| Data Info ព័ត៌មានទិន្នន័យ | |
|
Record ID :
លេខឯកសារ :
|
D119539
D119539
|
|
ចំណងជើងឯកសារ / សៀវភៅ :
|
បទសម្ភាសន៍ជាមួយលោក តេះ អេល អ្នកភូមិកោះផល ឃុំប៉ើស១ ស្រុកក្រូចឆ្មារ ខេត្តកំពង់ចាម។
|
|
ភាសាឯកសារ / សៀវភៅ :
|
ខ្មែរ
|
|
ទីតាំងបោះពុម្ពផ្សាយ :
|
កម្ពុជា
|
|
កាលបរិច្ឆេទឯកសារ :
|
១៣ វិច្ឆិកា ១៩៩៩
|
|
កូដទីតាំងភូមិសាស្ត្រ :
|
ភូមិកោះផល ឃុំបើស១ ស្រុកក្រូចឆ្មារ ខេត្តកំពង់ចាម
|
|
Cataloguing Date/Org :
អង្គភាពធ្វើបញ្ជីឯកសារ :
|
DC-Cam 20 March 2025
មជ្ឃមណ្ឌលឯកសារកម្ពុជា/ ២០មីនា ២០២៥
|
|
Location of Doc / Book :
ទីកន្លែងរក្សាទុកឯកសារ :
|
DC-Cam
មជ្ឃមណ្ឌលឯកសារកម្ពុជា
|
|
Physical Description :
ភិនភាគឯកសារ :
|
05 pages, Computer typing (Tx)
៥ទំព័រ ឯកសារវាយដោយកុំព្យូទ័រ
|
| កំណត់ចំណាំព័ត៌មាន | |
|
កំណត់សម្គាល់មាតិកា :
|
ការសម្ភាសន៍ជាមួយលោក តេះ អេល
|
| កំណត់ចំណាំកន្លែង | |
|
កំណត់សម្គាល់ទូទៅ :
|
ការសម្ភាសន៍ ជាមួយជនជាតិចាម។
|
| កំណត់ចំណាំឯកសារ | |
|
កំណត់សម្គាល់សេចក្ដីសង្ខេប :
|
ស- តើអ៊ុំឈ្មោះអីដែរ?
ឆ- ខ្ញុំឈ្មោះ តេ អែល អាយុ ៦៦ឆ្នាំ ។ ស- តើឆ្នាំ១៩៧៥-៧៩ ក្នុងជំនាន់ខ្មែរក្រហម តើអ៊ុំនៅឯណាដែរ? ឆ- នៅសួង ស្រុកត្បូងឃ្មុំ ខេត្តកំពង់ចាម ។ ស- តើនៅក្នុងនោះ ជំនាន់ អាពត គេហៅភូមិអីដែរ? ឆ- ខ្ញុំនៅច្រើនកន្លែងដែរ ។ ស- តើនៅកន្លែងណាខ្លះ? ឆ- ដំបូងនៅក្របីគៀក បន្ទាប់មកនៅចុងអូរ រួចជំលៀសទៅសួង ។ ស- តើភូមិអ៊ុំនៅជំនាន់អាពត គេហៅយ៉ាងម៉េច? ឆ- ខ្ញុំអត់ស្គាល់ ។ ស- ពេលគេជំលៀសចេញទៅ គេមានបង្ខំលោកអ៊ុំអោយធ្វើអ្វី? ឆ- ពេលនោះហៅទេ, គេជំលៀសទៅ ។ ស- តើពីណាជាអ្នកបញ្ជូនទៅ? ឆ- គឺគណៈឃុំ ។ ស- តើអ៊ុំមានស្គាល់ឈ្មោះទេ? ឆ- គណៈឃុំនោះ ឈ្មោះ តាម៉ិល ។ ស- ពេលមេឃុំមកដល់ តើមេឃុំគេប្រាប់យ៉ាងដូចម្តេចបានជាអ៊ុំចេញ? ឆ- គេប្រាប់អោយចេញទាំងអស់ ។ ស- តើគេប្រាប់អោយចេញទៅណាដែរ? ឆ- គេអោយចេញទៅនៅអំពិល, ចំការខ្នុរ រួច ៦ថ្ងៃ ទៀត គេបញ្ជូនអោយទៅនៅក្របីគ្រៀក ។ នៅក្របី គ្រៀកបានមួយឆ្នាំ គេបញ្ជូនឱ្យទៅនៅចុងអូរ នៅចុងអូរបានប៉ុន្មានខែ គេបញ្ជូនឱ្យទៅនៅសួងទៀត ។ ស- ពេលមេឃុំជំលៀស អ៊ុំចេញទៅនោះ៖ អ៊ុំចង់ចេញទេ? ឆ-មិនចង់ទេ តែអត់ហ៊ានទៅ បើគេជំលៀសហើយ ត្រូវតែទៅ បើមិនទៅគេចង មានតែប៉ុណ្ណឹង ។ ស- នៅក្នុងពេលជំលៀសទៅ គេអោយអ៊ុំធ្វើអ្វីខ្លះ? ឆ- មានតែដាំស្រូវ ភ្ជួររាស់ដី ។ ស- ពេលចុះទៅធ្វើស្រែ អ្នកណាប្រាប់អោយធ្វើ? 2- គណៈភូមិ ។ ស- មានស្គាល់ឈ្មោះទេ? ឆ- ឈ្មោះ៖ នុត តែស្លាប់ទៅហើយ ។ ស- ពេលជំលៀសទៅ អ៊ុំគ្មានជំរើសសោះ គេបង្ខំអោយទៅអញ្ចឹងតែម្តង? ឆ- បាទ មិនហ៊ានប្រកែក ។ ស- ពេលជំលៀសទៅ ៧៥-៧៩ អ៊ុំអត់មានធ្វើអ្វីបំរើអោយខ្មែរក្រហមឬទេ? - អត់មានធ្វើអីទេ គឺប្រជាជនធម្មតា ។ ស- អ៊ុំមានដែលគេធ្វើបាបយ៉ាងម៉េចទេ? ឆ- គេបង្ខំអោយយើងធ្វើការ ។ ស- មានដែលជួបប្រទះឃើញនឹងភ្នែកគេសម្លាប់មនុស្សទេ? ឆ- អត់ដែលឃើញផង ។ ស- នៅភូមិនេះ បន្ទាប់ពីបះបោរ គេជំលៀសប្រជាជនទាំងអស់ទេ? ឆ- ទាំងអស់អត់មានសល់ម្នាក់ទេ ដុតទាំងផ្ទះចោលទៀត ។ ស- អញ្ចឹង ម៉េចយើងដឹងថា រណ្តៅដែលគេសម្លាប់មនុស្សនេះ យកពីភូមិណាខ្លះ? ឆ- គេនៅក្បែរនេះគេឃើញ ពួកអ្នកធ្វើការនៅទីនេះ ដូចជាអ្នកនេសាទ ឃើញគេយកមនុស្សមកសម្លាប់ នៅទីនេះ ។ ស- អញ្ចឹងអ្នកដែលបានស្លាប់ក្នុងរណ្តៅនេះ មិនប្រាកដថាអ្នកនៅភូមិនេះទេ? ឆ- ខាងយើងខ្លះ ហើយក៏មានខាងភូមិគេខ្លះដែរ ។ ស- សុទ្ធតែចាម? ឆ- ចាម ខ្មែរជាមួយគ្នាទាំងអស់ហ្នឹងដាក់កាណូតមកពីពង្រអីមកទាំងកាណូតៗ។ កន្លែងនេះជាឃ្លាំងរបស់គេ ប៉ុន្តែឥឡូវបាក់ដីបាត់ឃ្លាំងអស់ទៅហើយ។ មានក្មេង១ឃ្វាលគោបាត់ហើយតាមមកទីនេះបាត់ទាំងមនុស្សទៀត។ឧបមថា មនុស្សនៅទីនេះច្រើនរាប់ពាន់នាក់អញ្ចឹងមិនអាចសម្លាប់ទាន់ទេក្នុងមួយយប់។ ជូនកាលក្នុងកាណូតវាចងដៃជើងហើយវារុញធ្លាក់ម្នាក់ហើយក៏តោងគ្នាទៅ ដល់ទៅតោងគ្នាធ្ងន់ពេក របូតដៃទៅ ក៏ទៅតែផ្ទាំង ។ ស- មានអ្នកណានៅរស់ ដូចជានេសាទត្រីទីនេះ ហើយបានឃើញផ្ទាល់? ឆ-ជួនកាលតានេះក៏ឃើញដែរ តែគ្រាន់តែឃើញរូបភាពនោះបន្តិច គាត់ក៏អត់ហ៊ានទៅក្បែរ ។ ស- អូងមាននៅចាំរឿងណាមួយ ដូចជាអាពតវាចាប់អ្នកណាម្នាក់មកសម្លាប់នៅកោះផលនេះទេ? ឆ- ច្រើនណាស់ ។ ស- សុំអូងនិយាយពីអ្នកណាមួយមើល? ឆ- បងប្អូនខ្ញុំក៏ជាប់ដែរ ។ ស- ឈ្មោះអ្វី? ឆ- ឈ្មោះជីម៉ាត់ ។ ស- គេចាប់នៅឆ្នាំណាដែរ? - ឆ្នាំ៧៥ ។ ស- គេយកមកសម្លាប់ក្នុងរណ្តៅនេះ? ឆ- មិនដឹងជាស្លាប់ត្រង់ណា គ្រាន់តែឃើញគេបញ្ជូនមកខាងនេះ ។ ស- និយាយអំពីអ្នកដែលគេសម្លាប់ក្នុងរណ្តៅ មានដឹងខ្លួនទេ? ឆ- អត់ដឹងទេ ។ ស- អ៊ុំសហករណ៍របស់អ៊ុំនៅស្រុកណាដែរ? ឆ- នៅក្របីគ្រៀក ក្នុងស្រុកក្រូចឆ្មារ ។ ស- នៅក្នុងសហករណ៍នោះ ការហូបចុកយ៉ាងម៉េចដែរ? ឆ- បើខាងបងប្អូនខ្មែរហូបយ៉ាងម៉េច យើងហូបអញ្ចឹង វាមិនសូវបង្ខំអោយហូបសាច់ជ្រូកទេ ។ ស- ការរស់នៅក្នុងភូមិខ្មែរ ឬ ភូមិចាម? ឆ- នៅភូមិខ្មែរ? ស- (ឮមិនច្បាស់)? ឆ- គេយកទៅដាក់នៅរកាខ្នុរ រួចគេរើសពីនោះមក ដើម្បីយកមកសម្លាប់នៅទីនេះ។ អាហ្នឹងមានខ្លះដែរ? ស- រើសពេលណា? ឆ- អត់ចាំទេ ។ ស- រណ្តៅទៅជិតនេះដែរទេ? ឆ-នៅជិតនេះ ឥឡូវនេះលុបបាត់អស់ហើយ ហើយក៏បាក់ច្រាំងទៀត តែមិនទាន់គាស់ទេ ។ ស- អូងសុំទោស នៅឆ្នាំ១៩៧០ ខាងណាកាន់កាប់? (គ្មានចំលើយច្បាស់លាស់) ស- ពេលដែលខ្មែរក្រហមចូលកាន់កាប់នេះភ្លាមៗ តើប្រជាជនយើងមានចូលធ្វើទាហានខ្មែរក្រហម ឬ ក៏ ស្រលាញ់ខ្មែរក្រហមដែរឬទេ? ឆ- អត់មានអ្នកចូលចិត្តទេ ។ ហើយមានតែខ្ញុំម្នាក់ទេ ដែលគេអោយធ្វើប្រធានភូមិ ក្រៅពីខ្ញុំ អត់មានអ្នក ណាទៀតទេ ។ ស- អូងមានប្រសាសន៍ពីដំបូងថា ពួកយុវជនគ្រាន់តែកាន់កាំបិតផ្គាក់ អត់មានតទល់ជាមួយវាទេ ដូច្នេះ ហេតុអ្វី ខ្មែរក្រហមមិនព្រមចូលមកភ្លាម ចាំបាញ់ពីខាងក្រៅធ្វើអ្វី? ឆ- បើមិនអញ្ចឹងវាចូលអត់បានទេ ។ អាខាងលើវាចេះតែបន្តក់មក ហើយខាងក្រោមវាចេះតែចូលមក ។ ស- អញ្ចឹង តើអ្នកភូមិយើង មានការពារភូមិទេ? ឆ- ការពារ ដល់ពេលចូលមកវាឃើញយើង វាបាញ់តែម្តង វាស្លាប់មកពីអញ្ចឹង ។ ស- បើសិនជាមានតុលាការ អ៊ុំហ៊ានឆ្លើយអញ្ចឹងទេ? ឆ- ហ៊ាន ស- អរគុណអ៊ុំច្រើន ។ |
|
Copyright :
|
© DC-Cam |
|
រក្សាសិទ្ធិដោយ :
|
© មជ្ឈមណ្ឌលឯកសារកម្ពុជា |