D119509

ការស្រាវជ្រាវនៅ ខេត្តបន្ទាយមានជ័យ

ខ្មែរ

កម្ពុជា​

១៩ សីហា ១៩៩៨​

បន្ទាយមានជ័យ ស្រុកសេរីសោភ័ណ្ឌ

DC-Cam/D119509 ២០មីនា ២០២៥

មជ្ឃមណ្ឌលឯកសារកម្ពុជា

DC-Cam/មជ្ឃមណ្ឌលឯកសារកម្ពុជា

២២ទំព័រ ឯកសារវាយដោយកុំព្យូទ័រ

១- ស្រុកសេរីសោភ័ណ
២- ស្រុកភ្នំស្រុក
​

ការចុះទៅស្រាវជ្រាវពីទីតាំងពិឃាដ​នៅខេត្តបន្ទាយមានជ័យដើម្បីប្រមូលព័ត៌មាន

ស្រុកសេរីសោភ័ណ

នាពេលនេះ ក្រុមអ្នកស្រាវជ្រាវយើងមិនបានជួបលោកអភិបាលស្រុកទេ ព្រោះ​គាត់ជាប់ រវល់​ចេញទៅខាងក្រៅ ដើម្បីទំនាក់ទំនងការងារផ្សេងៗ។ ​ក្រុមស្រាវ ជ្រាវ​បានធ្វើដំណើរត្រឡប់មកកាន់មន្ទីរព័ត៌មាន ស្រុកវិញ ។

នៅវេលាម៉ោង ១០:១៨នាទី នាថ្ងៃដដែល ក្រុមស្រាវជ្រាវយើងបានមកជួបជាមួយលោក បាល់ សំអឿន ជាប្រធានមន្ទីរព័ត៌មានស្រុកសេរីសោភ័ណ ។ ក្នុងពេលជួបជាមួយលោក បាល់ សំ អឿន ខោរ យើងក៏បានជួបជាមួយសហការីរបស់លោកចំនួនពីរនាក់ទៀត គឺលោក អ៊ុក សឿន ប្រធានផ្នែក ទូរទស្សន៍-វិទ្យុ និងលោក ស៊ី សុមិត្រ ជាប្រធានរដ្ឋបាល ។

លោកប្រធានមន្ទីរបានប្រាប់យើងថា ក្នុងស្រុកសេរីសោភ័ណនេះ មានទីតាំងសម្លាប់មួយធំជាង គេ គឺនៅតំបន់ចំការខ្មែរ ដែលស្ថិតនៅខាងជើងវត្តគីរីជុំ ចំការខ្មែរ និងភ្នំស្វាយ ។ តំបន់នេះស្ថិតនៅក្នុងភូមិអូរអំបិល ឃុំអូរអំបិល ស្រុកសេរីសោភ័ណ ខេត្តបន្ទាយមានជ័យ ។ លោកបានបន្តថា នៅទីនោះសព្វថ្ងៃនៅមានស្លាក ស្នាមបន្សល់ទុកដូចជារណ្ដៅធំៗ ដែលលុបមិនជិតជាដើម ។ កាល​ទើបតែរំដោះថ្មីៗ រណ្តៅដែលកប់សាកសព នេះ ត្រូវបានប្រជាជនក្នុងភូមិ ឃុំ ខាងលើ ជីកកកាយ និងឆែកឆេរខ្លួនរបស់សាកសពដើម្បីរកមាស និង គ្រឿងអលង្កាផ្សេងៗ ដែលធ្វើឲ្យសាកសពទាំងនោះ​លេចចេញក្រៅរណ្តៅ ព្រោះក្រោយពីឆែកឆេររួច ប្រជាជនទាំងនោះមិនបានកប់វិញទេ។ តាមប្រសាសន៍របស់លោក កាន់ ឈឿន ប្រាប់ទៅអ្នកយក ព័ត៌មានកាសែតរស្មីកម្ពុជា ហើយដែល​ឃុំ បានយកមកចុះផ្សាយនៅក្នុងទំព័រកាសែត​លេខ ៨១២៩ ចេញផ្សាយថ្ងៃអាទិត្យ-ច័ន្ទ ទី៥-៦ វិច្ឆិកា ឆ្នាំ២០០៦ ថាការគាស់រណ្តៅសាកសពនៅវាល ពិយោកចម្ការខ្មែរនេះ​ក៏បានការចូលរួមពីសំណាក់ប្រជាជនមួយចំនួនដែលស្នាក់នៅបណ្តោះអាសន្ននៅវត្ត សុភមង្គលដែរ ព្រោះថាជាការស្នើសុំរបស់ព្រះចៅអធិការវត្តសុភមង្គល់។ កាសែតដដែលបានបន្តថា សឿន និងប្រពន្ធឈ្មោះ បឿន ជាអ្នក​គាស់បានឆ្អឹងខ្មោចច្រើនជាងគេ។

© មជ្ឈមណ្ឌលឯកសារកម្ពុជា