Interrogation Record Of Sin Chhuon Aka Troeung Aka Choeun, Svay yea Village, Sray Yea Commune, Meanchey Thmey District, Sray Rieng Province

D01277

សេចក្ដីកត់ហេតុសួរចម្លើយ ស៊ិន ឈួន ហៅ គឿន ហៅ ជឿន។

ភាសាខ្មែរ

កម្ពុជា

១១ កញ្ញា ១៩៧៦

មជ្ឈមណ្ឌលឯកសារកម្ពុជា

ឯកសារសរសេរដោយដៃ មានចំនួន ១១ទំព័រទំព័រ

ឯកសារសរសេរដោយដៃ-ថតចម្លង

ទួលស្លែង

ឡេត, ភី, ហ៊ន, ម៉ៅ, សាវឿន

ឡេត, ភី, ហ៊ន, ម៉ៅ, សាវឿន

ស៊ិន ឈួន

- សេចក្តីកត់ហេតុសួចម្លើយ

ថ្ងៃទី១១ ខែកញ្ញា ១៩៧៦ វេលាម៉ោង១០ ខ្វះ១៥នាទីថ្ងៃ ស្ថិតនៅចំពោះមុខពេលសួរមាន សមមិត្ត ភី និងសមមិត្ត ឡេត ប្រធានពេលសួរ និងកត់ត្រា សមមិត្ត ហ៊ន អនុពេលសួរ សមមិត្ត ម៉ៅ និង សាវឿន អ្នកការពារ បានយកជនក្បត់បដិវត្តមួយរូបមកសួរចម្លើយឈ្មោះ ស៊ិន ឈួន អាយុ៣៧ឆ្នាំ ភេទប្រុស ជាតិខ្មែរ ទីលំនៅភូមិស្វាយយា ឃុំស្វាយយា ស្រុកមានជ័យថ្មី ខេត្ដស្វាយរៀង បច្ចុប្បន្ននៅអង្គភាពយោធាតំបន់២៤ កំរិតវប្បធម៌ថ្នាក់ទី៧។ មានបងប្អូន៤នាក់ ប្រុស៣នាក់ ស្រី១នាក់ ប្រពន្ធឈ្មោះ អ៊ុច ឡេង អាយុ ៣២ឆ្នាំ មានកូន៦នាក់ ប្រុស៤នាក់ ស្រី២នាក់។ ឆ្នាំ១៩៥៩ ដល់១៩៦០ ស៊ិន ឈួន មករៀននៅភ្នំពេញ ស្នាក់នៅផ្ទះឪពុកមាឈ្មោះ កែវ មាស គាត់ជាប់ឆាកតស៊ូនយោបាយសម្ងាត់នៅក្រុងភ្នំពេញ ពេលស្នាក់នៅផ្ទះឪពុកមាខ្ញុំបានជួប បងម៉ែន លេខាតំបន់២៤, បងធុច អនុលេខាតំបន់២៣ និងបងឆាយ ជាប្រជាជន។ ស៊ិន ឈួន ចូលបក្ស ខែតុលា ឆ្នាំ១៩៧០ អ្នកឧទ្ទេសនាម ឈ្មោះ ម៉ែន យន់, ចក្រី ក្រោមអធិបតីបងម៉ែន។ ឆ្នាំ១៩៧០ បានឡើងជាប្រធានសេដ្ឋកិច្ចយោធាកងវរៈសេនាធំលេខ៣ មកទល់ឆ្នាំ១៩៧២ ទទួលតំណែងអនុប្រធាននយោបាយកងវរៈសេនសទូចលេខ១។ ឆ្នាំ១៩៧៣ ទទួលតំណែងជាប្រធានស្នងការនយោបាយវរៈសេនាតូចលេខ១ មកទល់ដើមឆ្នាំ១៩៧៥ ឡើងទៅកាន់ប្រធានស្នងការនយោបាយ ‘ង’ ១២៥ មកទល់សព្វថ្ងៃ។ សកម្មភាពកន្លងមក ខ្ញុំដើរឃោសនាក្នុងចំណោមគណៈបញ្ជាការ ‘ឃ’ ឱយយកចិត្តទុកដាក់បន្ថយការងារយុទ្ធជន និងកម្មាភិបាលកុំឱយធ្វើការងារពេក ត្រូវអនុញ្ញាតិឱយបងប្អូនទៅលេងផ្ទះខ្លះផង កុំតឹងតែងពេក។ គន្លងមកខ្ញុំបានទាក់ទងវៀតណាមឱយគេជួយអាវុធ និងគ្រាប់រំសេវ ដើម្បីត្រៀមរាល់សភាពការណ៍ដែលកើតឡើង។ ពេលដែលទៅជួបវៀតណាមមានគ្នា៥នាក់ឈ្មោះ សីលា, វិន, ឈឹម, ឈន និងរូមខ្ញុំបាទ។ ផែនការណ៍ដែលបានលើកឡើងបំរុងវាយមកលើបក្សវិញ គឹវ៉ៃនៅក្នុងខែមេសា ១៩៧៦ កន្លងទៅនេះ បែកការណ៍មកពីមូលហេតុដោយបក្សចាប់ឈ្មោះ ចក្រី, ភួន និងឈ្មោះ សុផាន នេះបាន បណ្តាលឱយអាក់ក្នុងការវ៉ៃនេះ។

© មជ្ឈមណ្ឌលឯកសារកម្ពុជា