Ieng Lan

បាត់ខ្លួន

ប្រុស

ជំនាន់ខែ្មរក្រហមអាយុ២១ឆ្នាំ

០៦០៥០៥១៣ ខេត្ដកំពង់ធំ ស្រុកប្រាសាទសំបូរ ឃុំតាំងក្រ

អង្គភាពយោធានៅក្នុងកងពល៣១០ ភ្នំពេញ។

មជ្ឈិម«១២»ភ្នំពេញ។

យោធា

ខេធីអាយ០០០៦ ២០០២១១១៤ ភូមិប្រឡាយ ឃុំតាំង ក្រសៅ ស្រុកប្រាសាទសំបូរ ខេត្តកំពង់ធំ។ សម្ភាសដោយៈ វ៉ាន់ថាន់ ពៅដារ៉ា។ កំណត់សំគាល់ៈ អៀង ឡន ស្លាប់។ ជួបសម្ភាសជាមួយបងស្រីឈ្មោះ អៀង មឿន។

អៀង ឡន ហៅ ណន ភេទប្រុស អាយុ២១ឆ្នាំបាត់ខ្លួន។ ជួបជាមួយឈ្មោះ អៀង មឿន អាយុ ៥៤ឆ្នាំត្រូវជាបងស្រី។ ឡន មានឪពុកឈ្មោះ អៀង នឹម ម្ដាយឈ្មោះ អ៊ឹម អ៊ុច មានបងប្អូនចំនួន ៧នាក់ មានស្រុកកំណើតនៅភូមិប្រឡាយ ឃុំតាំងក្រសៅ ស្រុកប្រាសាទសំបូរ ខេត្ដកំពង់ធំ។ ឡន កាលពីនៅតូចរៀនសូត្រ បានបន្ដិចបន្ដួចនៅក្នុងភូមិ ព្រោះឪពុកម្ដាយស្លាប់ចោលតាំងពីខ្លួន មិនទាន់ដឹងក្ដី ស្រួលបួរផង។ នៅឆ្នាំ១៩៧០ កើតមានរដ្ឋប្រហារ ទម្លាក់សមេ្ដចសីហនុនៅផ្ទះជួយធ្វើស្រែចម្ការរស់ នៅជាមួយ បងៗ។ បន្ទាប់មកទៀត មិនដឹងថា ឡន បានចូលធ្វើជាយោធា ខែ្មរក្រហមនៅក្នុងតំបន់ រំដោះតែមិនបានដឹងថៃ្ងខែឆ្នាំចូលទេ ព្រោះមិនបានយកចិត្ដទុកដាក់។ ឡន បានចេញពីផ្ទះជាមួយបង
ប្អូនបង្កើតពីរនាក់ផេ្សងទៀតបាត់ដំណឹងទាំងបីនាក់រហូតមក ដល់ពេលនេះ។ នៅឆ្នាំ១៩៧៩ បានដឹង ដំណឹងខ្លះៗពីអ្នក ភូមិផេ្សងថា ឡាន ស្គាល់ឈ្មោះ ឡន ហៅ ណន ថាអង្គការ ចាប់ខ្លួនយកទៅសម្លាប់ ចោលបាត់ហើយ ព្រោះ ឡន ជាកម្មាភិបាល។ បើតាមប្រវត្ដិរូប ឡន ហៅ ណន ធ្វើជាយោធា នៅ ក្នុងកងពល៣១០ ត្រូវអង្គការចាប់ខ្លួននៅភ្នំពេញ ថៃ្ងទី២២ខែ៩ឆ្នាំ១៩៧៦ យកមកដាក់គុកនៅទួល សែ្លង។

© មជ្ឈមណ្ឌលឯកសារកម្ពុជា