Sok Rim

SVI0053

សុក រឹម

សុខុម

បាត់ខ្លួន

ប្រុស

ជំនាន់ខែ្មរក្រហមអាយុ៣៩ឆ្នាំ។

២០០៧០៦០១, ខេត្ដស្វាយរៀង ស្រុកស្វាយទាប ឃុំពៃ្រតាអី

១៩៧២????

ស្ម័គ្រចិត្ដ

អង្គភាពមន្ទីរស២១ភ្នំពេញ។

មជ្ឈិម«១២»ភ្នំពេញ។

អ្នកទោស

សោ ភឹម។

អេសវីអាយ០០៥៣ ២០០៥០៨១៥, ភូមិតាប៉ោញ ឃុំពៃ្រ តាអី ស្រុកស្វាយទាប ខេត្តស្វាយរៀង។ សម្ភាសដោយ រ៉ា ឆៃ រ៉ាន់។ កំណត់សម្គាល់ៈ ជួបជាមួយ វ៉ាន់ ពោន អាយុ៥៨ឆ្នាំ ត្រូវជាប្អូនថៃ្លប្រុស។

សុក រឹម ហៅ សុខុម ភេទប្រុស អាយុ៣៩ឆ្នាំបាត់ខ្លួន។ ជួបជាមួយឈ្មោះ វ៉ាន់ ពោន អាយុ៥៨ ឆ្នាំត្រូវជាប្អូនថៃ្ល។ រឹម មានឪពុកឈ្មោះ សេក សុខ ម៉ម ផង់ មានស្រុកកំណើតនៅភូមិ តាប៉ោញ ឃុំពៃ្រតាអី ស្រុកស្វាយទាប ខេត្ដស្វាយរៀង។ រឹម ធ្លាប់រៀនបានត្រឹមថ្នាក់ទី១២ ឪចាស់ឱ ឈប់ រៀនមកបួសជា ព្រះសង្ឃនៅវត្ដពៃ្រតាអី បានចំនួន៥វស្សា។ នៅឆ្នាំ១៩៤៦ សឹកមកវិញ ឪពុក ម្ដាយបានរៀនការប្រពន្ធឈ្មោះ ចាន់ សាមិត្ដ មានកូនចំនួន៥នាក់ ប្រកបមុខរបរធ្វើស្រែចម្ការ។ ក្រោយមកទៀត រឹម មិនសូវនៅផ្ទះទេ ភាគច្រើននៅក្នុងពៃ្រដូចជាចូលចលនា សម្ងាត់ខាងឥស្សរៈ ឃើញខាងយោធាមន្រ្ដីរាជការតាមរករហូត។ នៅឆ្នាំ១៩៧០ កើតមានរដ្ឋប្រហារបានឃើញមុខគាត់ ចូលផ្ទះជាញឹកញាប់ហើយដូចជាមានឃើញសកម្មភាពឃោសនាបណ្ដើរៗ។ កាលនោះខាងទាហានលន់ នល់ លែងសូវបានចូលដល់មកក្នុងភូមិនេះទៀតហើយមានខែតចលនាខែ្មរក្រហមគ្រប់គ្រង។ នៅឆ្នាំ ១៩៧២ បងរឹម បានស្ម័គ្រចិត្ដចូល បម្រើចលនាខែ្មរក្រហម កាលនោះសមេ្ដចសីហនុប្រកាសឱ្យកូនចៅ ចូលពៃ្រម៉ាគី។ បន្ទាប់មកបានដឹងថា រឹម ជាសមាជិកស្រុកប្រសូត្រ នៅក្នុងតំបន់២៣ ភូមិភាគបូព៌ា គ្រប់គ្រងខាងសេដ្ឋកិច្ច ប្រធាន ភូមិភាគបូព៌ាឈ្មោះ សោ ភឹម។ នៅឆ្នាំ១៩៧៥ ពេលរបបខែ្មរ ក្រហម ឡើងកាន់អំណាច បានឃើញរឹម មកលេងស្រុកកំណើត ហើយមានកាំភ្លើងខ្លីនិងមានកងការពារនិងបាន នាំប្រពន្ធកូនឱ្យ ទៅរស់នៅជាមួយ ព្រោះគាត់បានឡើងជាប្រធានកងធំនៅឃុំ ស្វាយរំពារ តំបន់២៣។ នៅឆ្នាំ១៩៧៧៧៨ មានរឿងរ៉ាវជា ច្រើន កម្មាភិបាលខែ្មរក្រហមភូមិភាគបូព៌ាមួយចំនួនធំត្រូវបាន អង្គការចាប់ខ្លួនបន្ទាប់ពីចាប់ប្រធានភូមិភាគឈ្មោះ សោ ភឹម។ កម្មាភិបាលថ្នាក់ឃុំឡើងទៅត្រូវបាន ពួកនិរតីចុះមកធ្វើការងារ ជាមួយ ហើយចាប់គណៈឃុំចាស់យកទៅបាត់ ដូចជាឈ្មោះ សុក រឹម ហៅ សុខុម តែកាលនោះមិនទាន់ចាប់ប្រពន្ធកូនទេ។ តាំងពីនោះមក រឹម បាត់ដំណឹងឈឹងរហូតមកដល់ពេល នេះមិនឃើញត្រឡប់មកវិញសោះ។ បើតាមប្រវត្ដិរូប សុក រឹម ហៅ សុខុម អង្គការចាប់ខ្លួននៅឆ្នាំ ១៩៧៨។

© មជ្ឈមណ្ឌលឯកសារកម្ពុជា