Cheng

PVI0024

យ៉េង

បាត់ខ្លួន

ប្រុស

កើតឆ្នាំ១៩៣៩។

១៤០១០៩១៣, ខេត្ដពៃ្រវែង ស្រុកបាភ្នំ ឃុំធាយ ភូមិទ័ពស

១៩៧០????

ស្ម័គ្រចិត្ដ

អង្គភាពស្រុក បាភ្នំ។

ភូមិភាគបូព៌ា«២០៣» តំបន់២៤។

ជាគណៈស្រុកបាភ្នំ។

សោ ភឹម, ឈូក។

ភីវីអាយ០០២៤ ២០០៥០៦២៥, ភូមិទ័ពសេ្តច ឃុំធាយ ស្រុកបាភ្នំ ខេត្តពៃ្រវែង។ សម្ភាសដោយ ផាន់ សុជា។ កំណត់សម្គាល់ៈ ជួបជាមួយ អ៊ូ ញ័រ ភេទស្រី អាយុ៥៣ឆ្នាំ ត្រូវជាប្អូនស្រី និង អ៊ូ អ៊ុន ភេទស្រី អាយុ៦០ឆ្នាំ ត្រូវជា ប្អូនស្រី។

ចេង ហៅ យ៉េង ភេទប្រុសកើតឆ្នាំ១៩៣៩ បាត់ខ្លួន។ ជួបជាមួយឈ្មោះអ៊ូ ញ៉រ អាយុ៥៣ឆ្នាំ និងឈ្មោះ អ៊ូ អ៊ុន អាយុ ៦០ឆ្នាំ ត្រូវជាប្អូនស្រី។ ចេង មានឪពុកឈ្មោះ អ៊ូ ជុំ ម្ដាយឈ្មោះ យ៉ង មានបងប្អូន៧នាក់ មានស្រុកកំណើតនៅភូមិទ័ពសេ្ដច ឃុំធាយ ស្រុកបាភ្នំ ខេត្ដពៃ្រវែង។ ចេង ធ្លាប់រៀនសូត្រនៅសាលាបឋម សិក្សាទ័ពសេ្ដចចប់ បានរៀនបន្ដនៅវិទ្យាល័យកំពង់ចាម រួមបានទៅប្រឡងឌីប្លូមនៅភ្នំពេញ។ រួចរៀនបន្ដត្រឹម ថ្នាក់ទី៣ឪទំនើបឱ។ ចេង បានប្រឡងចូលធ្វើជាក្រូបង្រៀនជាប់ ពេលចេញបង្រៀនដំបូង បង្រៀនកូនសិស្ស បឋមសិក្សាកន្ទួត ខាងត្បូងភ្នំពេញបានរយៈពេលមួយឆ្នាំ។ នៅឆ្នាំ១៩៦៩ ចេង បានរៀបការប្រពន្ធឈ្មោះ រ៉េត។ នៅឆ្នាំ១៩៧០ កើតមាន រដ្ឋប្រហារទម្លាក់សមេ្ដចសីហនុ ចេង និងប្រពន្ធត្រឡប់មក រស់នៅស្រុកកំណើត វិញ ព្រោះសាលារៀនមួយចំនួនត្រូវបាន បិទទ្វារ។ ចេង បានមកធ្វើស្រែចម្ការនៅស្រុកកំណើត ពេលនោះមាន យន្ដហោះទម្លាក់គ្រាប់បែកខ្លាំងពេក ធ្វើឱ្យគាត់មាន កំហឹងឈឺចាប់។ នៅឆ្នាំ១៩៧០ ហ្នឹងដដែល ចេង បាន ស្ម័គ្រចិត្ដ ចូលបម្រើចលនាខែ្មរក្រហម ព្រោះខឹងនិងទាហានលន់ នល់ ទម្លាក់គ្រាប់បែក កាលនោះមានកងទ័ពយួន ចូលពេញភូមិមានទាំង យួនធីវគី មានទាំងយួនយៀកកុង។ ចេង មានវ័យប្រហែល ជាអាយុ៤០ឆ្នាំហើយ គាត់ បានចុះចោលប្រពន្ធគាត់ឱ្យរស់នៅក្នុងភូមិជាមួយឪពុកម្ដាយបងប្អូន យូរៗម្ដងបានឃើញ ចេង មកលេងស្រុក កំណើត តាមមើលគាត់ជាអ្នកចលនាឃោសនា គាត់មិនមែនធ្វើជាទាហានឡើងវាយតាមសមរភូមិអីទេ។ នៅ ចន្លោះឆ្នាំ១៩៧២ បានដឹងថា ចេង បានឡើងជាអនុលេខាស្រុកបាភ្នំ នៅតំបន់២៤ ភូមិភាគបូព៌ា។ នៅឆ្នាំ ១៩៧៥ ពេលរបប ខែ្មរក្រហមឡើងកាន់អំណាច ចេង បានឡើងធ្វើជាលេខាស្រុកបាភ្នំ ហើយបានយកប្រពន្ធ កូនឱ្យទៅរស់នៅជាមួយគ្នា កាលនោះមាន ឈ្មោះ ឈូក ជាគណៈតំបន់២៤។ នៅឆ្នាំ១៩៧៧៧៨ មានរឿង រំជើបរំជួលជាច្រើន ខាងភូមិភាគនិរតីមកធ្វើសង្គ្រាមវាយ ជាមួយពួកបូព៌ា ពេលនោះខាងភូមិភាគនិរតីឈ្នះ ហើយដើរប្រកាស ថា បើបងប្អូនទម្លាក់អាវុធចុះអង្គការទុកជីវិតឱ្យ ពេលនោះមានចូល សារភាពជាច្រើន តែមិន ជាអង្គការយកទៅណាទេ បាត់ឈឹង ទាំងអស់។ ពេលនោះ បងឈ្មោះ ចេង ហៅ យ៉េង អង្គការយក ទៅលុតដំ នៅស្រុកពាមជរ ប្រពន្ធកូនត្រឡប់ទៅនៅជាមួយឪពុក ម្ដាយវិញ។ នៅឆ្នាំ១៩៧៩ មានដំណឹងថា ចេង ហៅ យ៉េង ខាងរដ្ឋាភិបាលតាមចាប់ខ្លួន ក៏រត់គេចចូលពៃ្របាត់រហូតមកដល់សព្វ ថៃ្ងនេះ។

© មជ្ឈមណ្ឌលឯកសារកម្ពុជា