Khut Marin

សម្បត្តិ

បាត់ខ្លួន

ប្រុស

ជំនាន់ខែ្មរក្រហមអាយុ២១ឆ្នាំ។

០៥០៣០៥០៤ ខេត្ដកំពង់ស្ពឺ ស្រុកគងពិសី ឃុំព្រះនិព្វាន

១៩៧២????

ចូលបដិវត្ដដោយស្ម័គ្រចិត្ដ។

អង្គភាពអ្នកទោសនៅមន្ទីរស២១ ភ្នំពេញ។

មជ្ឈិម«១២»ភ្នំពេញ។

អ្នកទោស

ខេអេសអាយ០១០០ ២០០៥១២២២ ភូមិគរ ឃុំព្រះនិពាន្ត ស្រុកគងពិសី ខេត្តកំពង់ស្ពឺ។ សម្ភាសដោយ ឆាយ ណារឿន។ កំណត់សំគាល់ៈ ជួបជាមួយ ឃុត ខន អាយុ ៥៥ ឆ្នាំ ជាបងប្រុស។

ឃុត ម៉ារីន ហៅ សម្បត្ដិ ភេទប្រុស អាយុ២១ឆ្នាំ បាត់ខ្លួន។ ជួបជាមួយឈ្មោះ ឃុត ខន អាយុ៥៥ឆ្នាំ ត្រូវជាបងប្រុស។ ម៉ារីន មានឪពុកឈ្មោះ ឪពុកឈ្មោះ ខាត់ ម្ដាយឈ្មោះ ហៀង មានបងប្អូន៧នាក់ ស្រី៤ ប្រុស៣ មានស្រុកកំណើតនៅភូមិគរ ឃុំព្រះនិព្វាន ស្រុកគងពិសី ខេត្ដកំពង់ស្ពឺ។ ម៉ារីន កាលតាំងពីតូចដល់ធំ មិនបានចូលសាលារៀនសូត្រទេ ឪពុកម្ដាយស្លាប់ចោលទៅ ក៏ទៅវត្ដព្រះនិព្វាននិងបន្ទាប់មកបានបួសនេនរហូត ដល់ ប្រទេសជាតិកើតមានរដ្ឋប្រហារនិងមានសង្គ្រាមក៏សឹកមករស់នៅធ្វើស្រែចម្ការជាមួយបងប្អូន។ នៅឆ្នាំ១៩ ៧២ ម៉ារីន បានស្ម័គ្រចិត្ដចូលបម្រើចលនាខែ្មរក្រហម កាលនោះប្រធាន ឃុំឈ្មោះ ស៊ី ឈ្មោះ សុន គណៈស្រុកឈ្មោះ សាត់ ឈ្មោះ សួន នៅក្នុងស្រុក៥២តំបន់៣៣។ ម៉ារីន បានចូលធ្វើជាយោធាតំបន់ ហើយ បានឡើងវាយជាមួយទាហានលន់ នល់ ក្រោយមកត្រូវរបួស ដេកសម្រាកពេទ្យជា តែយូរៗម្ដងប្រកាច់ដោយ សារកើត តេតាណុស។ នៅឆ្នាំពាក់កណ្ដាលឆ្នាំ១៩៧៥ របបខែ្មរ ក្រហមបានបង្កើតសហករណ៍ហូបបាយរួមធ្វើ ការរួមរស់នៅ មិនបានជួបជុំគ្នា។ ពេលនោះ ឃើញ ប្អូនឈ្មោះ ម៉ារីន មកលេងផ្ទះសម្រាកបានពីរអាទិត្យ ហើយមិនចង់ត្រឡប់ទៅ អង្គភាពវិញទេ ចង់នៅសហករណ៍ជួយធ្វើស្រែចម្ការ តែពេលនោះបានទៅសុំប្រធាន សហករណ៍ឈ្មោះ យ៉ាន់ គាត់មិនអនុញ្ញាតឱ្យរស់នៅក្នុងភូមិទេ ឱ្យត្រឡប់ទៅអង្គភាពវិញ។ ម៉ារីន តាំងពីត្រឡប់ ទៅអង្គភាពវិញ បាត់ឈឹករហូតមកដល់ ពេលនេះ។ បើតាមប្រវត្ដិរូប ម៉ារីន អង្គការចាប់ខ្លួននៅឆ្នាំ១៩៧៦ យកមកដាក់គុកនៅទួលសែ្លង។

© មជ្ឈមណ្ឌលឯកសារកម្ពុជា