Ke Khan

រ៉ន

បាត់ខ្លួន

ប្រុស

កើតឆ្នាំ១៩៥៥។

០៦០៨០៣០៤ ខេត្ដកំពង់ធំ ស្រុកស្ទោង ឃុំចំណារលើ ភូមិខ្

១៩៧៤????

ស្ម័គ្រចិត្ដ

អង្គភាពយោធា មជ្ឈិម ភ្នំពេញ។

មជ្ឈិម«១២»ភ្នំពេញ។

យោធា

ខេធីអាយ០១១៧ ២០០៣០១២០ ភូមិខ្មាក់ ឃុំចំណារលើ ស្រុកស្ទោង ខេត្តកំពង់ធំ សម្ភាសដោយៈ វ៉ាន់ថាន់ ពៅដារ៉ា និង ស៊ិន ឃិន កំណត់សំគាល់ៈ កែ ខន ហៅ រ៉ន បាត់ខ្លួន។ ជួបសម្ភាសជាមួយបងប្រុស ឈ្មោះ ថេង ប៉ន ដែលធ្លាប់ចូលបំរើបដិវត្តន៍ជាមួយ ឈ្មោះ កែ ខន ដែរ

កែ ខន ហៅ រ៉ន ភេទប្រុស កើតឆ្នាំ១៩៥៥បាត់ខ្លួន។ ជួបជា មួយឈ្មោះ ថេង ប៉ន អាយុ៥០ឆ្នាំ ត្រូវជាបងប្រុស។ ខន មានឪពុកឈ្មោះ ថេង ម្ដាយឈ្មោះ វ៉ាត់ មានបងប្អូន៥នាក់ មានស្រុក កំណើតនៅភូមិខ្មាក់ ឃុំចំណាលើ ស្រុកស្ទោង ខេត្ដកំពង់ធំ។ ខន នៅពេលធំដឹងក្ដីល្មមចូលសាលារៀន ឪពុកម្ដាយបញ្ជូនឱ្យទៅរៀននៅវត្ដលោក។ នៅឆ្នាំ១៩៧០ កើតមានរដ្ឋប្រហារក៏ត្រឡប់មករស់នៅជា មួយឪពុកម្ដាយ ដើម្បីជួយធ្វើស្រែចម្ការ។ ក្រោយរដ្ឋប្រហារភូមិឃុំនេះក៏ក្លាយជា តំបន់រំដោះ មាន កម្លាំងចលនាខែ្មរក្រហមចេញចូលពេញភូមិ ខាងទាហានលន់ នល់ មិនអាចចូលមកបានទេ ប្រជាជន គាំទ្រចលនាខែ្មរក្រហមក្នុងពៃ្រ។ នៅឆ្នាំ១៩៧៤ ខន បានស្ម័គ្រចិត្ដចូលបម្រើចលនាខែ្មរក្រហមធ្វើជា យោធានៅ ភូមិភាគឧត្ដរ។ ខន ពេលចេញទៅមិនដែលបានមកលេងស្រុក កំណើតវិញទេ មិនដឹងជាអង្គ ការបញ្ជូនទៅសមរភូមិណាខ្លះទេ។ នៅឆ្នាំ១៩៧៥ កម្លាំងយោធាខែ្មរក្រហមបានវាយឈ្នះកម្លាំង ទាហានលន់ នល់។ នៅពេលរបបខែ្មរក្រហមឡើងកាន់អំណាច ក៏មិនឃើញឈ្មោះ ខន ត្រឡប់មកលេង ស្រុកកំណើតវិញដែរ។ ប៉ន ត្រូវជាបងប្រុសរបស់ ឈ្មោះ ខន ធ្លាប់ធ្វើជាយោធាខែ្មរ ក្រហមតាំងពី ឆ្នាំ១៩៧០ នៅក្នុងសមរភូមិប្រយុទ្ធជាមួយ ទាហានលន់ នល់ ក៏មិនដែលបានជួបប្អូនដែរ។ នៅឆ្នាំ១៩ ៧៦ បានដឹងថា ប្អូនឈ្មោះ ខន ធ្វើជាយោធានៅភ្នំពេញ ជាយោធារបស់មជ្ឈិម។ នៅឆ្នាំ១៩៧៩ ពេលរបបខែ្មរក្រហម ដួលរំលំក៏បាត់ដំណឹងប្អូនឈ្មោះ ខន នេះរហូតមកដល់សព្វថៃ្ងនេះ។

© មជ្ឈមណ្ឌលឯកសារកម្ពុជា