Chhouk Khim

TKI0757

ស្រី

បច្ចុប្បន្ន អាយុ៦៤ឆ្នាំ

២១០៤១០០៣ តាកែវ,គិរីវង្ស,រាមអណ្ដើក,ត្រពាំងរុន។

១៩៧៣????

ស្ម័គ្រចិត្ដ

អង្គភាពពេទ្យ ឃុំ រាមអណ្ដើក។

ភូមិភាគនិរតី«៤០៥»ស្រុកគិរីវង្ស។

ពេទ្យ

រឿន។

ធីខេអាយ០៧៥៧២០១០០៧១៥ ភូមិត្រពាំងរុន ឃុំរាមអណ្ដើក ស្រុកគិរីវង្ស ខេត្តតាកែវ សំភាសដោយៈ គ្រី ស៊ុយហៀង កំណត់ សំគាល់ៈ ជួបជាមួយឈ្មោះ ឈូក ឃីម ភេទស្រី អាយុ៦៤ឆ្នាំ ក្រៅប្រវត្តិរូប។

ឈូក ឃីម ភេទស្រី អាយុ៦៤ឆ្នាំ ក្រៅប្រវត្ដិរូប។ ឃីម មានប្ដីឈ្មោះ ឆែម មានកូន៦នាក់ សព្វថៃ្ងរស់នៅភូមិត្រពាំងរុន ឃុំរាមអណ្ដើក ស្រុកគិរីវង្ស ខេត្ដតាកែវ។ ឃីម កាលពីតូចរៀនសូត្រ មិនបានច្រើនទេ ព្រោះឪពុកម្ដាយមានជីវភាពខ្វះខាត។ នៅឆ្នាំ១៩៧០ ពេលកើតមានរដ្ឋប្រហារ ទម្លាក់សមេ្ដចសីហនុ មិនបានយូរប៉ុន្មានមានយន្ដហោះខាងទាហាន លន់ នល់ មកទម្លាក់តាមភូមិធ្វើឱ្យ ប្រជាជនរស់នៅមិនបានបន្ដិចរត់ទៅភូមិនេះបន្ដិចរត់ទៅភូមិនោះមិនបានប្រកបរបរធ្វើស្រែចម្ការ។ នៅ ឆ្នាំ១៩៧៣ ឃីម និងនារី៣៨ផេ្សងទៀតបានស្ម័គ្រចិត្ដចូលធ្វើជាយោធាខែ្មរក្រហម មុនដំបូងអង្គការ បញ្ជូនទៅភ្នំដំរីរមាល ពេលរស់នៅទីនោះបានតែបីថៃ្ងយំត្រឡប់មកស្រុកកំណើតវិញ ដោយសារគ្មាន អាហារហូបគ្រប់គ្រាន់ហូបស្លឹកឈើនិងឃើញមានមនុស្សឈឺចាញ់ស្លាប់។ ពេលមកដល់ផ្ទះមិនបាន ប៉ុន្មានអង្គការមកហៅយកទៅវិញនិងបានប្រាប់ថា បើលួចរត់ទៀតអង្គការចោទថា ជាគិញរបស់លន់ នល់ ពេលនោះភ័យមិនហ៊ានរត់ទៀតសុខចិត្ដរស់នៅទាំងលំបាក។ នៅឆ្នាំ១៩៧៥ អង្គការបានបញ្ជូន ទៅព្រំដែនវៀតណាមខាងស្រុក១០៩គិរីវង្ស តែកងទ័ពកាលនោះនៅធ្វើស្រែ តែខាងវៀតណាមប្លោង ចូលមកម្ដងៗ។ ក្រោយមកទៀតអង្គការបានបញ្ជូនមកធ្វើការនៅសាលាស្រុកគិរីវង្សវិញ ជាអ្នកកាត់ ដេរខោអាវឱ្យយោធា។ នៅឆ្នាំ១៩៧៨ អង្គការបានរៀបប្ដីជាយោធា បន្ទាប់អង្គការបានបញ្ជូនមក ធ្វើការនៅតាមសហករណ៍រាមអណ្ដើកវិញ។ ឃីម អង្គការចាត់តាំងឱ្យចូលធ្វើការងារនៅមន្ទីរពេទ្យឃុំ កាលនោះឃើញមានមនុស្សឈឺច្រើន ភាគច្រើនហើមដោយសារខ្វះជាតិអាហារ ខ្លះអាប់សែមានខ្ទុះ ឈាមដោយសារចាក់ថ្នាំដែលគ្មានគុណភាព។ នៅឆ្នាំ១៩៧៩ ឃីម បានរត់ឡើងចូលពៃ្រឡើងភ្នំគ្មាន អាហារហូបគ្រប់គ្រាន់សេ្ទីរតែដាច់ខ្យលស្លាប់ ទទួលរត់ទៅមុខទៀតមិនរួចបានជួបកងទ័ពវៀតណាមជួយ សេង្គ្រាះឱ្យថ្នាំនិងអាហារបានរស់ត្រឡប់មកស្រុកកំណើតវិញ។

© មជ្ឈមណ្ឌលឯកសារកម្ពុជា