​

D119510

របាយការណ៍ស្តីពីការចុះស្រាវជ្រាវទីតាំងគុក រណ្តៅសាកសព និងបទសម្ភាសន៍ជាមួយជនរងគ្រោះ ថ្ងៃ ២១-២៥/៦/១៩៩៩។

ខ្មែរ

កម្ពុជា​

២១/៦/១៩៩៩

ខេត្តបន្ទាយមានជ័យ

មជ្ឈមណ្ឌលឯកសារកម្ពុជា, D119510,​ ២០/៣/២០២៥

មជ្ឈមណ្ឌលឯកសារកម្ពុជា

ឯកសារវាយអង្គុលីលេខ និងសរសេរដោយដៃ មាន១៣ទំព័រ

-ការចុំជួបអាជ្ញាធរមូលដ្ឋាន-ការជួបសំភាសន៍ប្រជាជន-ការចុះទៅទីតាំងវាលពិឃាដន-ន

ការចុះស្រាវជ្រាវទីតាំងគុក រណ្តៅសាកសព និងបទសំភាសន៍ជាមួយជនរងគ្រោះ

ការស្រាវជ្រាវព័ត៌មានទីតាំងពីឃាដនៅខេត្តបន្ទាយមានជ័យ

របាយការណ៍ស្តីពីការ ចុះស្រាវជ្រាវពីទីតាំងគុក រណ្តៅសាកសព និងបទសំភាសន៍ជាមួយជនរងគ្រោះ ដែលធ្វើដោយមជ្ឈមណ្ឌលឯកសារកម្ពុជា នៅថ្ងៃទី២១-២៦/៦/១៩៩៩៩ នៅខេត្តបន្ទាយមានជ័យ។ បន្ទាប់ពីការចុះទំនាក់ទំនងជាមួយអាជ្ញាធរមូលដ្ឋានខេត្តបន្ទាយមានជ័យរួចមក ក្រុមការងារ មជ្ឈមណ្ឌលឯកសារកម្ពុជា បានចុះទៅតាមស្រុកថ្មពួក។ តាមការសំភាសន៍ជាមួយលោក ឯក សង្វាត ប្រជាជនភាគច្រើននៅទីនោះត្រូវបានពួកនីរតីសម្លាប់ ដោយយកតាមសាខាឃុំមួយៗ ចំនួន ៥-១០ គ្រួសារ ដោយប្រើល្បិចប្រាប់ថាទៅដាំកប្បាស បានហូបគ្រប់គ្រាន់ តែត្រូវបានសម្លាប់នៅបន្ទាយទាហានថ្មពួក និងនៅអណ្តូងជិតមន្ទីរសន្តិសុខ (បច្ចុប្បន្នអណ្តូងនៅជិតវិទ្យាល័យស្រុកថ្មពួក)។ នៅស្រុកថ្មពួក មានទីតាំងរណ្តៅ ៣កន្លែងគឺៈ ១-អណ្តូងស៊ែប ផេង, ២-នៅបន្ទាយទាហាន សព្វថ្ងៃជាកងពលធំលេខ ៧ មាន ៤រណ្តៅ។ ៣- ភូមិដែកកេះ ឃុំបន្ទាយឆ្មារ ស្រុកថ្មពួក មាន២រណ្តៅ នៅទីតាំងត្រពាំងសួង។ លោក អ៊ំស្វាងបានបញ្ជាក់ថា ទីតាំងសម្លាប់មាននៅគ្រប់ឃុំ ដូចជា ឃុំបន្ទាយឆ្មារ មាន ១០រណ្តៅ ហើយស្ថិតិប្រជានដែលបានសម្លាប់តាមឃុំមួយៗប្រហែល ៨ពាន់នាក់។ ឯកសារ និងភ័ស្តុតាងនានា ត្រូវបានខ្មែរក្រហមដុតចោលពេលចូលវាយលុកស្រុកថ្មពួកឆ្នាំ ១៩៨៥។ តាមការសាកសួរពីអ្នកស្រុកតំបន់នោះថានៅថ្ងៃទី ២២/៦/១៩៩៩ មានកូនស្តេចថៃឈ្មោះ សារិនថង អាយុ៤៦ឆ្នាំ មកត្រួតពិនិតភូមិសាស្ត្រប្រាសាទបន្ទាយឆ្មារ ប្រកបដោយអក្បកិរិយាឆ្មើងឆ្មៃសូម្បីសម្តេចព្រះរាម បុប្ផាទេវី ក៍មិនមានការថ្លែងអំណរគុណសូម្បីតែមួយម៉ាត់។ ឆ្នាំ ១៩៩០ ប្រាសាទនេះមិនទាន់មានការបាក់បែកខ្លាំងទេ ប៉ុន្តែបន្ទាប់ពីពួកទាហានគាស់ឬសគល់ប្រាសាទដើម្បីស្វែងរករូបចម្លាក់ក្បាលអ្នកតា ប្រាសាទត្រូវបាក់បែកជាបំណែកគំនរថ្ម ឯផ្ទាំងថ្មនេះពួកថៃឲ្យតម្លៃក្នុងមួយផ្ទាំង ៣-៤ពាន់បាត បើយកដល់ប្រទេសថៃ។ លោក សង្វាត បានប្រាប់ថា ពួកថៃបានលួចទឹកដីយើងនៅតំបន់បឹងត្រកួន ដោយបង្ខិតបង្គោលព្រំដែន «បង្គោលឡាក់» អស់ជាច្រើនគីឡូ។ ជាលទ្ធផល ការចុះស្រាវជ្រាវនៅខេត្តបន្ទាយមានជ័យ ទទួលបានលទ្ធផលតិចរួច ដោយសារក្រុមការងាបានចុះត្រឹមស្រុកថ្មពួក ឯស្រុកបន្ទាយអំពិលពុំបានចុះដោយសារស្រុកនេះស្ថិតក្រោមការគ្រប់គ្រងរបស់ខេត្តឧត្តរមានជ័យ ហើយសាក្សីជនរងគ្រោះដែលនៅជាប់មន្ទីរសន្តិសុខ គាត់ក៏នៅឆ្ងាយ ហើយក៏ពុំដឹងអាស័យដ្ឋានច្បាស់លាស់ដែរ។

© មជ្ឈមណ្ឌលឯកសារកម្ពុជា