Mut Mun

មុត មុន

ប្រុស

នៅរស់

ខេធីអាយ១០៣២ ២០០៥០២១៤ ភូមិត្រពាំងស្វាយ ឃុំបល្ល័ង្គ ស្រុកបារាយណ៍ ខេត្តកំពង់ធំ។ សម្ភាសដោយ ព្រំ ផល្លា។ កំណត់សំគាល់ៈ ជួបជាមួយ មុត មុន អាយុ ៥០ ឆ្នាំ ជាម្ចាស់ប្រវត្តិរូប។

«បច្ចុប្បន្នអាយុ ៥០ ឆ្នាំ»

០៦០១០២១២, កំពង់ធំ ស្រុកបារាយណ៍ ឃុំបល្ល័ង្គ ភូមិត្រ

១៩៧២????

ស្ម័គ្រចិត្ដ

អង្គភាពយោធាកងពល៥០២ ខេត្ដកំពង់ឆ្នាំង។

យុទ្ធជន

ភូមិភាគបស្ចឹម«៤០១»ខេត្ដកំពង់ឆ្នាំង។

កែវ អឿន

មុត មុន ភេទប្រុស អាយុ៥០ឆ្នាំ ជាម្ចាស់ប្រវត្ដិរូប។ មុន មានប្រពន្ធឈ្មោះ ចំរើន ប្រកបមុខរបរ ធ្វើស្រែចម្ការនិងឡើងត្នោត សព្វថៃ្ងរស់នៅភូមិត្រពាំងស្វាយ ឃុំបល្ល័ង្គ ស្រុកបារាយណ៍ ខេត្ដកំពង់ ឆ្នាំង។ មុន មានឪពុកឈ្មោះ ជួប មុត ម្ដាយឈ្មោះ កើត លុន មានបងប្អូន៥នាក់។ មុន ធ្លាប់ រៀនសូត្របាន ត្រឹមថ្នាក់ទី៧ឪចាស់ឱ ឈប់រៀនដោយសារប្រទេសជាតិកើតមាន សង្គ្រាម។ ពេលឈប់ រៀនមកជួយធ្វើស្រែចម្ការឪពុកម្ដាយ និងជួយឃ្វាលគោ។ នៅឆ្នាំ១៩៧២ បានស្ម័គ្រចិត្ដចូលធ្វើជា យោធាខែ្មរក្រហមដោយសារខឹងនិងការទម្លាក់រគាប់បែកពីសំណាក់ទាហានលន់ នល់ រួមជាមួយអាមេ រិចកាំង។ ពេលនោះក៏ឃើញមានទាហានយួនចូលមកសហការជាមួយយោធាខែ្មរក្រហមដើម្បីវាយជា មួយទាហានលន់ នល់។ នៅឆ្នាំ១៩៧៣ ទាហានយួនយៀគកុងក៏ដកត្រឡប់ទៅប្រទេស វាវិញ នៅ សល់កម្លាំងយោធាខែ្មរក្រហមចេះតែវាយរំកិល បានគ្រប់កនែ្លងធ្វើឱ្យទាហានលន់ នល់ ដកថយជា បណ្ដើរៗ។ នៅឆ្នាំ១៩៧៥ កម្លាំងខែ្មរក្រហមបានវាយចូលដល់ទីក្រុងភ្នំពេញ ពេលនោះអង្គការបាន ដាក់បញ្ជាឱ្យប្រជាជនជម្លៀសឱ្យអស់ក្នុងរយៈ ពេលបីថៃ្ងមិនបាច់យកឥវ៉ាន់អីទៅច្រើនទេ។ មុន នៅក្នុង កងពលទី១ ប្រធានកងពលឈ្មោះ កែវ អឿន។ នៅពេលរបបខែ្មរក្រហមបានឡើងកាន់អំណាចទាំង ស្រុងនៅ ឆ្នាំ១៩៧៥ កងពលមួយចំនួនដូចជាកងពលទី១ដូរទៅជា កងពល៣១០វិញ។ នៅឆ្នាំ១៩ ៧៦៧៧ កម្មាភិបាលខែ្មរក្រហម មួយចំនួនធំត្រូវអង្គការចាប់ខ្លួនដោយចោទថា ក្បត់រៀបគំរោងធ្វើ រដ្ឋប្រហារទម្លាក់លោកប៉ុល ពត។ មុន បានធ្វើជានិរសាឱ្យឈ្មោះ ឆោម ចដនៃ្យបានកេ្មងត្រូវតាមរក ស្រាប់តែដើរៗទៅ ដល់ម្ដុំទួលសែ្លង ស្រាប់តែយោធាជាកងការពារប្រាប់ថា បងឯងកុំដើរចូលទៅ បើ ចូលវេទនាខ្លួនហើយ ពេលនោះ មុន បានឆ្ងល់ថា ហេតុអីបានវេទនា ពេលនោះកងការពារប្រាប់ថា នៅទីនេះជាទួលសែ្លងវាយសុទ្ធតែឆក់ខ្សែភ្លើង ដកក្រចកជាដើម។ ក្រោយមកទៀត មុន អង្គការ បញ្ជូនទៅលុតដំនៅ ព្រលានយន្ដហោះខេត្ដកំពង់ឆ្នាំង នៅក្នុងកងពល៥០២។ នៅទីនោះមានយោធាជា កម្មកររាប់ពាន់នាក់ និងមានជំនាញការ ជាជនជាតិចិនរាប់រយនាក់។ នៅឆ្នាំ១៩៧៩ កងទ័ពវៀតណាម បានវាយចូលមកដល់ មុន និងកម្មាភិបាលខែ្មរក្រហមនាំគ្នារត់ចូល ពៃ្ររហូតទៅដល់ខេត្ដបៃ៉លិន ទៅដល់ ព្រំដែនថៃ រហូតដល់ឆ្នាំ១៩៨៣ បានរកផ្លូវត្រឡប់មកផ្ទះវិញ។

ដឹងថា ជំនាន់ខែ្មរក្រហមសម្លាប់មនុស្សនិងចាប់ខ្លួន។

© មជ្ឈមណ្ឌលឯកសារកម្ពុជា