D119546

របាយការណ៍ស្តីអំពីទីតាំងពិឃាដនៅវត្តអំពែភ្នំ ស្រុក និងខេត្តកំពង់ស្ពឺ។

ភាសារខ្មែរ

កម្ពុជា

ថ្ងៃទី២១ ខែកញ្ញា ឆ្នាំ២០០០

ខេត្ត្កកំពង់ស្ពឺ

មជ្ឈមណ្ឌលឯកសារកម្ពុជា/3 ខែមិនា ឆ្នាំ២០២៥

មជ្ឈមណ្ឌលឯកសារកម្ពុជា

DC-Cam\មជ្ឈមណ្ឌលឯកសារកម្ពុជា

កម្ពុជា

ឯកសារវាយកំុព្យូទ័រ(tx), ឯកសារចំនួន៦ទំព័រ។

ទីតាំងសម្លាប់វត្តអំពែរភ្នំ។ មន្ទីរសន្តិសុខវត្តអំពែរភ្នំ។

លោក ផេង ពង្សរ៉ាស៊ី

អ្នកសរុបរបាយការណ៍ឈ្មោះ ផេង ពង្សរ៉ាស៊ី

ទីតាំងសម្លាប់

​ នៅទីតាំងវត្តអំពែរភ្នំសព្វថ្ងៃនេះ បានបន្សល់ទុកនូវទីតាំងតម្កល់អដ្ឋិធាតុយ៉ាងកញ្ចាស់មួយ ប្រក់ក្បឿង មានជញ្ជាំងក្តារពុកៗ និងគ្មានទ្វារបង្អួចត្រឹមត្រូវ ឈរយ៉ាងជង្រ្គឹងទទឹងថ្ងៃដែលមានទីតាំងស្ថិតនៅខាងលិចវត្តនឹងទីតាំងសម្លាប់នាសម័យខ្មែរក្រហម។ មានអិដ្ឋធាតុជាច្រើនបានគរជាពំនូកចំកណ្តាលបូជនីយដ្ឋាននោះ។ ឆ្អឹងទាំងប៉ុន្មាន(មានរូបថតភ្ជាប់) សុទ្ធតែត្រូវបានគាស់ចេញពីរណ្តៅរាប់រយខាងលិចវត្តប្រហែលជាង១០០ម៉ែត្រ ដែលសព្វថ្ងៃមិនបានបន្សល់ស្លាកស្នាមអ្វីទាំងអស់។ ដោយសារការគាស់ឆ្អឹងខាងលើនេះហើយទើបមានការសង់រោងសម្រាប់ដាក់អដ្ឋិធាតុទាំងនោះនៅឆ្នាំ១៩៨៦។ ទីតាំងសម្លាប់វត្តអំពែភ្នំ ទីតាំងសម្លាប់ស្ថិតនៅប៉ែកខាងលិចព្រះវិហារ ហើយក៏មានខ្លះៗនៅខាងកើតព្រះវិហារដែរ។ ព្រះតេជគុណព្រះនាម សុផល ហៅ ញ៉ែម ស៉ឺន ព្រះជន្ម៧១ព្រះវស្សា បានមានពុទ្ធដីការថា ទីតាំងសម្លាប់មានទំហំខាងលិចមួយគីឡូម៉ែត្រ និងខាងកើតដល់ភូមិ មួយគីឡូម៉ែត្រ។ ក្រោយពេលបែកឆ្នាំ១៩៧៩ទីតាំងខាងលើមានសុទ្ធតែរណ្តៅទាំងអស់។ បច្ចុប្បន្នទីវាលពិឃាតមនុស្សនោះបានក្លាយជាដីសម្រាប់ប្រជាកសិករបង្កបង្កើនផលអស់គ្មានសល់។ ចំណែកឆ្អឹងរបស់សាកសពត្រូវបានប្រជាជនដែលនៅសេសសល់ពីស្លាប់នាំគ្នាគាស់ដាក់នៅកន្លែងតម្កល់អដ្ឋិធាតុមួយដែលមានចម្ងាយមិនឆ្ងាយប៉ុន្មានពីទីតាំងសម្លាប់។ តាមសម្តីរបស់អ៊ំប្រុសឈ្មោះ អ៊ុន ហាក់ អាយុ៧២ឆ្នាំ ជាប្រជាជនរស់នៅភូមិអំពែរភ្នំ ឃុំរលាំងចក ស្រុកសំរោងទង បាននិយាយថាឆ្អឹងដែលបានគាស់កាលពីឆ្នាំ១៩៧៩-៨០មានចំនួនច្រើនជាងឆ្អឹងដែលមិនទាន់បានគាស់។ នៅមានឆ្អឹងជាច្រើនទៀតដែលបានបាក់ទៅតាមដីចូលទៅក្នុងប្រឡាយទឹកដ៏វែងមួយនៅក្បែរនោះ។ អ៊ំ ហាក់ បានបន្តថាមានមនុស្សប្រហែលពី​២០០០០នាក់បានស្លាប់នៅទីតាំងសម្លាប់ខាងលិចវត្ត។

© មជ្ឈមណ្ឌលឯកសារកម្ពុជា