Chann Sokh

SVI0043

សាវឿន

បាត់ខ្លួន

ប្រុស

«សម័យខែ្មរក្រហម អាយុ ៣០ ឆ្នាំ»

២០០៤០៨០៥, ខេត្ដស្វាយរៀង ស្រុករមាសហែក ឃុំកំពង់ត្រាច

១៩៧០????

ស្ម័គ្រចិត្ដ

អង្គភាពមន្ទីរស២១ ភ្នំពេញ។

មជ្ឈិម«១២»ភ្នំពេញ។

អ្នកទោស

អេវីអាយ០០៤៣ ២០០៥០៨៣០, ភូមិឈើភ្លើង ឃុំកំពង់ ត្រាច ស្រុករមាសហែក ខេត្តស្វាយរៀង។ សម្ភាសដោយ អ៊ីសា
ឧស្មាន។ កំណត់សម្គាល់ៈ ជួបជាមួយ ចាន់ គា អាយុ៤៣ឆ្នាំ ត្រូវជាប្អូនប្រុស។

ចាន់ សុក ហៅ សាវឿន ភេទប្រុស អាយុ៣០ឆ្នាំបាត់ខ្លួន។ ជួបជាមួយឈ្មោះ ចាន់ គា អាយុ៤៣ ឆ្នាំ ត្រូវជាប្អូនប្រុស។ សុក មានឪពុកឈ្មោះ ចាន់ ជឹម ម្ដាយឈ្មោះ អ៊ុក ផាន់ មានបងប្អូន៤នាក់ មានស្រុកកំណើតនៅភូមិឈើភ្លើង ឃុំកំពង់ត្រាច ស្រុករមាសហែក ខេត្ដស្វាយ រៀង។ សុក រៀនសូត្របានចប់សាលារៀននៅក្នុង ភូមិហើយបានទៅប្រឡងឌីប្លូមទៅខេត្ដស្វាយរៀង។ សុក ឈប់រៀនមកផ្ទះជួយធ្វើស្រែចម្ការឪពុកម្ដាយ បន្ទាប់មក បានរៀបការប្រពន្ធឈ្មោះ យឿន រហូតមានកូនចំនួន៣នាក់។ នៅឆ្នាំ១៩៧០ កើតមានរដ្ឋប្រហារទម្លាក់សមេ្ដចសីហុន ប្រទេសជាតិកើត មានសង្គ្រាមមានយន្ដហោះទម្លាក់គ្រាប់បែក មានចលនាខែ្មរក្រហមផង មានកម្លាំងខាងរដ្ឋាភិបាល លោកលន់ នល់ ផ្លោង ចូលមកក្នុងភូមិផង ប្រជាជនរស់នៅលំបាកវេទនា។ នៅឆ្នាំ១៩៧០ សុក បានស្ម័គ្រចិត្ដចូលបម្រើចលនាខែ្មរក្រហម មុនដំបូងអង្គការបញ្ជូនឱ្យទៅធ្វើជាយាធាតំបន់ភូមិភាគបូព៌ា ចូលសមរភូមិវាយជាមួយទាហានលន់ នល់។ ពេលធ្វើសង្គ្រាម ត្រូវរបួសដៃ ហើយបានមកដេក សម្រាកនៅមន្ទីរពេទ្យស្វាយរៀង ពេលជាសះស្បើយចូលធ្វើពេទ្យយោធាតែម្ដង។ នៅឆ្នាំ១៩៧៥ ពេលរបបខែ្មរក្រហមឡើងកាន់អំណាច ឃើញ សុក ត្រឡប់មកលេង ស្រុកកំណើតវិញ ឃើញមាន ឡានជិះនិងមានកងការពារពីរ មកជាមួយ ដែរ ហើយបានចែកថ្នាំពេទ្យឱ្យបងប្អូនទុកប្រើបាន មួយចំនួន។ សុកបានត្រឡប់ទៅអង្គភាពវិញ ក្រោយមកលែង បានទាក់ទងគ្នាមិនដឹងថា គាត់ធ្វើការងារនៅកនែ្លងណា ពិតប្រាកដ។ បើតាមប្រវត្ដិរូប ចាន់ សុក ហៅ សាវឿន អង្គការចាប់ខ្លួន នៅឆ្នាំ១៩៧៧។

© មជ្ឈមណ្ឌលឯកសារកម្ពុជា