Heang Thorn

KHI0062

សាវឿន

បាត់ខ្លួន

ប្រុស

ជំនាន់ខែ្មរក្រហមអាយុ២២ឆ្នាំ។

០៤០៧០៧០៧ ខេត្ដកំពង់ឆ្នាំង ស្រុកសាមគ្គីមានជ័យ ឃុំស្

១៩៧៣????

ស្ម័គ្រចិត្ដចូលធ្វើឈ្លប

អង្គភាពអ្នកទោសនៅមន្ទីរស២១ភ្នំពេញ។

មជ្ឈិម«១២»ភ្នំពេញ។

អ្នកទោស

ខេអេកអាយ០០៦២ ២០០៥០៥០៦ ភូមិត្រពាំងទំលាប់ ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង។ សម្ភាស ដោយៈ សារិន វីរៈ។ កំណត់សំគាល់ៈ សម្ភាសជាមួយប្អូនស្រី ហ៊ាង ហឿន និងម្តាយ អ៊ុន គូ។

ហ៊ាង ធន ហៅ វឿន ភេទប្រុស អាយុ២២ឆ្នាំ បាត់ខ្លួន។ ជួបជាមួយឈ្មោះ អ៊ុន គូ អាយុ៧៤ឆ្នាំត្រូវជា ម្ដាយនិងជួប ជាមួយឈ្មោះ ហ៊ាង ហឿន អាយុ៤៧ឆ្នាំត្រូវជាប្អូនស្រី។ ឆន មានឪពុកឈ្មោះ ហ៊ុង មានបង ប្អូន១១នាក់ ស្លាប់អស់៥នាក់នៅ សល់តែ៦នាក់ មានស្រុកកំណើតនៅភូមិត្រពាំងទ្រលាប់ ឃុំស្វាយជុក ស្រុក សាមគ្គីមានជ័យ ខេត្ដកំពង់ឆ្នាំង។ នៅឆ្នាំ១៩៧៣ ធន បានស្ម័គ្រចិត្ដចូលបម្រើចលនាខែ្មរក្រហម មុនដំបូងអង្គ ការបានចាត់តាំងឱ្យធ្វើជាកងឈ្លបឃុំប្រចាំភូមិឃុំ បន្ទាប់មកទៀតអង្គការបញ្ជូនឱ្យទៅធ្វើជាយោធាតំបន់៣១ ហើយអង្គការបញ្ជូនទៅសមរភូមិមុខវាយជាមួយទាហានលន់ នល់។ នៅឆ្នាំ១៩៧៥ ពេលរបបខែ្មរក្រហមឡើង កាន់អំណាច មានដំណឹងថា អង្គការបញ្ជូនឱ្យទៅធ្វើការងារនៅភ្នំពេញ។ នៅពាក់កណ្ដាលឆ្នាំ១៩៧៦ ស្រាប់តែ ឃើញកូនឈ្មោះ ហ៊ាង ធន ហៅ វឿន មកលេងស្រុកកំណើតវិញ ហើយសម្រាកបានមួយយប់ ហើយបាន រៀបរាប់ប្រាប់ម្ដាយថា អង្គការចាត់តាំងឱ្យធ្វើការងារ នៅពោធិចិនតុង ធ្វើការងារនៅទីនោះមិនអីទេ ម៉ែកុំព្រួយ បារម្មណ៍អី។ ព្រឹកឡើងរៀងថៃ្ងបន្ដិចប្អូនប្រុសបានជួយសកដូង ទុកឱ្យយកទៅកនែ្លងធ្វើការវិញ តែមិនទាន់បាន ចេញដំណើរទៅផង ស្រាប់តែប្រធានឈ្លបឃុំឈ្មោះចក់ នាំទាំងយោធាពីរនាក់មកទៀត ផង ពេលនោះឈ្មោះចក់ ស្រែកហៅឱ្យចុះមកហើយឈ្មោះ ចក់ ក៏ចាប់ចងកូនឈ្មោះ ធន ខ្ញុំក៏សួរទៅវិញថា ហេតុអីបានជាចាប់កូនខ្ញុំ ពេលនោះឈ្មោះ ចក់ និងយោធាទាំងពីរនាក់ប្រាប់វិញថា កូនអ៊ំមកផ្ទះខុសច្បាប់ ពេលនោះកូនឈ្មោះ ធន បានសំបុត្រ មួយច្បាប់មើល តែសំបុត្រនោះត្រូវទឹកពិបាកមើល ក៏យោធា ទាំងនោះនិយាយថា សំបុត្រកែ្លង ក្លាយ ដូចនេះខ្ញុំនាំឈ្មោះ ហ៊ាង ធន ត្រឡប់ទៅអង្គភាពវិញ អ៊ំកុំបារម្មណ៍ ពេលនោះកូនក៏ប្រាប់ដែលថា មិនអី ទេ ម៉ែយោធាទាំងពីរនាក់នោះធ្លាប់ធ្វើការជាមួយគ្នា។ តាំងពីកូនអង្គការចាប់ទៅ ក្រោយមកគ្មានបានទទួល ដំណឹងអីទេ បាត់ឈឹងរហូតមកដល់ពេលនេះ។ បើតាមប្រវត្ដិរូបឈ្មោះ ហ៊ាង ធន ហៅវឿន ជាយោធានៅ ភ្នំពេញ ហើយអង្គការចាប់ខ្លួន នៅឆ្នាំ១៩៧៦។

© មជ្ឈមណ្ឌលឯកសារកម្ពុជា