Chuon Mon

ជួន ម៉ុន

ស្រី

នៅរស់

ប៊ីអឹមអាយ០០២៩ ២០១០១០១៥ ភូមិដូង, ឃុំម៉ាឡៃ, ស្រុក ម៉ាឡៃ, ខេត្តបន្ទាយមានជ័យ។ សម្ភាសន៍ដោយៈ ឆាយ ឈុនលី។ សម្ភសន៍ជាមួយ ជួន ម៉ុន ភេទស្រី អាយុ៥៦ឆ្នាំ។ ក្រៅប្រវត្តិរូប។

«អាយុបច្ចុប្បន្ន ៥៦ឆ្នាំ»

០៨០៨០៧០៤ ខេត្ដកណ្ដាល, ស្រុកអង្គស្នួល, ឃុំក្រាំងម្ក

១៩៧០????

ដោយសារគាត់មានបងប្រុសធ្វើទាហាន

រោងចក្រតម្បាញត១

ប្រធានផ្នែកអន្ទងនិងល្វឹងអំបោះនៅរោងចក្រតម្បាញត១

ភូមិភាគមជ្ឈិម, ភ្នំពេញ

យាយស្រូន ជាអនុប្រធានរោងចក្រ

បងប្រុសធ្វើទាហាន

ជួន ម៉ុន ភេទស្រី អាយុ៥៦ឆ្នាំ រស់នៅភូមិដូង ឃុំម៉ាឡៃ ស្រុកម៉ាឡៃខេត្ដបន្ទាយមាន ជ័យ។ ម៉ុន មានស្រុកកំណើតនៅភូមិត្រពាំងស្វាយ ឃុំក្រាំងម្កាក់ ស្រុកអង្គស្នូល ខេត្ដកណ្ដាល។ នៅឆ្នាំ១៩៧០ ម៉ុន បានចូលបដិវត្ដន៍ជាមួយខែ្មរក្រហមដោយសារតែគាត់មានបងប្រុសជាទាហាន។ ពេលចូលដំបូង គាត់ត្រូវបានគេចាត់តាំងឱ្យទៅធ្វើការ នៅអង្គភាពពេទ្យប៉ុនែ្ដមិនបានទទួលការបណ្ដុះបណ្ដាលអ្វីទាក់ទងនឹង មុខជំនាញពេទ្យនោះឡើយ។ មួយឆ្នាំក្រោយមក ម៉ុន បានចូលធ្វើទ័ព ក្រោមការគ្រប់គ្រងរបស់សមមិត្ដ វី។ នៅទីនោះគាត់បានទទួលការ បណ្ដុះបណ្ដាលពីបចេ្ចកទេសទ័ព។ នៅពេលខែ្មរក្រហមឡើងកាន់អំ ណាចនៅឆ្នាំ១៩៧៥ ម៉ុន បានមកនៅភ្នំពេញហើយពេលនោះប្រជា ជនត្រូវបានជម្លៀសចេញអស់ពីទីក្រុងហើយ។ ពេលមកដល់គេចាត់ តាំងឱ្យគាត់កាន់ខាងរោងចក្រតម្បាញ។ នៅពេលធ្វើការក្នុងរោង ចក្រ ម៉ុន មិនបានដឹងពីសភាពការណ៍ខាងក្រៅការរស់នៅរបស់ប្រ ជាជនយ៉ាងម៉េចនោះទេ ពីព្រោះនៅភ្នំពេញមិនមានប្រជាជនរស់នៅ ទេ។ ចំណែកកម្មករនៅក្នុង រោងចក្រវិញពេលខ្លះទៅមានការខ្វះខាតបាយហូបដែរគឺហូបនំប័ុងជំនួសវិញ។ ឆ្នាំ១៩៧៩ ពេលទាហានវៀតណាមចូលមកប្រទេសកម្ពុជា មេដឹកនាំ ខែ្មរក្រហមបានជម្លៀសប្រជាជនទៅនៅភូមិភាគពាយ័ព្យដែលនៅ ក្នុងនោះក៏មាន ម៉ុន ទៅជាមួយដែរ។ ម៉ុន បានធ្វើដំណើរពីភ្នំពេញ ទៅដល់ស្រុកម៉ាឡៃ។ ម៉ុន ត្រូវបានចាត់តាំងឱ្យគ្រប់គ្រងប្រជាជន នៅទីនោះនឹងចែកចាយស្បៀង។ ក្រោយមកគាត់បានធ្វើការនៅ ក្នុងអង្គភាពពេទ្យក្រោមការគ្រប់គ្រងរបស់ តា រដ្ឋ។ មួយឆ្នាំក្រោយ មកគាត់បានរៀបការជាមួយទាហានសិក្ដិបីនៅស្រុកម៉ាឡៃ។ ម៉ុន មានតួនាទីជាអ្នក គ្រប់គ្រងក្រុមសិល្បៈសំរាប់សំដែងជូនគណៈប្រតិភូ បរទេសដែលមកធ្វើទស្សនៈកិច្ចនៅសារតាំងតាមរយៈ អៀង សារី។ ឆ្នាំ១៩៨៤ ម៉ុន បានផ្លាស់ទៅនៅជំរំសែន និងបៃ៉លិនដោយសារ ស្ថានភាព មានការប្រែប្រួលរហូតដល់ឆ្នាំ១៩៨៥គាត់បានភៀសខ្លួន ទៅនៅជំរំថ៨៥។ ម៉ុន ត្រលប់មកនៅ ស្រុកម៉ាឡៃវិញនៅឆ្នាំ ១៩៨៧៨៨។

© មជ្ឈមណ្ឌលឯកសារកម្ពុជា