Doeu Veng

PVI0068

ឌឿ វ៉េង

បាត់ខ្លួន

ប្រុស

«សម័យខែ្មរក្រហម អាយុ ២៤ ឆ្នាំ»

១៤១០០៩០២, ពៃ្រវែង ពៃ្រវែង សំរោង ព្រលឹងមាស

១៩៧០????

ស្ម័គ្រចិត្ដ

អង្គភាពមន្ទីរស២១ ភ្នំពេញ។

មជ្ឈិម«១២» ភ្នំពេញ។

អ្នកទោស

ភីវីអាយ០០៦៨ ២០០៥០៦២៣, ភូមិព្រលឹងមាស ឃុំសំរោង ស្រុកពៃ្រវែង ខេត្តពៃ្រវែង។ សម្ភាសដោយ ផាន់ សុជា។ កំណត់សម្គាល់ៈ ជួបជាមួយ ឌឿ អួន ភេទស្រី អាយុ៥៨ឆ្នាំ ត្រូវជាបងស្រី។

ឌឿ វ៉េង ភេទប្រុស អាយុ២៤ឆ្នាំ បាត់ខ្លួន។ ជួបជាមួយឈ្មោះ ឌឿ អួន អាយុ៥៨ឆ្នាំ ត្រូវជាបងស្រី។ វ៉េង មានឪពុកឈ្មោះឌឿ អៀម ម្ដាយឈ្មោះវង់ អ៊ុង មានបងប្អូន៤នាក់ មានស្រុកកំណើតនៅ ភូមិព្រលឹង មាស ឃុំសំរោង ស្រុកពៃ្រវែង ខេត្ដពៃ្រវែង។ វ៉េង ធ្លាប់រៀនសូត្របានច្រើន រៀនចប់សាលាបឋមសិក្សា ក្នុងភូមិ ឪពុកបញ្ជូនទៅរៀននៅវិទ្យាល័យពៃ្រវែងបានត្រឹម ថ្នាក់ទី៦ឪចាស់ឱ ឈប់រៀនដោយសារប្រទេសជាតិ កើតមានរដ្ឋប្រហារឆ្នាំ១៩៧០។ ពេលឈប់រៀនបានត្រឡប់ មកស្រុកកំណើតវិញ ជួយធ្វើស្រែចម្ការឪពុក ម្ដាយ ជួយមើលក្របី ហើយកាលនោះកើតមានបាតុកម្ម។ នៅក្នុងឆ្នាំ១៩៧០ ហ្នឹងដែរ វ៉េង បានស្ម័គ្រចិត្ដ ចូលធ្វើជាយោធាខែ្មរក្រហម តាមរយៈការ អំពាវនាវរបស់សមេ្ដចសីហនុ ប្រកាសឱ្យកូនចៅចូលពៃ្រម៉ាគី ដើម្បី រំដោះជាតិ ណាមួយចង់បានសមេ្ដចឪយាងចូលប្រទេសវិញ។ វ៉េង ចូលដំបូងនៅក្នុងភូមិឃុំទេ តែបន្ទាប់មក ទៀតអង្គការបញ្ជូនឱ្យ ទៅធ្វើជាយោធាតំបន់។ នៅឆ្នាំ១៩៧៧៣ ឃើញមកលេងម្ដង ហើយបាននិយាយប្រាប់ ថា នៅខាងកាំភ្លើងធំ កាន់ខាងតេអូ ហើយឡើងសមរភូមិវាយជាមួយទាហានលន់ នល់ នៅម្ដុំវិហារ សួគ៌។ នៅឆ្នាំ១៩៧៥ ពេលរបបខែ្មរក្រហមឡើងកាន់អំណាច មិនឃើញឈ្មោះ វ៉េង មកលេងស្រុកកំណើតវិញទេ ប្រហែលជាមួយខែ ឪពុកគ្មានបានទទួលដំណឹងពីកូនក៏មករក ដល់ភ្នំពេញ តែរកមិនឃើញសោះ ក៏ត្រឡប់មក ស្រុកកំណើតវិញ។ នៅឆ្នាំ១៩៧៩ ពេលរបបខែ្មរក្រហមដួលរំលំបាត់ទៅ ក៏នៅតែមិនឃើញកូនឈ្មោះ វ៉េង ត្រឡប់មកវិញបាត់ឈឹងរហូត មកដល់ពេលនេះ។ បើតាមប្រវត្ដិរូប ឈ្មោះ ឌឿ វ៉េង ជា យោធានៅក្នុងកង ពល១៧០ បន្ទាប់មកទៀតផ្លាស់ទៅកងពល ១៦៤ កាន់ខាងទូរលេខ ហើយអង្គការចាប់ខ្លួននៅឆ្នាំ១៩៧៦។

© មជ្ឈមណ្ឌលឯកសារកម្ពុជា