Korng Pheap

KPI0044

បាត់ខ្លួន

០៧០៣០៦០៥ ខេត្ដកំពត ស្រុកឈូក ឃុំក្រាំងស្បូវ ភូមិមន

ត្រូវគេហៅចូលធ្វើបដិវត្ដន៍

១២?????? ភ្នំពេញ ១៩៧៧????

ពេទ្យ ឆ្នាំ១៩៧៧

ខេភីអាយ០០៤៤ ២០០៤០៦១៩ នៅភូមិមន ឃុំក្រាំងស្បូវ ស្រុកឈូក ខេត្តកំពត។ សម្ភាសដោយៈ ឡុង ដានី។ កំណត់ សំគាល់ៈ ម្ចាស់ប្រវត្តិរូបបាត់ខ្លួន។ សម្ភាសជាមួយ ញ៉ែត ខន ជាម្តាយ អាយុ៦៥ឆ្នាំ។ គាត់ប្រាប់ថា ភាព គឺជាកូនទី១។ តំបូង ភាព ធ្វើកងចល័តនៅកោះស្លា។ ក្រោយមកឆ្នាំ១៩៧៧ ភាព ត្រូវបាន គេហៅភ្នំពេញដើម្បីធ្វើពេទ្យ។ ចាប់តាំងពីពេល នោះមក ភាព បាត់ខ្លួនរហូត។

គង ភាព ភេទស្រី កើតឆ្នាំកុរ ជួបសំភាសន៍ជាមួយម្ដាយ ញ៉ែត ខន អាយុ៦៥ឆ្នាំ រស់នៅភូមិមន ឃុំក្រាំងស្បូវ ស្រុកឈូក ខេត្ដកំពត។ ភាព មានឪពុកឈ្មោះ គង់ គិត និងមានបងប្អូន៧នាក់ ស្រី៦នាក់ និងប្រុស១នាក់ ហើយ ភាព ជាបងគេបង្អស់។ ភាព មិនបានរៀនទេព្រោះតែមាន សង្គ្រាម ហើយចេញទៅកងចល័តនៅកោះស្លា។ មុននឹងចេញទៅធ្វើជាពេទ្យនៅភ្នំពេញ ភាព ធ្លាប់មកលេងផ្ទះបានម្ដង ហើយក៏បាត់ដំណឹងរបស់ភាពមកដល់សព្វថៃ្ង។ ចំណែកខន គេឱ្យនៅធើ្វជី ធ្វើស្រែ និងរស់នៅជាមួយកូនដែលតូចៗ ព្រោះកូនធំៗទៅតាមកង មិនបានរស់នៅជុំគ្នាទេ។ ហើយប្ដីរបស់គាត់ក៏ធ្វើការជិតៗគ្នាដែរ ដល់យប់ឡើងមកសំរាកជុំគ្នា។ ប្រធានភូមិរបស់ខន ឈ្មោះ ពឿន ចំណែកគណៈឃុំឈ្មោះ តាឃូវ។ ខន ធ្លាប់ឃើញអ្នកដែលធ្វើការមិនកើតគេចាប់។ នៅពេល ដែលវៀតណាមចូល ខន និងក្រុមគ្រួសារបានរត់ចេញពីភូមិព្រោះតែខ្លាចវៀតណាម ហើយក៏បែក ជាមួយប្ដីនៅភ្នំលះបង់ ហើយក៏មិនឃើញប្ដីត្រឡប់មកវិញទេ។ នៅពេលដែលរំលឹកដល់ជីវិតរបស់ ខន ដែលឆ្លងកាត់របបខែ្មរក្រហម ធ្វើឱ្យខន នឹកដល់គ្រួសារដែលបាត់បង់ ពិបាកវេទនាគ្មានសង្ឃឹមថាបាន សុខសាន្ដដូចសព្វថៃ្ង។ ចំពោះអាហារហូបចុកគឺមិនគ្រប់គ្រាន់ទេ ហូបតែបបរហើយក៏គ្មានផ្ទះត្រឹមត្រូវ ដែរ មានតែកូនខ្ទមមួយស្ពាយតាមខ្លួនពេលដែលផ្លាស់ទីកនែ្លងធ្វើការ។ បើសិនជាក្រុមគ្រួសារនិងកូន នៅរស់ជីវភាពរបស់ខន អាចប្រសើរជាងហ្នឹង។

© មជ្ឈមណ្ឌលឯកសារកម្ពុជា