Pao Kakk

បាត់ខ្លួន

ប្រុស

ជំនាន់ខែ្មរក្រហមអាយុ១៧ឆ្នាំ។

០៥០៨០៤០៥ ខេត្ដកំពង់ស្ពឺ ស្រុកថ្ពង ឃុំប្រាំបីមុំ ភូ

១៩៧៤????

ស្ម័គ្រចិត្ដ

អង្គភាពយោធាការពារអ្នកទោសនៅមន្ទីរស២១។

មជ្ឈិម«១២»ភ្នំពេញ។

យោធា

ខេអេសអាយ០០១១ ២០០១០៨១៦ ភូមិត្រពាំងត្រោក ឃុំប្រាំបីមុំ ស្រុកថ្ពង ខេត្តកំពង់ស្ពឺ។ សម្ភាសដោយ វ៉ាន់ថាន់ ពៅដារ៉ា។ កំណត់សំគាល់ៈ ប៉ៅ កាក់ បាត់ខ្លួន។ ជួបជាមួយ ប៊ុត សៃ ភេទ ស្រី អាយុ ៤២ ឆ្នាំ ត្រូចជាបងជីដូនមួយ។

ប៉ៅ កាក់ ភេទប្រុស អាយុ១៧ឆ្នាំ បាត់ខ្លួន។ ជួបជាមួយឈ្មោះ ប៊ុត សៃ អាយុ៤២ឆ្នាំ ត្រូវជាបងប្អូនជីដូន មួយ។ កាក់ មានឪពុកឈ្មោះ ប៉ៅ ជីម ម្ដាយឈ្មោះ លីម មានបងប្អូន៤នាក់ មានស្រុកកំណើតនៅភូមិ ត្រពាំងត្រោក ឃុំប្រាំបីមុំ ស្រុកថ្ពង ខេត្ដកំពង់ស្ពឺ។ កាក់ កាលតូចឪពុកម្ដាយបញ្ជូនឱ្យទៅនៅ វត្ដតាំងពោធិ នៅជាមួយព្រះសង្ឃព្រះនាម សុខ។ នៅឆ្នាំ១៩៧០ ប្រទេសជាតិកើតមានរដ្ឋប្រហារទម្លាក់សមេ្ដចសីហនុ ពេលនោះ សង្គ្រាមក៏ចាប់កើតមានឡើងរវាងកម្លាំងខែ្មរក្រហមក្នុងពៃ្រនិងទាហានលោកលន់ នល់។ បន្ទាប់មក មានយន្ដហោះទម្លាក់គ្រាប់បែក ធ្វើឱ្យប្រជាជនកេ្ដៅក្រហាយនិងទាហានលន់ នល់។ នៅឆ្នាំ១៩៧៤ កាក់ បានអង្គ ការជ្រើសរើសឱ្យចូលបម្រើចលនាខែ្មរក្រហម មិនបានប្រកែកទេ មានទឹកចិត្ដចូលបម្រើចលនាខែ្មរក្រហមដែរ។ កាលនោះមិនបានដឹងថា អង្គការបញ្ជូនទៅណាទេ តែមាន យោធាខែ្មរក្រហមជាកូនចៅអ្នកភូមិម្នាក់មកលេងផ្ទះ ហើយបានសួរថា ម៉េច បានជា កាក់ មិនមកលេង ផ្ទះតាំងពីចូលទៅមិនឃើញមកសោះ ពេលនោះយោធាខែ្មរ ក្រហមបានប្រាប់វិញថា កាក់ មិនអាចមកបានទេ ព្រោះនៅមន្ទីរតាឌុច យាមអ្នកទោសអង្គការមិនឱ្យមកទេ ព្រោះខ្លាចបែកការណ៍។ បើតាមមីងឈ្មោះ សៃ រៀបរាប់ឱ្យដឹងថា មន្ទីរតាឌុច កើតមានតាំងពីឆ្នាំ១៩៧២ ជាកនែ្លងសម្លាប់មនុស្សសាហាវណាស់។ នៅឆ្នាំ១៩៧៤ មានទឹកជំនន់ធ្វើឱ្យស្លាប់អ្នកទោសរាប់រយនាក់ ព្រោះ អ្នកទោសសុទ្ធជាប់ខ្នោះឃើញហើយដាក់នៅក្នុងរណ្ដៅថែមទៀត។ នៅឆ្នាំ១៩៧៥ ពេលរបបខែ្មរក្រហមឡើង កាន់អំណាចក៏មិន ឃើញឈ្មោះ កាក់ ត្រឡប់មកស្រុកកំណើតវិញដែរ បាត់រហូត ដល់ពេលនេះ។ បើតាម ប្រវត្ដិរូប នៅឆ្នាំ១៩៧៥ ប៉ៅ កាក់ អង្គការចាត់តាំងឱ្យមកធ្វើការនៅមន្ទីរស២១ទួលសែ្លង។

© មជ្ឈមណ្ឌលឯកសារកម្ពុជា