ដែលមានតាម៉ុក ជាអ្នកប្រមូលកម្លាំងវាយ ប្រឆាំងនិងវត្ដមាន កងទ័ពយួននិងកម្លាំងរដ្ឋាភិបាលភ្នំពេញ ធ្វើឱ្យជីវិតមនុស្ស ស្លាប់ជាបន្ដទៀត។ កម្លាំងខែ្មរ ក្រហមនៅខាងតំបន់អន្លង់វែង មាន៩កងពលរួមមានកងពល៩៨០,៩១២,៧៨៥,៩៩០,៦១៦,៨០១,៨០២,៩២០និង១០៥ កាលនោះវាយប្រយុទ្ធគ្នាហើយ កម្លាំងខែ្មរក្រហមបានចុះធ្វើីការអូសទាញប្រជាជនមួយចំនួន ទៅតាមបណ្ដាលខេត្ដមួយចំនួនទៀត ដូចជាខេត្ដសៀមរាប ខេត្ដកំពង់ចាម ខេត្ដកំពង់ឆ្នាំង ខេត្ដកណ្ដាល ខេត្ដ កំពង់ស្ពឺ ជាដើម។ នៅឆ្នាំ១៩៩៣ កម្លាំងចលនាខែ្មរក្រហមមិនបានចូលរួម បោះឆ្នោតទេ បន្ទាប់មកទៀត សង្គ្រាមចេះតែកើតមានជាបន្ដ បន្ទាប់រហូតដល់ឆ្នាំ១៩៩៨ កម្លាំងខែ្មរក្រហមព្រមធ្វើសមាហរ ណ៍កម្ម ទើបប្រជា ជនរស់នៅបានសុខសប្បាយមកដល់ពេលនេះ។

© មជ្ឈមណ្ឌលឯកសារកម្ពុជា