Hass Phean

PVI0027

បាត់ខ្លួន

ប្រុស

ជំនាន់ខែ្មរក្រហមអាយុ២០ឆ្នាំ។

១៤០៣០៦០៣, ខេត្ដពៃ្រវែង ស្រុកកំពង់ត្របែក ឃុំគោខ្ចក

១៩៧២????

ស្ម័គ្រចិត្ដ

អង្គភាពមន្ទីរស២១ភ្នំពេញ។

មជ្ឈិម«១២»ភ្នំពេញ។

អ្នកទោស

ភីវីអាយ០០២៧ ២០០៥០៧០៤, ភូមិគោក្រោក ឃុំគោខ្ចក ស្រុកកំពង់ត្របែក ខេត្តពៃ្រវែង។ សម្ភាសដោយ មាស ប៊ុន ថាន។ កំណត់សម្គាល់ៈ ជួបជាមួយ កុយ សុផល ភេទស្រី អាយុ៤៥ឆ្នាំ ត្រូវជាប្អូនស្រី។

ហាស់ ភាន ភេទប្រុស អាយុ២០ឆ្នាំ បាត់ខ្លួន។ ជួបជាមួយឈ្មោះ កុយ សុផល អាយុ៤៥ឆ្នាំ ត្រូវជាប្អូន ស្រី។ ភាន មានឪពុកឈ្មោះ កុយ ផាង ម្ដាយឈ្មោះ ហ៊ីន នន មានបងប្អូន៣នាក់ មានស្រុក កំណើតនៅភូមិ គោក្រោក ឃុំគោខ្ចក ស្រុកកំពង់ត្របែក ខេត្ដពៃ្រវែង។ ភាន ធ្លាប់រៀនសូត្របានត្រឹមថ្នាក់ទី១១ឪចាស់ឱ ឈប់រៀនដោយសារមានរដ្ឋប្រហារទម្លាក់សមេ្ដចសីហនុ នៅឆ្នាំ១៩៧០។ ក្រោយរដ្ឋប្រហារប្រទេសជាតិកើត មានសង្គ្រាមលែងមានសាលារៀន ហើយកម្លាំងចលនាខែ្មរ ក្រហមបានចូលមករស់នៅក្នុងភូមិ។ នៅឆ្នាំ១៩៧១ ៧២ លោកសង្ឃនៅក្នុងវត្ដអង្គការចាប់បង្ខំឱ្យសឹកជាបណ្ដើរៗហើយ អត់មានអ្នកណាហ៊ានយកបាយសម្ល ប្រគេនព្រះសង្ឃទេ។ នៅឆ្នាំ១៩៧២ ភាន បានស្ម័គ្រចិត្ដចូលបម្រើចលនាក្នុងភូមិ ព្រោះឃើញយុវជនយុវនារី នាំគ្នាចូលច្រើនក៏ចង់ចូលទៅជា មួយគេឯង។ ពេល ភាន ចូលទៅមិនបានដឹងថា អង្គការបញ្ជូនទៅខាងណាទេ បានត្រឹមដឹងថា ភាន នៅក្នុងកងពល ចន្ទ័ ចក្រី នៅក្នុងភូមិភាគបូព៌ា តែមិនបានដឹងថា អង្គការបញ្ជូនទៅសមរ ភូមិណាខ្លះទេ។ នៅឆ្នាំ១៩៧៥ ភាន បានសរសេរសំបុត្រមកសួរ សុខទុកឪពុកម្ដាយថា កូននៅភ្នំពេញ សុខ សប្បាយទេ តែអន់ ទាន់មានពេលមកលេងស្រុកកំណើត។ បន្ទាប់មកទៀត មិនដឹងជា ឆ្នាំណាទេ ប្រហែលជាឆ្នាំ ១៩៧៥ ហ្នឹងដែរ មានឈ្មោះ ខែម មកប្រាប់ឪពុកម្ដាយថា ភាន បានមកលេងស្រុកកំណើតតែមិន ទាន់ដល់ ផ្ទះផង ឃើញយោធាចាប់យកទៅវិញ។ តាំងពីមាន ដំណឹងនេះមក ស្រាប់តែបាត់ដំណឹង ភាន ឈឹងតែម្ដង ទោះបីរបប ខែ្មរក្រហមដួលរំលំទៅហើយក៏មិនឃើញឈ្មោះ ភាន ត្រឡប់មក វិញសោះបាត់ឈឹងរហូតមកដល់ ពេលនេះ។ បើតាមប្រវត្ដិរូប ហាស់ ភាន ជាយោធានៅក្នុងកងពល១៧០ ច្បារអំពៅ ជាកងពល ចន្ទ័ ចក្រី អង្គការចាប់ខ្លួននៅឆ្នាំ១៩៧៦។

© មជ្ឈមណ្ឌលឯកសារកម្ពុជា