| Data Info ព័ត៌មានទិន្នន័យ | |
|
Record ID :
លេខឯកសារ :
|
D119537
D119537
|
|
ចំណងជើងឯកសារ / សៀវភៅ :
|
បទសម្ភាសន៍ជាមួយលោក ស្មាន កាជិ ភូឈួយហាកិម ភីមិទី៥ ភូមិស្វាយឃ្លាំង ស្រុកក្រូចឆ្មារ ខេត្តកំពង់ចាម។
|
|
ភាសាឯកសារ / សៀវភៅ :
|
ខ្មែរ
|
|
ទីតាំងបោះពុម្ពផ្សាយ :
|
កម្ពុជា
|
|
កាលបរិច្ឆេទឯកសារ :
|
១៣ វិច្ឆិកា ១៩៩៩
|
|
កូដទីតាំងភូមិសាស្ត្រ :
|
ភូមិទី៥ ឃុំស្វាយឃុំស្វាយឃ្លាំង ស្រុកក្រូចឆ្មារ ខេត្តកំពង់ចាម
|
|
អង្គភាពធ្វើបញ្ជីឯកសារ :
|
មជ្ឃមណ្ឌលឯកសារកម្ពុជា/ ២០មីនា ២០២៥
|
|
ទីកន្លែងរក្សាទុកឯកសារ :
|
មជ្ឃមណ្ឌលឯកសារកម្ពុជា
|
|
ភិនភាគឯកសារ :
|
៨ទំព័រ ឯកសារវាយដោយកុំព្យូទ័រ
|
| កំណត់ចំណាំព័ត៌មាន | |
|
កំណត់សម្គាល់មាតិកា :
|
បទសម្ភាសន៍ជាមួយលោកស្មានកាជិ ភូឈួយហាកិម
|
| កំណត់ចំណាំកន្លែង | |
|
កំណត់សម្គាល់ទូទៅ :
|
ការចុះស្រាវជ្រាវសាសនាមូស្លីម សម័យខ្មែរក្រហមក្នុងខេត្តកំពង់ចាម
|
| កំណត់ចំណាំឯកសារ | |
|
កំណត់សម្គាល់សេចក្ដីសង្ខេប :
|
ស- សូមសួររឿងវិហារយ៉ាងម៉េចដែរ ?
ឆ- វិហារនោះ៖ ក្រោយពីពួកខ្ញុំជំលៀសទៅនោះ៖ មិនដឹងជាវារុះនៅម៉ោងណាពេលណាខ្ញុំក្តាប់អត់បានទេ ព្រោះខ្ញុំ ចេញផុតហើយ ។ ស- នៅចុងឆ្នាំ ១៩៧៤ វិហារនៅឬទេ? ឆ-នៅ ស- អំពីស៊ូរ៉ាវមុនឆ្នាំ ១៩៧៥ មានប៉ុន្មាន? ឆ- ស៊ូរ៉ាវមានពីរ ហើយសាលារៀនមានពីរ ។ ស- ហើយក្រោយឆ្នាំ ១៩៧៩ ឃើញយ៉ាងម៉េចដែរ? ឆ- ក្រោយឆ្នាំ ១៩៧៩ ឃើញទទេ គ្មានអ្វីទេ ។ ស- កាលពីប្រជាជនយើងធ្វើការបះបោរ ពេលនោះអុំនៅទីនេះដែរឬអត់ទេ? ឆ- ខ្ញុំនៅទីនេះ ហើយអ្នកនៅទីនេះសុទ្ធតែជាមេបះបោរហ្នឹងហើយ ។ ស- កំលាំងបះបោរមានប៉ុន្មាននាក់? ឆ- ទាំងអស់គ្នា គឺនាំគ្នាបះបោរមួយភូមិតែម្តង ហើយមានអ្នកខ្សោយៗខ្លះពួនដែរ ។ ស- រាប់ឈ្មោះមេដឹកនាំ ៣-៤ នាក់ មើល ? ឆ- កាលនោះ មានមេប្រហែលជា ២០ នាក់ ហើយពួកយុវជនជាអ្នកចាប់ផ្តើមធ្វើការបះបោរនោះ ។ ស- អញ្ចឹងក្នុងឆ្នាំ ១៩៧៣-៧៤ អុំនៅទីនេះទេ ? ឆ- ទៅទីនេះរហូតដល់គេជំលៀសនៅឆ្នាំ ១៩៧៥ ។ ស- អុំបានចូលរួមក្នុងសកម្មភាពនោះទេ? ឆ- បាទ ចូលរួម ។ ស- ហេតុអ្វីបានជាធ្វើការបះបោរ ? ឆ- ដោយសារគោលការណ៍វាត្រូវចាប់មនុស្សបន្តទៀតជាង ៨០ នាក់ ដឹងថាវាចាប់ផ្តើមចាប់មនុស្សជាង ៨០នាក់ នេះហើយ ហើយម៉ោង ៦ ល្ងាច វាទើបតែចាប់បានពីរនាក់ យើងក៏ចាប់ផ្តើមបះបោរតែម្តង ។ ស- យើងដឹងដំណឹងនេះតាមរយៈអ្វីដែរ ? ឆ- បងប្អូនទាំងអស់ដែលដឹង អត់មានដឹងបន្តពីអ្នកណាទេ ។ ស- តើខ្មែរក្រហមចាប់បងប្អូនខ្មែរដែរឬអត់ទេ ? - អត់ទេ ចាប់តែចាម ។ ស- ឮថាចាប់នេះ ឮពីខាងណា ពីគណៈឃុំ ឬតំបន់ ? 2- ឮពីគណៈឃុំ ។ ស- មានស្គាល់ឈ្មោះគណៈឃុំនោះទេ? ឆ- ឈ្មោះដូចខ្ញុំអានអំបាញ់មិញនោះឯង ។ ស-ហើយចុះស្រុក ចៅហ្វាយស្រុក? ឆ- ខ្ញុំអត់មានស្គាល់ទេ ។ ការដែលវាចាប់មនុស្សនៅភូមិនេះ វាចាប់អ្នកណាដែលធូរធា មានកេរ្តិ៍ឈ្មោះ ដូចជាអ្នក មាន ឬក៏អ្នករាជការចាស់ៗពីដើមមក ខ្ញុំមិនដឹងជាហេតុផលអ្វីទេដែលគេចាប់ទៅនោះ ។ គោលការណ៍ដែលគេ ចាប់ជំនាន់នោះ គឺភូមិនេះហើយដែលវាចាប់ខ្លាំងជាងគេ បានជាមានការបះបោរនោះ ។ ស- កាលជំនាន់ ១៩៧៣-៧៤ អុំមានស្គាល់មេខ្មែរក្រហមទេដែលមកចាប់យើងនោះ ? ឆ- ឈ្មោះដូចខ្ញុំអានរួចនោះហើយ ប៉ុន្តែត្រង់មានបញ្ជារពីណាមក ខ្ញុំអត់ដឹងទេ ស-ឈ្មោះអ្វីដែរ? - មេនៅទីនេះឈ្មោះតាឡុង តាឡុងងាប់ហើយ ហើយបន្ទាប់មកអនុឃុំ តាយើង ងាប់ហើយដែរ បន្ទាប់មកតាញឹក ក៏ងាប់ហើយដែរ គឺអ្នកធ្វើការឃុំនេះងាប់អស់ហើយ ។ ស- ចុះអ្នកនៅរស់ ? ឆ- អ្នកនៅរស់គ្មានទេ ។ មានតែមេឃុំចាស់ដូចជាតាថុល ហើយតាប៉ែត នៅរស់ ។ ស- ចុះអ្នកដឹកនាំការចាប់នោះស្លាប់អស់ហើយឬនៅ? ឆ- ស្លាប់អស់ហើយ ។ ស- ពេលបះបោរមានភាពតស៊ូស្លាប់ប៉ុន្មាននាក់? ឆ- ខ្ញុំក្តាប់អត់បានទេ ប៉ុន្តែដឹងថាមានស្លាប់ខ្លះ យើងគ្មានសិទ្ធិចេញពីភូមិទេ ហើយដល់យើងចាញ់គេ គេក៏ជំលៀសអត់ហ៊ានងាកមើលខាងណាទេ ។ ស- ចុះកំលាំងអាពតមកពីខាងណាមក? ឆ- កំលាំងនិរតី ។ ស- ចុះខាងចាមយើងមានស្លាប់ច្រើនទេ? ឆ- ពេលនោះស្លាប់ច្រើន ។ ស- ខ្ញុំសុំបញ្ជាក់សួរម្តងទៀត តើមានមូលហេតុអ្វីផ្សេងទៀត ដែលពួកគេចាប់បងប្អូនចាមយើង? ឆ- ខ្ញុំអត់ដឹង គឺអត់ដឹងទាំងអស់គ្នាហ្នឹង ប៉ុន្តែគ្រាន់តែដឹងសភាពការណ៍ថា យប់នោះមានផែនការគេចាប់មនុស្សក្នុង ភូមិ រឿងនោះគឺដឹងតាមរយៈតាថុលនោះហើយដែលគាត់ប្រាប់ ប្រាប់ថាមានសភាពការណ៍អត់ល្អទេនៅយប់នោះ ។ ដូច្នេះ យើងវាយស្មានថា សភាពការណ៍នេះមិនធម្មតាទេ ហើយសភាពការណ៍មិនស្រួលជំនាន់នោះ ដូចដឹងស្រាប់ ហើយ ។ ផ្ទះបិទទ្វារទាំងអស់ គ្មានអ្នកណាហ៊ានយំ ស្រែកអ្វីទេ ដល់យប់ឡើងពន្លត់ចង្កៀង ចូលដេករៀងៗខ្លួន ។ ស- (ស្តាប់មិនច្បាស់)? ឆ- រឿងរ៉ាវនៃការចាប់នោះ ខ្ញុំមិនដឹងទាំងអស់ទេ ពេលនោះខ្លួនខ្ញុំផ្ទាល់គេចោទថា ខ្ញុំពាក់សក្តិ ៣ ស៊ីប្រាក់ខែ ៨ ០០០ រៀល ខ្ញុំមិនដឹងទទួលប្រាក់ខែនោះតាមរយៈណាទេ ខ្ញុំអត់ដឹងទេ នោះគឺជាការចោទប្រកាន់តែម្តង ។ អញ្ចឹងខ្ញុំនេះ មានតំលៃណាស់ ដែលរស់មកដល់សព្វថ្ងៃនេះ ។ ស- រាល់ការចាប់ខ្លួន តើមានអ្នកណាក្រៅពីគណៈឃុំទេ ដែលមកចាប់មនុស្សនោះ? ឆ- ខ្ញុំអត់ដឹង ។ ពួកគណៈឃុំនោះសុទ្ធតែមកពីនិរតី ឯយើងនៅភូមិនេះអត់មានដឹងអ្វីទេ ។ ស- ហេតុអ្វីបានជាដឹងថា ពួកនោះមកពីនិរតី ? ឆ- ព្រោះយើងមិនដែលស្គាល់គេពីមុនមកទេ បើអ្នកស្រុកនេះយើងស្គាល់អស់ហើយ ។ ស- អ្នកភូមិនេះជំលៀសចេញទាំងអស់ឬ? ឆ- ទាំងអស់អត់មានសល់ទេ ។ ពេលនោះ ម្នាក់ៗគិតតែពីប្រាស់យករួចខ្លួន បើអ្នកណាប្រាស់បានទៅក៏រួចខ្លួនទៅ បើមិនបានគឺស្លាប់ ។ ស- តំបន់នេះ គេហៅថាតំបន់អ្វីដែរ? ឆ-តំបន់ ២១ ។ ស- ក្រោយមក អ្នកណាជំលៀសមកនៅភូមិនេះវិញ ពេលយើងចេញអស់ទៅនោះ? ឆ- មិនដឹងជាគេជំលៀសពីណាមកទេ យកមកដាក់ទីនេះអត់មានចាមទេ សុទ្ធតែខ្មែរ ពួកយើងចេញអស់ទៅ គេជំលៀសខ្មែរមកដែរ ប៉ុន្តែជំលៀសពីណាពីណីមក យើងអត់ដឹងទេ ។ ឆ្នាំ ១៩៧៩ ពេលយើងត្រឡប់មកវិញ ពួកគេ មិនទាន់ចេញទេ យើងនិយាយសំរុះសំរួលគ្នាទៅ គេក៏ទៅវិញអស់ទៅ ។ ស- ពេលដែលគេជំលៀសទៅនោះ តើមានយកអ្វីទៅតាមដែរឬក៏អត់ទេ? ឆ- អត់ទេ មានតែមនុស្សទទេ ។ |
|
Copyright :
|
© DC-Cam |
|
រក្សាសិទ្ធិដោយ :
|
© មជ្ឈមណ្ឌលឯកសារកម្ពុជា |