Sun

KCI0529

អីង មុត

បាត់ខ្លួន

ប្រុស

កើតនៅឆ្នាំ១៩២៥

០៣១៣០១០៣, ខេត្ដកំពង់ចាម ស្រុកពៃ្រឈរ ឃុំបារាយណ៍ ភូម

១៩៦៣????

ស្ម័គ្រចិត្ដ

អង្គភាពស្រុកជីក្រែង។

តំបន់សៀមរាប ឧត្ដរមានជ័យ, ១០៦, ស្រុកជីក្រែង។

គណស្រុកជីក្រែង

សុទ្ធ, ប្រធានភូមិភាគ។

អាន, កងការពារ។

ខេស៊ីអាយ០៥២៩ ២០០៣១០០៩ ភូមិត្រពាំងបេង ឃុំបារា យណ៍ ស្រុកពៃ្រឈរ ខេត្តកំពង់ចាម។ សម្ភាសដោយ សុខ វណ្ណៈ។ កំណត់សំគាល់ៈ ស៊ុន ហៅ មុត បាត់ខ្លួន ជួបជាមួយឈ្មោះ ណុប ម៉ៃ ត្រូវជាកូនប្រុស។

អីង មុត ហៅ ស៊ុន បាត់ខ្លួន ជួបជាមួយឈ្មោះ ណុប ម៉ៃ អាយុ៣៧ឆ្នាំ ត្រូវ ជាកូនប្រុស។ មុត មានឪពុកឈ្មោះ ណុប ម្ដាយឈ្មោះ ផើ មានបងប្អូន៨នាក់ប្រុស៣ស្រី៥ មាន ស្រុក កំណើតនៅភូមិគោកងន ឃុំជៃ្រវៀន ស្រុកពៃ្រឈរ ខេត្ដកំពង់ចាម។ មុត មានប្រពន្ធ ឈ្មោះ យឿន ហៅ រ៉េត មានកូនបីនាក់។ ម៉ៃ មិនបានដឹងថា ឪពុករៀនសូត្រដល់ថ្នាក់ណាទេ ហើយក៏មិន បានដឹងថា ឪពុកចូលចលនាបដិវត្ដចាប់ពីពេល ណាមកដែរ។ គ្រាន់តែដឹងថា មុនឆ្នាំ១៩៧៥ ឪពុកខ្ញុំ បានធ្វើ ជាគណៈស្រុកកងមាស ខេត្ដកំពង់ចាម។ នៅឆ្នាំ១៩៧៣ អង្គការឱ្យមកខាងខេត្ដសៀមរាប មានតួនាទីជាសមាជិកតំបន់១០៦ស្រុក គូលែន។ នៅឆ្នាំ១៩៧៥ ជាគណៈតំបន់ស្រុកជីក្រែង ម៉ៃ ដឹងថា មិនជាឆ្នាំប៉ុន្មានទេ ដឹងថា ខាងភូមិភាគនិរតីចូលមកដល់ មាន សភាពជ្រួលច្របល់កាប់សម្លាប់ មនុស្ស រួចហើយឪពុកឈ្មោះ មុត អង្គការហៅទៅសន្និបាតនៅខេត្ដសៀមរាប ស្រាបតែបាត់ដំណឹង តែម្ដង អ្នកមកហៅឈ្មោះ អាន។ រួច ហើយអង្គការបានមក ចាប់យកម្ដាយ ម៉ៃ ទៅទៀត កុំតែបាន កងការពារស្រុកឈ្មោះ សឿន អាណិត ពួកខ្ញុំនៅតូចៗក៏យកពួកខ្ញុំទៅលាក់នៅ សហករណ៍លង្វែងឫស្សី ពេលជិះឡានមកតាមផ្លូវជួបជាមួយ យោធាឱ្យ ឈប់រួចផ្ជុងកាំភ្លើង ពេលនោះកងកាពាររបស់ឪពុកខ្ញុំ ឈ្មោះ សឿន សុំធានាសរសេរសំបុត្រមួយច្បាប់ឱ្យប្រធានភូមិ ភាគតំបន់១០៦ ឈ្មោះ តា សុទ្ធ យល់ ព្រមទុកជិវិត្ដឱ្យពួកខ្ញុំ ព្រមទាំងបងជីដូនមួយឈ្មោះ រ៉េត និឈ្មោះ រ៉ាត ពេលទៅដល់ មូលដ្ឋានមាន ប្រជាជនមូលដ្ឋានអាណិតជួយលាក់បន្ដ ពួកខាង និរតីសួររករហូតតែរកមិនឃើញ ក្រោយមកបាន ដឹងថា សឿន ជាកងកាពារឪពុករបស់ខ្ញុំសុខចិត្ដលះបង់ជីវិតដើម្បីពួកខ្ញុំ តែក្រោយមកត្រូវខាងនិរតី ចាប់ដាក់បាវហើយយក សាំងចាក់ដុតសម្លាប់ចោល។ ម៉ៃ ពេលបានមកដល់សហករណ៍ អង្គការចាត់ តាំងឱ្យកាប់កន្រ្ទាំងខែត កើបអាចម៌គោយកធ្វើ ជីដាក់ស្រែនៅកងចល័តកុមារ។ នៅឆ្នាំ១៩៧៩ បានឮ កាំភ្លើង
បាញ់ផោងផាំងចូលដល់ទីរួមខេត្ដសៀមរាប។ ឃើញកងទ័ព វៀតណាមដើរពេញផ្លូវ ម៉ៃ មិន បានរត់ទៅណាទេ គឺសម្ងំនៅ ក្នុងភូមិរហូតដល់ស្ងាត់លែងមានកាំភ្លើងបាញ់ទៀត បានបីថៃ្ង ម៉ៃ រួមទាំង បងប្អូននិងបងជីដូនមួយឈ្មោះ រ៉េន ឈ្មោះ រ៉ាត បាននាំ គ្នាមកស្រុកកំណើតវិញ ប្រកបរបរធ្វើស្រែ ចម្ការ។

ដឹងថា ជំនាន់ខែ្មរក្រហមសម្លាប់មនុស្សសាហាវណាស់។

© មជ្ឈមណ្ឌលឯកសារកម្ពុជា