An At

សារ៉ាយ

បាត់ខ្លួន

ប្រុស

ជំនាន់ខែ្មរក្រហមអាយុ២៣ឆ្នាំ។

១៥០១០២?? ខេត្ដពោធិ៍សាត់ ស្រុកបាកាន ឃុំបឹងខ្នា ភូមិ

១៩៧៣????

ស្ម័គ្រចិត្ដ

អង្គភាពមន្ទីរស២១ ភ្នំពេញ។

មជ្ឈិម«១២»ភ្នំពេញ។

អ្នកទោស

ភីធីអាយ០០០៤ ២០០៥០៣១៦, ភូមិបឹងរមាស ឃុំបឹងខ្នា ស្រុកបាកាន ខេត្តពោធិ៍សាត់។ សម្ភាសដោយ សារិន វីរៈ។ កំណត់សម្គាល់ៈ ជួបជាមួយ ជុំ រ៉ម ភេទស្រី អាយុ៧៨ឆ្នាំ ត្រូវជាម្តាយ។

អាន អាត ហៅ សារ៉ាយ ភេទប្រុស អាយុ២៣ឆ្នាំ បាត់ខ្លួន។ ជួបជាមួយឈ្មោះ ជុំ រ៉ង អាយុ៧៨ឆ្នាំត្រូវ ជាម្ដាយ។ អាត មានឪពុកឈ្មោះ ម៉ែន អាន។ អាត មានបងប្អូន៩នាក់ស្រី៥ប្រុស៤ មានស្រុកកំណើតនៅ ភូមិបឹងរមាស ឃុំបឹងខ្នា ស្រុកបាកាន ខេត្ដពោធិ៍សាត់។ អាត ជាកូនទី៣ ធ្លាប់បានរៀនសូត្រត្រឹមថ្នាក់ទី៨ ឪចាស់ឱ នៅសាលាបឋមសិក្សាបឹងបឹងខ្នា។ នៅឆ្នាំ១៩៧០ កើតមានរដ្ឋប្រហារទម្លាក់សមេ្ដចសីហនុ ប្រទេស ជាតិកើតមាន សង្គ្រាម ឈប់រៀនមកនៅផ្ទះជួយធ្វើស្រែចម្ការឪពុកម្ដាយ។ នៅក្នុងឆ្នាំ១៩៧០៧១ មានយន្ដ ហោះទម្លាក់គ្រាប់បែកពីខាង ទាហានលន់ នល់ ធ្វើឱ្យប្រជាជនរស់នៅមិនសុខ រត់ចុះរត់ឡើងរក កនែ្លងមានសុវត្ថ ភាព។ កាលនោះ ឪពុក អាត ឈ្មោះ អាន បានស្ដាប់ឮសមេ្ដចសីហនុ ប្រកាសឱ្យកូនចៅចូលពៃ្រម៉ាគី ពេល នោះឪពុកក៏ចូលពៃ្របម្រើប្រទេសជាតិ ទុកកូនប្រពន្ធឱ្យរស់នៅ ក្នុងភូមិ។ នៅឆ្នាំ១៩៧៣ អាត ក៏បានស្ម័គ្រចិត្ដ ចូលបម្រើ ចលនាខែ្មរក្រហមដែរ។ នៅឆ្នាំ១៩៧៥ ពេលរបបខែ្មរក្រហម ឡើងកាន់អំណាច អាត ធ្វើជាកង ឈ្លបដើរប្រមូលទ្រព្យសម្បត្ដិ ប្រជាជនដាក់រួម។ នៅឆ្នាំ១៩៧៦ អាត បានធ្វើជានិរសា ស្រុកត្រពាំងជង តំបន់ ៣ ភូមិភាគពាយ័ព្យ។ នៅឆ្នាំ១៩៧៧ ឪពុក អាត ឈ្មោះ អាន អង្គការហៅយកទៅរៀនសូត្របាត់ខ្លួនតែម្ដង ទោះបីអតីត ជួយធ្វើការងារបម្រើការងារឱ្យខែ្មរក្រហមក៏ដោយ។ នៅឆ្នាំ១៩៧៧ អាត អង្គការចាត់តាំងឱ្យធ្វើ ជាប្រធានក្រុមកង ចល័តស្រុកភ្នំតូច តំបន់៣។ នៅឆ្នាំ១៩៧៩ ចេះតែរងចាំមើល ផ្លូវកូនប្រុសឈ្មោះ អាត ក្រែងបានត្រឡប់មកស្រុកកំណើតវិញ តែការរងចាំយូរទៅៗបាត់រហូតមកដល់ពេលនេះ។ បើតាមប្រវត្ដិរូប ឈ្មោះអាន អាត ហៅសារ៉ាយ អង្គការចាប់ ខ្លួននៅឆ្នាំ១៩៧៨ យកមកដាក់នៅមន្ទីរស២១ ភ្នំពេញ។

© មជ្ឈមណ្ឌលឯកសារកម្ពុជា