Un Sun Ret

KCI0526

លីម

បាត់ខ្លួន

ប្រុស

កើតនៅឆ្នាំ១៩៥៤

០៣១៣០៤០៤, ខេត្ដកំពង់ចាម ស្រុកពៃ្រឈរ ឃុំខ្វិតធំ ភូម

១៩៧០????

ស្ម័គ្រចិត្ដ

អង្គភាពយោធាភស្ដុភា ក្រុងកំពង់សោម។

កំពង់សោម

យោធា

ខេស៊ីអាយ០៥២៦ ២០០៣១០១៥ ភូមិតាង៉ាល ឃុំខ្វិតធំ ស្រុកពៃ្រឈរ ខេត្តកំពង់ចាម។ សម្ភាសដោយៈ ឡុង ដានី។ កំណត់សំគាល់ៈ អ៊ុន ស៊ុនរ៉េត ហៅលីម បាត់ខ្លួន។ ជួបជាមួយឈ្មោះ អ៊ុំ សារ៉េន អាយុ៤៩ឆ្នាំ ត្រូវជាប្អូនស្រី។

អ៊ុំស៊ុន រ៉េត ហៅ លីម បាត់ខ្លួន ជួបជាមួយឈ្មោះ អ៊ុំ សារ៉េន អាយុ៤៩ឆ្នាំ ត្រូវជាប្អូនស្រី។ រ៉េត មានឪពុកឈ្មោះ អ៊ុំ អ៊ុត ម្ដាយឈ្មោះ សៀ រឿន មានបងប្អូន៨នាក់ មាន ស្រុកកំណើត នៅភូមិតាង៉ាល ឃុំខ្វិតធំ ស្រុកពៃ្រឈរ ខេត្ដកំពង់ចាម។ រ៉េត កាលពីតូចរៀនបានត្រឹម ថ្នាក់ទី១០ឪចាស់ឱនៅសាលាបឋម សិក្សាពៃ្រទទឹង ឈប់រៀនដោយសារឪពុកស្លាប់នៅឆ្នាំ១៩៦៨។ រ៉េត សម្រចចិត្ដចេញរកការងារនៅស្រុកមេម៉ត់ ស៊ីឈ្នួល ចាក់ជ័រកៅស៊ូ នៅឆ្នាំ១៩៧០ កើតមានរដ្ឋ ប្រហារ ទម្លាក់ សមេ្ដចសីហនុ ពេលនោះមានកម្មករនិងប្រជាជនមួយចំនួនធ្វើ
បាតុកម្មសំដៅទៅទីក្រុង ភ្នំពេញ កាលនោះ រ៉េត បានចូលរួមដែរ តែកាលនោះប្រជាជនរងគ្រោះថ្នាក់ខ្លាំងណាស់ ព្រោះត្រូវ ទាហាន លន់ នល់ បាញ់បង្រ្កាាប។ រ៉េត បានត្រឡប់ភូមិកំណើតវិញ ហើយ
បានរៀនការប្រពន្ធឈ្មោះ ណារ៉ាន់ នៅស្រុកស្ទឹងត្រង់។ នៅក្នុងឆ្នាំ១៩៧០ដដែល រ៉េត ស្ម័គ្រចិត្ដចូលបដិវត្ដដោយសារតែ ខឹង និងរបប លន់ នល់។ រ៉េត បានចុះចោលប្រពន្ធកូនដើម្បីបដិវត្ដ ហើយបន្ទាប់មកចូលសមរភូមិមុខ វាយជាមួយទាហាន លន់ នល់ នៅពៃ្រទទឹង ស្គន់។ នៅឆ្នាំ១៩៧៣ ឃើញមករកប្រពន្ធនៅស្រុក ហើយមានឋានៈជាប្រធានវរសេនាតូច។ នៅឆ្នាំ១៩៧៥ ត្រឡប់មកស្រុកកំណើតវិញ ដើម្បីយក ប្រពន្ធនៅជាមួយ
ហើយបានប្រាប់ថា ពេលត្រឡប់ទៅភ្នំពេញវិញ អង្គការចាត់តាំងឱ្យទៅធ្វើយោធា ខាងភស្ដុភាក្រុងកំពង់សោម រួចហើយបាន
បាត់ដំណឹងរហូតទាំងគ្រួសារតែម្ដង។ សារ៉េន ជំនាន់ខែ្មរ ក្រហមអង្គការចាត់តាំងជាន់អង្ការមួយថៃ្ង១២តៅ កាលនោះ សារ៉េន មានកូនខ្លីផង ហើយហូបចុកមិន បានគ្រប់គ្រាន់ ថែមទាំងចាប់មនុស្សយកទៅសម្លាប់ចោលទៀត បងប្អូន សារ៉េន បួននាក់ត្រូវយោធា ខែ្មរក្រហមចាប់ចងដាក់រទេះសេះយកទៅ
បាត់។ នៅឆ្នាំ១៩៧៩ សារ៉េន បានរស់នៅជួបជុំគ្រួសារ វិញហើយប្រកបរបរធ្វើស្រែចម្ការ។

ធ្លាប់ឃើញយោធាខែ្មរក្រហមចាប់ចងមនុស្សដាក់លើរទេះសេះ។

© មជ្ឈមណ្ឌលឯកសារកម្ពុជា